陳曉華

封后幾日 發文講感受 陳曉華:係咪有獎先叫贏

《2018香港小姐競選》圓滿結束,冠軍由賽前大熱 17號陳曉華(Hera)奪得!呢位出爐港姐封后之後,一直未有喺社交網蒲頭,雖然Hera賽前係大熱門之一,但有網民覺得佢當晚表現一般,甚至覺得亞軍鄧卓殷當晚表現比佢好,昨日凌晨陳曉華終於喺Instagram發文講感受,佢自言曾經問過自己「係咪一定要有獎先叫贏」⋯⋯

撰文: 東方新地|圖片:新傳媒圖片、陳曉華Instagram

陳曉華 封后幾日終發文

港姐2018賽果已經塵埃落定,最後由17號Hera摘下后冠,雖然她賽前被視作大熱門之一,但有網民覺得佢當晚表現一般,甚至覺得亞軍鄧卓殷當晚表現比佢好,而Hera昨晚終於喺社交網寫得獎感受!

陳曉華
陳曉華坦言話可能自己唔係好多人心目中表現最好嘅女仔,但當晚係佢23年嚟最令佢自豪嘅陳曉華。

昨晚Hera喺ig貼文話:

「呢幾日都收到大家既(嘅)祝福同恭賀,好多謝大家既(嘅)每一票,好幸運!自己係(喺)呢個過程入邊,發現比賽最珍貴既(嘅)意義原來係見證自己既(嘅)成長,得到別人既(嘅)肯定好重要,但得到自己既(嘅)肯定先係最重要,或者我係(喺)好多人心目中唔係當晚表現最好既(嘅)女仔,但就好似我既(嘅)五強感言所講,我做到呢23年黎(嚟)最令自己自豪既(嘅)陳曉華非常感激每一位既(嘅)愛護!」

陳曉華

陳曉華的父母當晚都有現身撐愛女,對於女兒獲奬,陳媽媽直言好開心,也是意料之外!

陳曉華

被封「爛口港姐」?陳曉華:好少講粗口

人紅多是非,剛當選的陳曉華也不例外,日前有報道指她與前男友狄易達拍拖期間被指爆粗,Hera回應話當時與狄易達討論過應該冇爆粗,平時自己亦不多講粗口,即使講到興起也不會無緣無故爆粗。

至於被冠「爛口港姐」之名,她說不會不開心,仲話當選後會更加謹言慎行!

港姐2018賽果 冠軍17號陳曉華

2018年港姐冠軍正式誕生, 由17號陳曉華奪得!

由上年嘅冠軍雷莊兒為佢加冕!

喺才藝表演環節,陳曉華表演空中瑜珈!

亞軍20號鄧卓殷

現年23歲的20號鄧卓殷(Amber)除了奪得亞軍,仲攞埋最上鏡小姐,成雙料港姐。Amber畢業於港大建築系,現職是是一名見習建築師。在學期間,她曾在由亞洲權威雜誌Perspective舉辦嘅年度設計頒獎盛事A&D TROPHY AWARD獲獎,同時學咗十幾年中國舞,真係才貌雙全。

亞軍鄧卓殷獲讚泳裝環節騷急才,臨場想到為農夫改新名「播種的機」,引得全場歡笑及拍掌。她謙認賽前做足功課,有找過農夫的背景資料。

決賽當晚,從小習舞的Amber表演強項中國舞,難怪獲星級評判激讚。

Amber笑容甜美,比賽當晚表現自然又有自信,獲亞軍也相當合理!

2018港姐首輪面試

大家都知道港姐首輪面試可謂「燕瘦環肥」,咩人都有,不過昨日呢位白裙長髮少女出場、見到佢笑容甚為甜美、身材高佻,即時謀殺唔少菲林!

Hera
白裙飄飄好仙氣!

中大護理系靚女Hera

23歲陳曉華Hera今夏剛畢業於中大護理系﹐Hera接受訪問時表示自己未搵到工,所以決家試試參選港姐。呢個絕對係明智決定!

Hera
173cm身高相當突出!

173cm模特兒身材

此時大家當然都關注有冇玩開社交網站,答案係有的,而且公開靚相任睇。身高173cm的Hera擁有模特兒身材,同時真係一位兼職模特兒,張張相都美感滿滿,要follow!

Hera今年剛畢業於中大護理系,見到佢早前亦有分享數張畢業照,同樣係靚到爆,Model真係唔同啲!

有樣靚有Model身材,著咩衫都靚過人!

無敵白滑長腿

長腿真係冇得輸!

朋友立即被比下去呀陰功!

泳衣照貴精不貴多

最後當然係大家最期待的泳衣照啦!不過數量又唔算多,唔知Hera開始出名後,會唔會分享多啲福利益網民呢?

呢張正呀喂!
真係高人一等!

曾同狄以達拍拖

Hera曾經同歌手狄以達拍拖,兩人曾被影到在牛頭角一一餐廳撐枱腳,舉止親蜜,而Hera畢業時達仔亦有露面。達仔回覆傳媒時,表示佢同Hera大概喺四月時已分手,不過都支持前女友參選!

延伸閱讀: