IMG_8037

陳自瑤遭前度爆頒獎禮黑面真相 拍拖七年舊愛阿感被插消費YoYo 事後補鑊道歉

最新娛聞

陳自瑤和王浩信屢傳婚變,在《萬千星輝頒獎典禮2020》上王浩信公開多謝YoYo,鏡頭一轉是陳自瑤的黑面大特寫,陳自瑤立即成為當晚最大焦點,鋒頭更勝首次奪視后的蔡思貝。頒獎禮落幕,陳自瑤及王浩信的微妙關係在網上討論還未止息,現年40歲前港台DJ的阿感(黎國輝),忽然自爆與YoYo拍過七年拖,還在個人YouTube頻道開宗名義以「廿年前度男分析YoYo黑面真相」為題暢所欲言,水塘都被抽乾⋯⋯﹗被網民狂插消費前度陳自瑤後,阿感事後補鑊話會搵YoYo道歉喎﹗

文:東方新地 | 圖:網上截圖

陳自瑤遭前度爆頒獎禮黑面真相 拍拖七年舊愛阿感被插消費YoYo
阿感(黎國輝)現年40歲,與同是前港台DJ的48歲梁梓禧(梁奕倫)開YouTube顏道做網上KOL。

阿感:「我係公開承認嘅前度,之後就到Vincent⋯」

阿感(黎國輝)現年40歲,在個人YouTube頻道「Stand Up Roland附送阿感」上,與DJ梁梓禧(Roland)以「廿年前度男分析YoYo黑面真相」來大講特講,阿感一開始便講:「好多人唔知我哋一齊過,我同佢(陳自瑤)喺廿年前拍咗七年拖,我係公開承認嘅前度,之後公開嘅就到Vincent(王浩信)。」

阿感以前度身分分析陳自瑤頒獎禮當晚黑面的真相,阿感話:「其實佢以前always都黑面,因為佢係處女座﹗你(指Ronald) 應該都知㗎啦﹗」Ronald直言與陳自瑤不能溝通,因為她是處女座,阿感繼續話:「你問我當年發生咩事,佢會出現呢個表情呢,就係如果我犯咗事﹗處女座係好要安全感,所以應該係發生咗一件事,去到好大件事,去到關乎佢個人利益,令佢失去晒安全感,對你完全失去信心,就會出現呢個表情。」

阿感重提廿年前和陳自瑤拍過七年拖,Ronald指女方大半青春都獻了給阿感,阿感笑到擘大個口,每每談及陳自瑤和王浩信的婚變謠傳,阿感都笑到卡卡聲。
阿感重提廿年前和陳自瑤拍過七年拖,Ronald指女方大半青春都獻了給阿感,阿感笑到擘大個口,每每談及陳自瑤和王浩信的婚變謠傳,阿感都笑到卡卡聲。

阿感爆陳自瑤事業心好強

阿感又話外界焦點落在陳自瑤身上,直言對王浩信的發言也感到莫名其妙,阿感話:「如果係我會話多謝老婆,或者多謝老婆YoYo,就咁講YoYo,好多人都係YoYo,我依家個老婆都係叫YoYo。」Ronald又以前輩身分析指相信二人婚姻一定有問題,又指二人婚變在數年前已出現,卻在敏感時刻公開多謝陳自瑤,Ronald話:「做呢行咁耐,如果台上提及自己,鏡頭自然會對準,所以我認為係想炒熱人氣都唔定﹗」
阿感即話:「呢樣放喺陳小姐身上有可能,因為佢事業心好強。」阿感和Ronald你一言我一語,輕鬆態度談及王浩信及陳自瑤婚變的傳言,更搞笑提議無綫應將陳自瑤變成女一,再開拍《宮心計》等類型的劇集。

網民群插阿感消費前度陳自瑤:

對於阿感40歲人還拿前度出來做話題,不少網民都表示鄙視,紛紛留言批擊:

阿感在頻道以「廿年前度男分析YoYo黑面真相」公開分析前度陳自瑤頒獎禮黑面,更分成part one two上載YouTube,被網民狂插阿感消費陳自瑤。
阿感在頻道以「廿年前度男分析YoYo黑面真相」公開分析前度陳自瑤頒獎禮黑面,更分成part one two上載YouTube,被網民狂插阿感消費陳自瑤。
網民替陳自瑤不值,紛紛插爆阿感。
網民替陳自瑤不值,紛紛插爆阿感。
阿感話眾所周知同陳自瑤拍過拖,遭網民鬧爆。
阿感話眾所周知同陳自瑤拍過拖,遭網民鬧爆。

阿感事後補鑊:「禮貌上都應該say sorry﹗」

阿感被網民群插消費前度陳自瑤後,連日被抨擊行為低劣後,日前出席時裝品牌直播活動時,被問到此事,阿感指正搵辦法去聯絡前度陳自瑤:「因為咁多年佢(陳自瑤)都換咗電話,我覺得禮貌上都要同對方『Say Sorry』,所以託人攞佢電話。」阿感指有睇網民留言,亦有在節目上公開道歉,阿感話:「網民覺得我消費咗『前度』,雖然我哋本意唔係咁,但既然大家有呢個感覺,咁我要同對方道歉﹗」問到日後再見陳自瑤會否感到尷尬,阿感話唔會因為以前做無綫娛樂新聞台主播時經常見到面,陳自瑤和王浩信的婚禮也是由他採訪,更爆和王浩信是「波友」。

阿感日前出席時裝品牌直播活動,回應被指消費前度陳自瑤一事。同時又透露跟台灣老婆YoYo因疫情關係已分隔一年多,令二人生育計劃受阻,自爆考慮叫老婆先雪卵。
阿感日前出席時裝品牌直播活動,回應被指消費前度陳自瑤一事。同時又透露跟台灣老婆YoYo因疫情關係已分隔一年多,令二人生育計劃受阻,自爆考慮叫老婆先雪卵。

