陳柏宇

陳柏宇妻符曉薇宮外孕 腹痛狂出血切左邊輸卵管保命

最新娛聞

廣告

歌手陳柏宇(Jason)同太太符曉薇(Leanne)自榮升做爸爸媽媽之後,經常都晒愛女Abigail嘅相到社交網站,不少網民都大讚囡囡可愛。Leanne更不時在youtube跟粉絲分享一家三口日常,一家三口幸福無比,可惜日前Leanne在頻道分享了「媽媽最痛」,與大家分享她與死神擦身而過的宮外孕經歷。

撰文:東方新地|圖片來源:youtube截圖、Instagram

女人至痛 符曉薇勇敢分享經歷

陳柏宇妻符曉薇宮外孕 復痛狂出血切左邊輸卵管保命

日前,Leanne在其youtube頻道上載一段題為「『Leanne 有話兒』究竟之前神神秘秘發生咩事?而家解答大家!女人事」,約12分的片段,片中她在簡潔雅緻的新居梳化上盤膝而坐,穿著棕色tee短褲,抱著白色咕𠱸的Leanne精神尚算不錯。

陳柏宇妻符曉薇宮外孕 復痛狂出血切左邊輸卵管保命

她表示2018年誕下女兒Abigail後,因為囡囡好喜歡BB,所以一直希望為女兒添多名細佬妹,而今年5月得知懷孕,兩家上下高興非常 ,怎料之後不時腹痛,更嚴重到不停出出血,產檢才發現是宮外孕,胎兒着床的左邊輸卵管爆裂,要進行緊急手術。Leanne表示當時心情非常低落,一來大家都歡天喜地準備迎接BB來臨,不想大家失望,二來曾不停幻想胎兒可能會在某角度健在,不過因為出血問題嚴重,必需進行手術。當時醫生讓Leanne選擇修復左邊輸卵管或直接切除,沒有這方面經驗的Leanne只好在網上參考個案,經一輪研究,看到原來選擇修復撕裂輸卵管的媽媽,之後亦有可能再在該處着床再致宮外孕,所以最後決定將其切除。

手術完成後,Leanne幸獲一位經歷過兩次宮外孕的好友陪伴,才走出陰霾,當然家人支持亦很重要,她謂:「做完手術嗰一個月就好似坐月咁,媽咪日日嚟照顧我,佢唔識煮嘢食都煮俾我。」又感謝老公陳柏宇、奶奶等等陪伴度過,不過今次經歷太深,Leanne對再懷孕畢竟失了點信心,但將來都會再試,觀乎Leanne在片段中表現冷靜,相信無論心理和身理都康復得七七八八,希望她早日完全復原,加油!

陳柏宇妻符曉薇宮外孕 復痛狂出血切左邊輸卵管保命

陳柏宇兩公婆 爭住抱女

陳柏宇同太太Leanne於2017年結婚,18年更榮升父母,生咗囡囡Abigail,兩公婆經常同囡囡形影不離,仲成日喺社交網站到分享佢哋湊女嘅日常生活。更曾在無綫節目分享一家三口的點滴。

陳柏宇妻符曉薇宮外孕 復痛狂出血切左邊輸卵管保命

原來現實中Jason同Leanne會爭住抱Abigail,如果Jason爭唔到就會叫Abigail快啲喊,因為囡囡一喊就代表對方輸咗,可以畀返Jason抱,十分搞笑!

陳柏宇
車婉婉讚陳柏宇抱囡囡抱得唔錯
陳柏宇
Leanne同陳柏宇爭住抱女
陳柏宇
陳柏宇爭唔到就叫Abigail快啲喊
陳柏宇
因為囡囡一喊就代表對方輸咗

陳柏宇為過去大平反

另外,車婉婉仲喺節目入面畀佢哋兩公婆為之前嘅事作平反,好似之前Jason出街玩,結果屋企嘅所有小生命都出事,仲搞到Leanne要凌晨4點幾喺網上出文發洩。

陳柏宇

陳柏宇
Leanne因為遇到條難題搞到凌晨4點幾喺網上出文發洩

Jason就表示,自己個日已經得到批文可以出街。不過Leanne就踢爆,原本係佢約咗朋友去打麻雀先,但佢就讓咗Jason畀佢去玩,而事發個時佢打畀老公,個時Jason已經飲醉咗,仲話已經進入咗「忘佢狀態」,令Leanne哭笑不得。

