陳煒

陳煒44歲凍齡有術 公開保養心得

陳煒主演嘅《果欄中的江湖大嫂》最近正喺無綫熱播,現年44嘅陳煒仲獲網民力撐喺三位女主角中最搶鏡,將33歲嘅岑麗香同23歲馮盈盈都比下去,日前陳煒出席活動時,就同大家分享佢嘅保養心得,佢話除咗要食得健康,仲可以飲蜜糖水養顏,佢仲提醒大家,一定要用暖水沖,唔好用滾水!

撰文:東方新地|圖片:新傳媒圖片庫、陳煒微博

陳煒:唔算太性感

最近《果欄中的江湖大嫂》令陳煒成為網上討論嘅焦點,好多人讚佢喺劇中嘅造型好性感,陳煒笑言:「其實我覺得都唔算太性感。」而講到保養問題,陳煒就話:「其實我唔係保養得好好,因為成日要長時間開工,又唔可以經常去做facial。」

陳煒
陳煒話聽到網上好多人讚佢,覺得好開心。
陳煒
講到保養心得,陳煒話佢平時都好注重飲食,會買啲新鮮嘅食材,同埋少食加工食物同醬汁。

要每日落妝

至於保養嘅心得,陳煒話落妝好緊要:「每日都一定要落妝,等皮膚休息吓,同埋飲食方面都好緊要,通常我會買啲新鮮嘅食材,少食加工食物同醬汁,同埋可以飲蜜糖水滋潤吓,我每次出外景都會帶定蜜糖水飲,重點係要用暖水沖,唔好用滾水沖!」

陳煒
陳煒話一定唔可以畀化妝留到另一日,一定要每日卸妝,畀皮膚休息吓。
陳煒
陳煒劇中扮演岑麗香姑姐。

講到網民話佢索過另外兩個女主角岑麗香同馮盈盈,陳煒表示:「唔可以咁講,每個年齡層都有唔同嘅靚,各有特色啦!」

陳煒

陳煒

讀者留言