陳柏宇拍片揭曉BB性別 宣布老婆陀B女

撰文：東方新地｜ 圖片：陳柏宇@IG

陳柏宇宣布做老竇 晒BB超聲波照報喜

陳柏宇早兩日在instagram貼上超聲波照報喜，留言：「guess what！」唔使估都知係佢老婆有喜啦，真係恭喜晒！不過當時佢未有透露係仔定女！

Jason今日揭曉答案！佢將一段短片上載到IG，Jason先拎出一張超聲波圖，然後叫大家估究竟佢係男仔定係女仔，到底係有慈姑椗定冇慈姑椗呢？之後再同老婆一齊切蛋糕，仲話切開之後就知道BB性別，如果係藍色就係仔，粉紅色就係女⋯

之後二無喺大班朋友見證下切開蛋糕係粉紅色，開心到叫咗出嚟，之後大家仲齊齊大叫「IT’S A GIRL」！

揭開蛋糕原來粉紅色，係女仔呀！二人都希望陀B女，如今如願以償，恭喜晒陳生陳太！

陳柏宇將條片放上IG分享：

《1+1的深情》爆房事

其實之前二人在田蕊妮主持的《1+1的深情》節目中接受訪問，當時Jason被問到對上一次行房他直言兩周前，阿田笑佢哋隔咁疏，阿田再問每周行房多少次？Jason笑說：「我諗最多都係一次，以我嘅能力！」

二人又於節目中畫將來跟小孩一起的一家三口圖畫，估唔到咁快夢想成真。

陳柏宇同符曉薇在倫敦另類影婚照，相當甜蜜自然！