陳柏宇
Jason就表示,自己個日已經得到批文可以出街
陳柏宇
Jason已經飲醉咗,仲話已經進入咗「忘佢狀態」

望囡囡快點長大

好多人都會以為,Jason作為「愛女控」同「愛妻號」,返到屋企一定會係錫佢哋是但一個先,點知Jason就大爆原來兩者都唔係,佢返到屋企先摸狗仔阿V,其次係狗仔Bessie,老婆都只係排第三!仲話因為Leanne名氣本身已經係第一,所以留到最後先錫。

陳柏宇

被問到生小朋友之後嘅改變,Leanne表示,生完囡囡之後就好少外出時間,即使約朋友都好,都會選擇喺自己屋企搞聚會。

陳柏宇

而Jason就同樣比以往放更多時間喺屋企,「以前會喺Gym房留4-6個鐘,但依家唔會,依家有時候早收工嘅話,就會返屋企睇個女,之後再出去」。

陳柏宇

好多父母都唔希望小朋友大得咁快,但對於Jason呢個「愛女控」嚟講,佢竟然好想囡囡大得快啲,因為依家帶佢出去好麻煩,要帶呢樣又要帶嗰樣,又唔可以餵固體食物,到佢咩都可以試個時就方便喇!」不過,雖然Jason口就咁講,但相信佢內心其實都唔捨得囡囡大得咁快。

陳柏宇

陳柏宇感激老婆為家庭付出

陳柏宇同老婆Leanne一齊咗7年,佢認為Leanne生小朋友之前係「大方、節儉、講道理」,而生小朋友之後就係「偉大、英雄、抵得諗」,因為Jason喺餵奶嘅時候曾經對囡囡爆喊而無力招架,仲試過同囡囡一齊喊,而Leanne就係呢方面費盡心思,會投放好多時間喺囡囡身上,大讚對方「真係英雄嚟」!

陳柏宇
陳柏宇認為Leanne生小朋友之前係「大方、節儉、講道理」
陳柏宇
陳柏宇大讚老婆係英雄

陳柏宇:我同佢嘅關係好完美

其後,Jason續指自己同Leanne嘅關係已經好完美,Leanne仲大讚對方好識維持關係,因為Jason好識得表達自己,特別係喺工作唔如意嘅時候,Jason會send一啲「佢有幾愛我(Leanne)、有幾愛呢個屋企,好感恩有呢個家」嘅說話,令Leanne好感動。

陳柏宇

講到呢到,Jason就望住Leanne重新講一次當日個Message,「我好感激有你,為家庭作出嘅所有努力同犧牲,I Love You Baby」。

陳柏宇

其後,Jason仲自爆佢其實每日都會同太太講「我愛你」、「Good night」、「Sweet dream」等說話,而每朝起身都會錫Leanne一啖,唔怪之得Leanne話Jason好識維持彼此間嘅關係,真係好Sweet呀!

陳柏宇

符曉微:幸福非必然

而Leanne亦都有心底話同Jason講,Leanne表示,自己一直都好感激有Jason呢個老公,因為佢喺好多事上都幫到手,除咗照顧囡囡同家庭外,仲好識照顧Leanne嘅感受。

陳柏宇

Leanne一路喊一路講,「有好多朋友同我講,佢哋啲老公唔會咁樣做,我好感激佢願意做呢啲嘢,其實好少有,我覺得自己好幸福,我知道唔係必然,依家自己遇到一啲問題,佢都好支持我」,呢番話真係好感動,連車婉婉都感動流淚。

陳柏宇

同場加映:囡囡百日宴後大變樣 老婆:第日過關點算?!

早前,Leanne喺IG上載咗張相,見到Abigail四個月前影嘅證件相睡眼惺忪眼仔細細咁嘅樣,但到日前再影相時已有好大分別,對眼大咗好多五官仲出晒嚟,十分精靈可愛!尖尖嘅下巴仔睇起上嚟仲開始有幾分似Leanne添,難怪Leanne亦大呻:「你下次過關點算?」認真笑爆嘴!

