陳智燊

無綫型爸離巢唔夠半年想回巢 終為奶粉錢跪低!

呢位型爸今年6月與無綫約滿,成功變回自由身!不過,似乎即將會為呀仔奶粉錢而跪低,皆因佢透露自己好恨番無綫拍劇喎!唔通喺出面唔撈掂,所以依家想回巢搵銀?!

撰文:東方新地|圖片:陳智燊Instagram

陳智燊唔夠半年想回巢

離開無綫唔夠半年嘅陳智燊(Jason)最近就接受電台訪問,透露自己正為新加坡傳媒拍攝介紹香港嘅綜藝節目,同時亦正斟洽劇集工作,表示嚟梗會拍攝網劇,聽落好似好多工作!

Jason坦言:「離開無綫時間唔太長,但都想重返無綫拍劇,講真香港演員不多,同埋我同無綫嘅關係亦唔差。」,至於想拍咩類型嘅劇,Jason就話:「想拍《BB來了》第二輯,其實照顧BB我都熟手,換片、沖涼都可以!」,睇嚟Jason都好心急想番無綫喎!

不過,Jason指最近開始提醒自己「要聽話」,寧願放工返屋企再慢慢抱。同時,佢又坦言比太太宋熙年更緊張阿仔,因為自太太陀B到現時都不時上網搵湊B資料。

陳智燊想大搞囝囝百日宴

眨下眼,囝囝Damon已經兩個月大。被問到可會辦百日宴?Jason直言有意大搞,不過要先選擇場地、預人數,因為囝囝每天有指定時間睡覺,帶囝囝外出吃飯較難兼顧,但都想邀請親友齊聚吃飯慶祝。

View this post on Instagram

S❤️J . . . . #tbt #nye2017 #myfamily

A post shared by Sarah Song 宋熙年 (@rahrahsong) on

首公開仔仔正面相

兩位新手爸媽一直忙緊照顧BB,甚少喺IG分享BB嘅近況。日前,陳智燊少有貼兩張咗B仔相,留言問大家「BB似邊個多啲」,而他認為BB眼仔似媽咪,鼻仔同嘴仔似自己,仲叫大家估下耳仔似邊個。

陳智燊又放咗一張影住仔仔腳帶嘅相,留言話「我們會一直牢記2018年,由二人變三人家庭一年。我們現在有了一個屬於我們嘅兒子,又或者是屬於 Sarah嘅兒。」

一索得男 母子平安

31/8 陳智燊宋熙年同時更新IG,原來佢哋嘅愛情結晶「Boss baby」出世喇!仔仔重6磅非常健康!Sarah PO咗一張Jason抱住BB嘅相,慈父相表露無遺!

同時Jason就PO咗一樣同BB頭貼頭嘅相,個樣勁冧,仲話好多人都話個仔同佢似樣,咁即係大個都會係一個靚仔啦!

新手爸爸Jason早前接受訪問時表示,心情好興奮。之前老婆仲係大住肚,BB而家出咗世,成件事唔知點去消化,覺得好得意、好神奇!而佢亦都有陪老婆入產房,過程好順利!

新手爸爸覺得好充實

Jason早前出席活動時,個樣都明顯好攰,佢話BB已經兩個星期大,試過幫BB沖涼,雖然自己都幾驚,但係對BB嘅喊聲都冇厭倦感覺。而家出親去做嘢都會好掛住BB,放工唔係返屋企,就係去買BB嘢,日常生活已經離唔開BB,好充實!

BB尚未改名

據知,Jason喺醫生傍住之下,幫囝囝剪臍帶!佢話當時好似剪綵咁,醫生仲叫佢影咗相先!剪完BB仔冇事,佢自己都冇嚇親。Jason覺得BB瞓覺個樣好甜,好似媽咪,不過朋友就個個話BB 似爸爸。

想再追一個女

「Boss baby」而家就仲未改名,但已經同媽咪一齊返咗屋企,兩個都食得瞓得!Jason話Sarah想再生多個女,嚟緊佢哋會再好好計畫吓!

新手媽媽容光煥發

早前Sarah至喺IG出PO抒發產後嘅感受,仲話自己身形同個樣都未「還原靚靚」,但係尋晚Jason就喺IG PO咗Sarah張個人大頭相,就見到Sarah容光煥發,又冇水腫又冇起斑,精神又好好,就好似Jason咁講,好Amazing呀!

慶祝結婚兩周年

另一邊箱,Sarah就PO咗張恩愛放閃相,仲話好感激老公皇恩大赦,畀佢放監3個鐘,同埋畀佢着番5個月冇着過高踭鞋,同佢一齊扮靚靚食呢餐結婚兩周年飯!

不過始終都仲未坐完月,食完好西,又要返去繼續坐⋯⋯月喇!

