陳瀅

陳瀅新造型老咗20年? 網民:咪扮DoDo姐!

一年一度嘅動漫節就開始咗,每年動漫節最重要就係有新Game、有玩具、有索女!TVB靚女小花陳瀅都係嘉賓之一,不過佢日前出席活動時就被指造型出晒事,網民驚呼陳瀅變咗Do姐鄭裕玲咁!

原文:環球膠報|圖片:Instagram

陳瀅新造型老咗20年?

早前動漫節第一日,陳瀅被中移動邀請做嘉賓,仲親身試玩互動展區推廣全新二次元App。本身皮膚好、身材正嘅陳瀅曾經大膽公開素顏樣,素顏都冇事,點知換新造型就出晒事?

陳瀅之前中間分界、斜瀏海、束馬尾、孖辮造型,都一一carry到完全冇問題,剪個個類似空氣瀏海,頭髮短到膊頭左右,無啦啦好似老咗啲咁?

另一方面,陳瀅昨日畫眉同個妝都好重手,條眉好似粗彎刀,比較顯老…

網民:咪扮DoDo姐!

唔少網民睇番陳瀅嘅IG Story,都話佢有幾個角度睇好似Do姐鄭裕玲!其實除咗妝容,陳瀅身穿白色露肩上衣,下身配搭紅色皮裙,都唔係人人識欣賞!

網民對陳瀅嘅新造型就負評不斷:

「好地地做乜搞成咁」

「呢款樣唔靚好重北菇味」

「叫dodo姐咪扮陳瀅啦」

真係有幾分相似?