現時的Abigail同以前比有好大分別
現時的Abigail同以前比有好大分別
Abigail四個月前影證件相嘅時候睡眼惺忪
Abigail四個月前影證件相嘅時候睡眼惺忪

陳柏宇囡囡百日宴

轉眼間,Abigail已經3個多月大,陳柏宇昨晚為女兒設百日宴慶祝,並邀請了逾200位親朋好友出席。陳柏宇透露,原本百日宴應該在早前舉行,可是因為工作和行程排滿檔,實在難以分身,所以才推遲囡囡的百日宴。

陳柏宇妻符曉薇宮外孕 復痛狂出血切左邊輸卵管保命

Abigail任抱唔嬲

生得精靈可愛、穿着格仔Look的Abigail一登場,立即成為全場的焦點,乖巧的她任由來賓抱,完全不哭鬧,逗人喜愛,陳柏宇和Leanne也難得「鬆一鬆」,放心將囡囡交給親友照顧,自己則可以好好的招待朋友,談談近況,就是一個溫馨的family gathering。

陳柏宇妻符曉薇宮外孕 復痛狂出血切左邊輸卵管保命

陳柏宇和Leanne雖然打扮很隨意,可是設宴時卻花了不少心思,他們特別訂製一個幾層高的蛋糕給囡囡,另牆上掛有寫着Abigail名字的霓虹燈,陳柏宇笑言要將它掛在囡囡將來的房間中。

陳柏宇妻符曉薇宮外孕 復痛狂出血切左邊輸卵管保命

百日宴開席時,正值Abigail平常的就寢時間,不過她成功「戰勝睡魔」,努力提起精神,跟着父母到每一枱與親友們合照留念,陳柏宇都忍不住讚囡囡乖巧,他又指已經好久沒有這樣輕鬆的與家人朋友敍舊閒談,所以自己都玩得很開心,也希望每位親友都留下歡樂回憶。

陳柏宇妻符曉薇宮外孕 復痛狂出血切左邊輸卵管保命

陳柏宇囡囡憤世嫉俗樣影證件相

自從今年9月陳柏宇囡囡出世後,Jason就有女萬事足,不時都喺個人社交網大晒B女Abigail嘅生活相。早幾日前,呢位新手老竇就帶咗呀女去打針,仲痛埋呀女個份,Jason真心體會到心頭肉嘅意思!

View this post on Instagram

今日要打針呀。

A post shared by JasonChan (@ckw720) on

View this post on Instagram

佢個樣好可愛呀!

A post shared by JasonChan (@ckw720) on

日前,Jason兩公婆就帶住Abigail去影人生第一次嘅證件相。平日喺老竇鏡頭下表情多多嘅Abigail今次影證件相就俾足驚喜父母,皆因張證件相見到佢喞都唔笑咁,連媽咪Leanne都話:「點知佢整個憤世嫉俗樣出黎」,認真搞笑!

雖然話媽咪對於呀女呢個不滿樣有啲投訴,但其實如果真係咁唔鐘意都可以同呀女再去影過嘅,咁就唔洗擔心呢個憤世嫉俗樣要用喺passport度5年啦!

View this post on Instagram

mommy took this picture.

A post shared by abigail chan (@abigail92518) on

View this post on Instagram

i’m thinking…

A post shared by abigail chan (@abigail92518) on

陳柏宇正式宣布囡囡中文名

陳柏宇(Jason)自去年9月底榮升做爸爸之後,隨即化身做「晒女狂魔」,不斷瘋狂喺個人社交網上載囡囡Abigail嘅得意相外,仲幫呀女開埋個全新帳戶!陳柏宇其後於呀女嘅個人社交網公布囡囡Abigail有中文名啦!Jason就上載出世紙上面寫有「羿辰」兩個字嘅相,並留言:「i now officially have a chinese name!!(我依家正式有中文名啦!)」

View this post on Instagram

i now officially have a chinese name!!

