【深宮計】太平公主一啲都唔太平⋯ ｜44歲陳煒輕晒事業線

May 29 - 18:51

熱播中的大台劇《深宮計》，有人話啲妃嬪以至宮女都年紀大，其實年齡只係一個數字！你睇吓飾演太平公主嘅陳煒現年44歲，但仍然Keep好好，無論皮膚定係身材仍然弗爆！今日佢拍新劇《多功能老婆》，就因為劇情需要而穿泳衣⋯⋯觀眾有眼福了！

撰文：東方新地｜圖片：新傳媒圖片、See See TVB截圖、陳煒IG

陳煒過檔無綫後真係劇接劇，近排趕拍無綫新劇《多功能老婆》，同女主角楊千嬅有不少對手戲，今日煒哥喺IG晒出罕有水着相，大騷長腿，仲留言話好耐冇著過泳衣。不少網民大讚身材弗爆，仲笑指：「太平公主身材一啲都唔太平」⋯

ORI
#多功能老婆好多年冇着泳衣👙@aboutbeauty_hk
Alicechanwai（@alicechanwai）分享的貼文於 PDT 2018 年 5月月 28 日上午 12:51 張貼

新劇《多功能老婆》拍得如火如荼，煒哥、千嬅、朱晨麗不時喺IG晒合照，睇嚟合作得好愉快！而早前仲齊齊為監製陳寶華慶生，眾人一人買一個生日蛋糕㖭！至於朱晨麗為新劇剪短頭髮，她說：「都留咗年幾長髮，想女人啲，但監製寶華姐要求我剪短，都幾好幾清爽，叫handle到，今次我角色同洪永城一對，幾貪靚，會嗲吓，係Young啲嘅老婆。」

#多功能老婆 #萬風華 #藍飛 #馬絲蕾
 Alicechanwai（@alicechanwai）分享的貼文於 PDT 2018 年 5月月 20 日下午 8:00 張貼

寶華姐生日快樂！事事順心！#多功能老婆拍攝順利，收視爆燈！🎂🎂🎂
Alicechanwai（@alicechanwai）分享的貼文於 PDT 2018 年 5月月 18 日上午 4:32 張貼

視太平公主為代表作

飾演太平公主嘅陳煒獲中港兩地網民一致力讚，睇好做「視后」，陳煒接受傳媒訪問時謙虛表示，好多謝觀眾咁支持套劇同佢，又話演員遇到好角色又有得發揮嘅真係好難得，所以佢好畀心機把握呢個機會！

#宮心計2深宮計古裝宣傳活動，大家喜歡霸氣太平公主，還是可愛太平公主？無論如何都要感激@梅小青LV 給我演出太平公主的機會，成為我演藝生涯中非常重要、非常深刻的一套代表，從中學習、收穫良多，今天完滿畢業！成績表留待大家來評啦，希望大家支持！5月21號起逢星期一至五，晚上8點半，不見不散！❤️❤️❤️
Alicechanwai（@alicechanwai）分享的貼文於 PDT 2018 年 5月月 17 日上午 1:52 張貼

其實睇番煒哥自亞視執笠後，喺無綫劇拍過唔少劇集都好收得，而且網友對佢評價好高，又大讚佢保養得宜超級索！就好似早前播出嘅《果欄中的江湖大嫂》中，雖然有成班女演員包括岑麗香、馮盈盈和江嘉敏等，當大家以為上述年輕貌美的小花會成為焦點時，其實44歲女主角「煒哥」陳煒先至係贏盡掌聲嗰個！陳煒在劇中飾演一個過氣的功利小女星，但是在慶生時發現老公外遇，之後回到香港生活，更成為了一個果欄的欄主。

陳煒 96年亞姐冠軍

入行22年的陳煒，96年未畢業便決定參選亞洲小姐，更勇奪冠軍！之後成為亞視藝員，拍了超過廿部電視劇，當中《我和殭屍有個約會》同扮梅艷芳的《美麗傳說2星願》都非常經典。

唔講唔知，陳煒原來都做過「晶女郎」，06年拍電影《提防老千》更與王晶有超火辣場面！

2012年過檔TVB初期，陳煒繼續行性感，即使唔係做女一都搏到盡，倒奶絕對係家常便飯！

效果都相當震撼！

陳煒那些年噴血寫真

陳煒2001年的寫真照，大家又睇過未？

煒哥2008年同台灣商人顏志行結婚，早年煒哥更跟老公移居泰國、台灣時，不時公開曬恩愛。但呢啲恩愛畫面都已經成過去，因為陳煒承認早在復出拍劇時，經已與老公離婚，直到依家已經離婚6年。不過煒哥就話只係兩人感情出現問題，與第三者無關。

其實單身又有咩好驚呢？44歲煒哥keep得咁好，人靚身材正，唔愁冇第二春啦！

我又頂住個髻出發啦！#宮心計2深宮計 #catwalk show！💃🏻💃🏻💃🏻
Alicechanwai（@alicechanwai）分享的貼文於 PDT 2018 年 5月月 16 日下午 7:59 張貼

陳煒用盡每分每秒

無綫重頭劇《宮心計2深宮計》正在熱播，劇中個個女角造型都非常華麗，尤其係飾演「太平公主」嘅陳煒，古裝造型更充滿霸氣，氣勢力壓眾多妃嬪，而呢啲妝容同髮型背後需要花嘅心機同時間絕對唔少，無綫早前就喺其See See TVB嘅專頁公開陳煒變身「太平公主」嘅過程！拍古裝辛苦個個都知，古裝髮型由戴頭套開始，到化好成個妝，真係好考功夫，為咗節省時間，陳煒喺化妝過程中事事親力親為，由零開始化妝set頭，包括畫眼線、搽眼影、補胭脂、印花鈿等都有自己親自動手！期間煒哥仲偷雞攝埋時間醫肚，真正用盡每分每秒！