宋熙年

「我而家唔似相中人!」

坐緊月嘅Sarah,早前喺IG發文,直言一直都知道「為母之路」唔易行。懷孕只係一個開始,不過佢覺得好幸運,由懷孕到生產都好順利。不過產後呢幾個星期,對佢自己嚟講就好有挑戰性,因為可能身形樣貌都仲未回復(佢話:我現時唔似相中人)。為餵母乳都做好不眠嘅準備,但係之前冇人同佢講過,產後嘅腫脹、出汗、憂鬱等等嘅情況係會咁嚴重,加上傷口又未復原,又熱(可能因為坐月唔吹得等,所以要著長袖衫!)一切一切一都將佢昔日嘅魅力打倒!但係係乜嘢令佢覺得呢一切都係值得?就係當佢抱住BB嘅同時,老公一樣都抱住佢! 講咗咁耐,原來都係放閃㗎!

FullSizeRender (1)

FullSizeRender

陳智燊宋熙年拍拖7年,愛得甜蜜,不時被催婚,終於在2015年暑假,忙於拍劇的Jason特意「即日來回」澳洲,趁Sarah與家人慶祝生日時,送上鮮花及親自設計的鑽戒求婚,讓Sarah驚喜萬分。2016年,兩人在英國東薩塞克斯郡的Buxted Park Hotel完婚。

IMG_2325

IMG_2323
陳智燊宋熙年 二人的pre-wedding照

兩夫妻接受無綫節目《東張西望》訪問時,Jason表示愛妻宣言要讀多次才抱得美人歸,「要求高到不得了,要一隻隻字好有愛讀出嚟,嫌我講得太慢,要快啲,結果講咗兩、三次先收貨。」

14370291_1211698392207163_2571462187555649545_n

70e120a9gw1f808or2rwqj20gw0pdq61

66d4bb40jw1f80nwjqwo5j20u00n5acf

宋熙年 爆陳智燊勁緊張

陳智燊和宋熙年閈早前以夫妻檔出席新車發布會,兩人笑言已經準備咗好多迎接BB嘅嘢,又表示唔介意用二手嬰兒產品,講番剛開始知道懷孕時嘅心情,兩人都話好無助:「因為未夠三個月,唔可以話畀任何人知,唔可以問其他人。」所以當時陳智燊都是依靠網上嘅資訊來照顧老婆。

宋熙年
陳智燊和宋熙年話已經準備咗好多迎接BB嘅嘢。

宋熙年又透露胎兒性別係男仔,仲話雙方父母對抱孫都覺得好開心,不過陳智燊就笑言:「我呢邊都係兄弟,父母比較想抱孫女!」

宋熙年
陳智燊自嘲中文唔好,所以仲未為BB起中文名,可能要請教一下其他人,但英文名就將會由佢自己改。

而問到老公係咪特別緊張佢懷孕嘅狀態,宋熙年甜笑指:「佢每個小時都講三次,叫我小心、小心、小心,唔能夠食啲咩嘢咁。」

宋熙年
宋熙年踢爆陳智燊呢個新手爸爸每日都非常緊張!

宋熙年

孕媽宋熙年 準備充足

今個月,孕媽宋熙年就趁住懷孕進入穩定期、個肚又未至於太大,同老公陳智燊一齊飛咗去毛里裘斯,爭取機會再享受吓二人世界先!

陽光海灘、水清沙幼,又大住肚做緊女皇,孕媽媽好有興致影咗好多靚相擺上網,仲見到佢個肚剛滿四個月,已經睇緊育嬰書做定功課㖭!其實唔止呢樣,宋熙年仲話已經請咗陪月,真係準備功夫做到十足。

著波鞋出巡

孕媽宋熙年陀B亦份外小心,平時出job有助手、出街有老公傍實,呢日去超市上糧,就有外傭跟實,宋熙年揀完肉又揀菜,之後又親自揀靚生果,睇嚟都係入開廚。最最最緊要係呢日好聽話,著番平底鞋,緊張老公陳智燊就倍感安慰喇!

宋熙年
作為一個時代職業女性,宋熙年都係親自去買餸,不過自從大咗肚,就有外傭跟身。為靚為台型平時接司儀job都繼續著高跟鞋,令老公有微言!呢日出入都係著波鞋,乖喇。
宋熙年
宋熙年揀完餸又走去揀生果,全部親力親為,之後負責畀錢,姐姐就醒目入定袋拎嘢。

宋熙年

日前兩公婆齊齊飛去毛里裘斯享受二人世界,除咗微微隆起的四個月肚,宋熙年手腳纖幼keep得好fit,仲呃到人。

新手媽媽係緊張啲,就算放假都要抓緊時間溫吓書睇定育嬰指南。

兩公婆仲喺剛過去嘅母親節分別上載同母親合照嘅童年相,唔知將來BB會似邊個多啲呢?

關鍵詞
陳智燊