A post shared by abigail chan (@abigail92518) on

據了解,Jason太太符曉薇(Leanne)就透露呀女個名係搵師傅改,指師傅計過囡囡個八字,覺得佢重金,Leanne就覺得「羿辰」呢個名好靚,所以就揀咗呢個名。

View this post on Instagram

they are definitely talking about me…

A post shared by abigail chan (@abigail92518) on

自爆「爆笑」生產經過 陳柏宇太太:「條粉蛋喊到豬頭咁」

Leanne日前於社交網分享囡囡出世當日嘅「生產記」,佢留言話:「首先25號9點幾起身痾尿,點知好似唔識停咁,仲有少少血,心諗呢啲會唔會叫做穿羊水呢,我仲喺廁所大叫陳廣偉(Jason),點知條粉蛋以為我叫佢執屎執尿,佢扮聽唔到繼續瞓覺。」

穿羊水 | 陳柏宇懶理:「拍戲嗰啲唔係咁」

見老公繼續瞓唔理自己,Leanne唯有自己打畀醫生求助,醫生聞言即叫佢入院,然後:「我入房拍醒條粉蛋,出門口嘅時候我仲同佢講,攞埋個走佬袋出去,點知佢同我講話唔使,佢話唔似有啲乜,人哋拍戲嗰啲唔係咁,如果真係要生嘅先返嚟攞,最弊嘅係我竟然聽佢講。」

陳柏宇陪產 不忘搞爛gag

安全到達醫院之後,去到醫院姑娘檢查完確實係穿羊水,即刻call醫生返嚟接生。

Jason當時仲以為老婆未生得,好得戚咁同姑娘開玩笑:「條粉蛋仲同姑娘講,乜同拍戲咁大分別嘅,乜穿羊水咁平淡,姑娘同佢講嗰啲係做戲。之後入到手術室門口,條粉蛋換完套藍色手術室衫出黎,好正經同我同姑娘講,你好我係今日嘅醫生,呢個時候麻醉科醫生行過嚟,同我哋介紹自己,點知條粉蛋好厚面皮咁講,原來你係醫生,我以為我自己係醫生,啲醫生護士喺度好開心咁樣笑,仲同我講你先生好搞笑,我問番佢哋搞事定搞笑丫,之後我就推入手術室。」令Leanne哭笑不得。

陳柏宇陪產「喊到豬頭咁」

臨產一刻,Leanne開始好緊張,因為佢聽聞女人生B都要經歷超粗麻醉針同10級痛:「喺嗰個時候先開始緊張,因為聽好多朋友講打背脊嗰支麻醉針係好痛,啲醫生同護士好溫柔,一路叫我唔好緊張,話支針好幼 唔會痛。竟然真係唔痛,之後我下半身已經進入麻醉嘅狀態。」

「喺嗰個時候10分鐘唔使我個女就出咗世,成個過程我都唔係好感受到好痛的感覺。聽到佢(囡囡)喊果下真係滴咗幾滴眼淚,之後望佢條粉蛋(Jason)佢已經喊到豬頭咁。醫生仲問佢剪唔剪臍帶啊,佢即刻say no 。」

生B唔可怕 最可怕係…

最後Leanne仲話原來生仔並唔可怕:「手術半個鐘唔使就完成,原來生小朋友都唔可怕。最可怕係個老公日日夜夜對住你個女係咁影係咁影。」

陳柏宇「痴漢湊女法」 有女萬事足

自從B女 Abi出世後,陳柏宇日日夜夜都掛住湊女。老婆符曉薇形容「個女一出世就有個痴漢永遠跟著佢」

陳柏宇妻符曉薇宮外孕 復痛狂出血切左邊輸卵管保命

呢個男人真係好恐怖,佢自己影個女就算啦。仲要逼我幫佢同個女合照,你睇佢個樣幾滿意,你睇我個女個樣幾無奈。

符曉薇做母乳媽媽 嘆:「滴滴皆辛苦」

陳柏宇妻符曉薇宮外孕 復痛狂出血切左邊輸卵管保命

陳柏宇晒一家三口合照 激動報喜

陳柏宇(Jason)喺個人社交網上載一張一家三口嘅溫馨相,激動留言:「我一見到佢就忍唔住喊!Abigail,i choose u!(throw out pokeball)」,正式宣布自己榮升做人父!

據知,昨日Jason太太符曉薇(Leanne)剖腹誕下囡囡,B女重5.2磅。喜獲小公主嘅Jason喺一日內就已經不斷更新自己個人ig,上載3張呀女嘅相!

佢隻腳板仔都幾大。

緊隨其後,愛女心切嘅新手爸爸Jason,更隨即為寶貝女開設專屬ig。Ablgail啱啱出世 先得1日大 就有自己嘅個人ig,一睇就知老竇有幾咁高興!

Jason更大方為愛女Abigail上載咗一張個人正面獨照,兩夫婦早有準備已為囡囡改好英文名。

陳柏宇升呢做爸爸 即變晒女狂魔

當然,喺Ablgail嘅ig度會見到老竇Jason不斷為愛女更新可愛靚相!