陳自瑤錄廣播劇撻著阿感

據知陳自瑤與DJ阿感2004年因合作廣播劇而撻著,一起達七年,當時阿感介紹陳自瑤在港台擔任嘉賓DJ,故在阿感介紹下,當年亦認識DJ梁梓禧,不過梁梓禧卻指當年已不能跟陳自瑤溝通,因為她「太處女座」。陳自瑤被網民指被前度阿感消費,今日陳自瑤貼出美照,對被消費一事似乎不放在心上。

youtube 開台大半個月,subscriber未過千、多數影片view數唔過百,唯獨提及YoYo一條最多人觀看,但都只係有三千幾view。
youtube 開台大半個月,subscriber未過千、多數影片view數唔過百,唯獨提及YoYo一條最多人觀看,但都只係有三千幾view。
阿感早年娶台灣妻子,名字又係叫YoYo(連佳優)。
阿感早年娶台灣妻子,名字又係叫YoYo(連佳優)。

YoYoIG出Post發表感想

面對前度盡情消費,陳自瑤懶理,今日在IG貼美照並留言寫金句:

「你若愛,生活哪裏都可愛!
你若感恩,處處可感恩! 你若成長,事事可成長!
不是世界選擇了你! 是你選擇了這個世界!」

陳自瑤今日在IG貼美照並留言 「你若愛,生活哪裏都可愛! 你若感恩,處處可感恩! 你若成長,事事可成長! 不是世界選擇了你! 是你選擇了這個世界!
YoYo最喜歡在IG發表金句,早前頒獎禮事件後,佢留言表示「這陣子,感受到滿滿的愛,感覺很溫暖!💜💜💜祝親愛的你們週末愉快!😘」

入行16年凍齡索媽

模特兒出身的陳自瑤,04年加入無綫拍攝《赤沙印記@四葉草2》而為人認識,當年23歲的陳自瑤仍然一臉稚氣,當時更在「最美四葉女」選舉中排名第三,僅僅屈居於唐詩詠及龔嘉欣。23歲入行的陳自瑤,家庭觀眾睇住佢大,睇住佢變作人妻人母,不經不覺原來已快四張嘢﹗今日陳自瑤在社交網貼出中學學生相並寫道「你好,久違了的自己﹗ 」網民紛紛按讚留言「天生麗質,咁多年都可以唔變」、「證明冇入過廠、冇整過容」、「由細靚到大、點解可以冇變過?」、「同依家一樣」、「一定係校花」、「依家再著番套校服影張學生相應該都係一樣樣」。

陳自瑤23歲入無綫拍攝《四葉草》系列劇集,一臉稚氣,似中學生,比真實年紀年輕﹗原來一早已凍齡。
陳自瑤23歲入無綫拍攝《四葉草》系列劇集,一臉稚氣,似中學生,比真實年紀年輕﹗原來一早已凍齡。

為個女啞忍

陳自瑤與王浩信屢傳婚變,不少圈中人都不感意外,據知陳自瑤一直好想挽救段婚姻,自己幾唔開心都好,都陪Vincent出嚟硬撐,結果老公順利拎埋視帝,但關係就未見好轉。Vincent 表面上話想同YoYo 生多個又承諾帶佢去旅行,全部都係得個講字。YoYo為咗個女好唔忍心,亦畀咗好多次機會Vincent,可能聚少離多,佢終於諗通再勉強落去都係冇結果,所以一返香港就同Vincent講清楚,仲叫佢即刻搬走。

陳自瑤

陳自瑤痛心控訴

邁向四十歲的陳自瑤,運動後素顏自拍,依然省鏡﹗真係冇乜點變﹗
邁向四十歲的陳自瑤,運動後素顏自拍,依然省鏡﹗真係冇乜點變﹗

六年半婚姻,只有陳自瑤單方面努力向前行,結果徒勞無功,早年底YoYo情傷爆煲,選擇在社交網連番出文作出絕望控訴,先說:「多麼忙不重要,忙甚麼才重要!一次重要的抉擇勝過千百次的努力!今天的生活是由三、五年前選擇決定的,而三、五年後的生活是由今天決定的。」而之後另一篇「圓規論」則講到「你為甚麼不能圓夢?因為心不定,腳不動。」所有言論似是衝著王浩信而來,暗示夫婦關係已不復再。

陳自瑤歷年性感重溫

王浩信家有嬌妻但緋聞多多,女士們怒罵佢用情唔專一,至於男士呢,都一致認為點解陳自瑤咁正,王浩信都唔珍惜!講返YoYo,雖然佢早已經唔係十八廿二,不過樣貌身材都keep得非常好,上圍豐滿、四肢纖幼、皮膚白滑,著泳衣邊有得輸?

陳自瑤

陳自瑤

陳自瑤

陳自瑤

陳自瑤

陳自瑤

陳自瑤

陳自瑤

索過年輕小花

陳自瑤入行多年,雖然講唔上係咩當紅姐仔,亦未有甚麼代表作,不過佢每當出席公開活動如頒獎禮或品牌活動等,都一定會盛裝打扮,輕易成為焦點,唔少年輕小花都被佢比下去!

陳自瑤遭前度爆頒獎禮黑面真相 拍拖七年舊愛阿感被插消費YoYo

陳自瑤遭前度爆頒獎禮黑面真相 拍拖七年舊愛阿感被插消費YoYo

陳自瑤遭前度爆頒獎禮黑面真相 拍拖七年舊愛阿感被插消費YoYo

陳自瑤遭前度爆頒獎禮黑面真相 拍拖七年舊愛阿感被插消費YoYo

讀者留言