仲有片睇!

望著前世情人,Jason都忍唔住伸手不停同囡囡互動下。

提前報到的Ablgail,重5.2磅,算係細碼b,細細粒,頭仔得老竇個拳頭咁大咋。

陳柏宇妻符曉薇宮外孕 復痛狂出血切左邊輸卵管保命

每張相都配有老竇嘅精心留言,好似以下呢張,Jason就寫住:「roar(咆哮)!!」

陳柏宇為愛女開live 老婆都頂佢唔順:「痴線㗎」

昨日傍晚,Jason更急不及待為一日大的愛女開live,喺個live入面仲會聽到Jason嘅一堆bb話!一開場就聽到太太符曉薇喺旁邊講:「第一日有live,痴線㗎」,Jason自己都笑言:「我自己都未開過live」

陳柏宇妻符曉薇宮外孕 復痛狂出血切左邊輸卵管保命

喺live入面,Jason簡直係花痴狀態咁,360度咁圍住囡囡轉,不停對著瞓緊覺嘅Abi say hello。

玩玩吓,發現囡囡好多頭髮,仲好抵死咁笑囡囡「含發量」好高,一心想畀網民睇真啲bb嘅濃密頭髮,突然又發現囡囡換個角度睇,頭髮好卷,好似「黑人」。

陳柏宇笑囡囡似「黑人」
陳柏宇笑囡囡似「黑人」

為咗畀粉絲一睹囡囡開眼樣,Jason不停同囡囡Say hello,又搞笑咁叫囡囡起身:「起身啦,夠鐘返學啦」氹到喺旁邊嘅Leanne不知幾開心。

陳柏宇妻符曉薇宮外孕 復痛狂出血切左邊輸卵管保命

然後,Jason又講到囡囡15分鐘後將迎來「人生第一餐」,不過就用好可惜嘅語氣話「餵奶無得開live,仲要係餵人奶」,相信在旁的Leanne望著花癡狀老公,應該相當無語。

Jason抱女望到眼都唔眨。
Jason抱女望到眼都唔眨。

老婆隔空呷醋:「佢已經唔記得老婆姓乜」

雖然愛女還愛女,都唔可以唔理個老婆嘅 !Jason老婆都頂唔順老公淨係掛住理個女,結果Leanne就上載張老公甜望囡囡嘅相,留言:「Welcome to the world Abigail 係今日開始陳生眼入面 已經被另一個女人霸佔左 佢已經唔記得咗佢老婆姓乜」老婆擺到明呷梗醋喎陳生!

同時,有網友搞笑留言話:「你睇下佢短短一日post 左幾多個 果個女人張相」Leanne都回覆嗰位網友,指:「你睇到個重點了」,醋意極濃!

陳柏宇妻符曉薇宮外孕 復痛狂出血切左邊輸卵管保命

 

 

話雖如此,Leanne都知老公係錫個女係件超甜嘅事,皆因Leanne都喺自己個ig晒出Jason抱住B女甜笑個樣,相信呢位新手媽咪同人妻自己見到呢個畫面都覺得好冧嘅!

陳柏宇妻符曉薇宮外孕 復痛狂出血切左邊輸卵管保命

當爸第二日 頭號任務:繼續晒女

今日Jason又繼續晒女,並留言:「day 2 of my escape.」似乎意指見到囡囡就係「Escape」,可以幫佢逃離工作上嘅忙碌日程,有心靈治療嘅感覺!呢位新手老竇堅冧到爆燈!

呢位新手爸爸已經好熟手啦。

 

我家公主今日笑過兩次。兩次我都影唔到。真失敗

有板有眼 陳柏宇孖老婆上堂學湊B

早前,剛宣佈太太有喜嘅陳柏宇舉行簽唱會,獲大批粉絲支持。他在台上和粉絲玩模仿湊BB遊戲,幫公仔沖涼、餵奶和換片時有板有眼,似乎已經做足準備做新手爸爸。

 

陳柏宇表示,B女出世後,會請陪月阿姨幫手湊。他和太太符曉薇都已經開始上堂學習湊B,又爆太太晚上顧著玩電話唔肯瞓。他說:「太太會照常返工,她佗得BB好健康,心臟好強壯,不想過份保護她,希望她在懷孕期間都有自己的生活。」

發高燒要老婆大住個肚送入院

陳柏宇日前在Instagram上載了一張自拍照,指自己發高燒,更一度燒至39.6度,情況頗為嚴重,老婆符曉薇見狀,連夜將他送院治理。

據知,符曉薇已經懷有8個月身孕,理應應該遠離醫院,以免受細菌感染,不過她為了老公,仍然願意「帶球」前往醫院,令Fans大讚她非常Sweet,連陳柏宇也忍不住指太太「超有義氣!」。

陳柏宇妻符曉薇宮外孕 復痛狂出血切左邊輸卵管保命

《1+1的深情》爆房事

其實之前二人在田蕊妮主持的《1+1的深情》節目中接受訪問,當時Jason被問到對上一次行房他直言兩周前,阿田笑佢哋隔咁疏,阿田再問每周行房多少次?Jason笑說:「我諗最多都係一次,以我嘅能力!」

陳柏宇
陳柏宇自爆一周一次行房!
陳柏宇
陳柏宇話對上一次係兩周前,當時田蕊妮仲話咁耐才一次!

 

二人又於節目中畫將來跟小孩一起的一家三口圖畫,估唔到咁快夢想成真。

陳柏宇
陳柏宇同太太都希望一家三口!

陳柏宇符曉薇結婚紀念日 晒恩愛:每天愛佢多一些!

陳柏宇與符曉薇去年7月2日結婚,日前是他們的結婚週年紀念日,二人都有於instagram 發佈合照。符曉薇於instagram留下愛的宣言,表示:「萬眾期待嘅日子,今日陳生終於放假。我地終於可以拍下拖、行下街、食下飯,慶祝埋我地第一個結婚週年,同第七個拍拖週年。一齊左七年一啲癢都無,仲每天愛佢多一些,有時仲難捨難離,希望呢個感覺到永遠!」真係好sweet!

陳柏宇符曉薇結婚紀念日 晒恩愛:每天愛佢多一些!
圖片來源:符曉薇Instagram
陳柏宇符曉薇結婚紀念日 晒恩愛:每天愛佢多一些!
圖片來源:符曉薇Instagram

囡囡提早報到 預產期係10月

陳柏宇4月時公布太太符曉薇懷孕,囡囡將於10月出世。懷孕中的符曉薇身形有少許發福,但依然咁靚!但係符曉薇就話自己好似家有囍事嘅吳君如!

陳柏宇符曉薇結婚紀念日 晒恩愛:每天愛佢多一些!
圖片來源:符曉薇Instagram
陳柏宇符曉薇結婚紀念日 晒恩愛:每天愛佢多一些!
圖片來源:符曉薇Instagram

和太太不是一見鐘情

陳柏宇 喺拍《喜愛夜蒲》嘅時候認識太太,「起初第一眼見佢其實唔係Love at first sight、唔起眼㗎!係因為之後我哋一齊玩啤牌,透過玩啤牌嘅過程,認識佢個人,先至開始有好感,慢慢開始發展…33歲結婚並唔係咪計劃之內,我心目中結婚嘅時機唔係用歲數去限制,而係心態,係我覺得我夠成熟去結婚。」

陳柏宇妻符曉薇宮外孕 復痛狂出血切左邊輸卵管保命

陳柏宇 話冇特定一刻認定符曉薇係太太,而係一路相處累積番嚟,「我喜歡佢嘅性格,率直、個人真,有可愛嘅時候,有嬲嘅時候,好簡單嘅形容,但兩個人相處之間嘅火花係最重要,再加上我哋嘅磨合係好。」

陳柏宇妻符曉薇宮外孕 復痛狂出血切左邊輸卵管保命

陳柏宇同符曉薇在倫敦另類影婚照,相當甜蜜自然!

陳柏宇

英國嘅超市都係婚照的取景地,貼地又有特色!

陳柏宇
係咪好溫馨呢…
陳柏宇
床照都有!

承諾陪伴你一輩子

兩人因為拍攝電影《喜愛夜蒲》而相識,後來墜入愛河。兩人更不時在網上貼上合照放閃,更在今年正式步入另一階段,向對方承諾會陪伴彼此一輩子。Leanne更搞笑地說結婚是兩人「成為老襯的一刻」,大概是因為餘下的一生都會為了對方的開心,做盡傻事吧!

陳柏宇與老婆7個最甜蜜時刻1

在你面前我只是普通人

不難發現陳柏宇與老婆Leanne的pre-wedding婚照,沒有華麗禮服,也沒有宏偉的場景。兩口子只是穿上了便裝,隨意地在日常生活的場景如火車站、超市等,配上甜蜜的互動而已。Leanne在社交平台上分享是次婚照,兩人只想做回自己。放下歌手及模特兒身份的Jason及Leanne在彼此眼中,不再需要用華服美妝的掩飾,可以做回最原來的自己。

陳柏宇與老婆7個最甜蜜時刻3
Leanne拍婚照時表示希望可以做回最舒服的自己,「我哋拍婚紗相同傳統婚紗相好唔同,我哋無華麗嘅婚紗相;因為我哋覺得唔似我哋,做番自己最舒服。」

你的家人就是我的

有人說結婚不只是對另一半的承諾,更意味著兩家人的結合,不再分彼此。所以說1+1其實等於4,陳柏宇與老婆Leanne在結婚前,已經把彼此的家人當作自己的家人疼愛。Leanne的爸爸曾經因為心臟病而入院,當日正值陳柏宇的生日;Jason並沒有在意自己的生日,反而只顧著心情很差的Leanne,更替她吹頭讓她稍作休息。陳柏宇告訴大家,不論發生甚麼事,自己都會是老婆最堅強的後盾,陪她面對風風雨雨。

Leanne亦常常陪伴陳柏宇的家人一起遊玩,在結婚前更與Jason一起,讓未來老公年紀老邁的太公飲上曾孫新抱茶。

能與你放閃 是一種幸福

如果有留意陳柏宇的Instagram,不難發現Jason常常貼上與老婆的合照放閃。有不少藝人因為怕公開戀情會讓自己人氣下滑,故會隱瞞拍拖甚至結婚;不過陳柏宇卻一點也不介意與自己的粉絲分享自己的另一半。Leanne與陳柏宇拍拖的時候,曾被記者拍到;當時Leanne為了不影響Jason的事業,對記者稱兩人並非在一起。而陳柏宇卻大方承認戀情,因為Jason覺得與Leanne拍拖不是一件不能見光的事。亦因為Jason讓Leanne得到了滿滿的信心,兩人愈來愈多在網上放閃。

陳柏宇妻符曉薇宮外孕 復痛狂出血切左邊輸卵管保命

你永遠是我的女神

陳柏宇經常稱老婆作「女神」,絕對是甜到漏。陳柏宇不只會在Leanne化上美艷妝容時稱對方為「女神」;在老婆素顏時亦會帶著滿滿的愛意,稱對方為「女神」。作為模特兒的Leanne拍起照來,自然型味十足;但Jason卻最愛老婆露齒笑的樣子,因為不論老婆樣子如何,都會是自己永遠的女神。

陳柏宇妻符曉薇宮外孕 復痛狂出血切左邊輸卵管保命

不能與你分別 因為分分鐘需要你

人們常說小別勝新婚,但陳柏宇與老婆卻是一分鐘也不想分別。因為工作緣故,Leanne與Jason經常會做空中飛人,飛到不同地方工作。Leanne就曾在網上貼上一幅與Jason錫錫的照片,寫上「每次每次離開佢,都超級無敵掛住佢」,更指自己分分鐘需要Jason,真的是羨慕死人了!而Jason的放閃功力一點也不弱,在Leanne到外地工作過後回港時,陳柏宇就帶同寫有「女神 靚微」的紙牌接老婆機,Leanne指看到時笑死,但也甜死~

陳柏宇妻符曉薇宮外孕 復痛狂出血切左邊輸卵管保命

能與你一起工作是優差

陳柏宇與老婆Leanne婚後多了不少情侶檔的工作機會。對他們來說,這些一起工作的時間根本就如約會一樣,寓工作於娛樂。雖然Jason與Leanne已經結婚住在一起,但其實這些機會對他們來說都是寶貴的。作為歌手的Jason經常要沒日沒夜地工作,而Leanne的模特兒工作也較難定時定候;故每次一起工作,其實對他們來說都是一次見面的機會,可謂是一種優差。

陳柏宇妻符曉薇宮外孕 復痛狂出血切左邊輸卵管保命