陳自瑤 王浩信·

婚後事︱陳自瑤夾硬回應王浩信呆足10秒自爆睇劇本睇到淚崩

最新娛聞

廣告

由陳自瑤、羅仲謙(現名羅子溢)、王敏奕、羅天宇、黎諾懿及賴慰玲主演的新劇《婚後事》將會接檔《狀王之王》在下星期一播出。日前一眾演員出席宣傳活動,其中首次擔正的陳自瑤(Yoyo)在訪問中多次被問到與老公王浩信相關事宜,搞到Yoyo都好尷尬,更加一度呆足10秒,要身旁羅仲謙幫手打圓場…

陳自瑤夾硬回應王浩信

陳自瑤(Yoyo)今次首次擔正做女主角,當被問到會否與老公王浩信一起收看,Yoyo就指王浩信拍緊劇,所以未必有時間事先看,要等播出後再算。當記者問到Yoyo對老公王浩信在《狀王之王》的表現時,Yoyo就指因為有一段好長時間都不在香港,所有只有看部分片段,不過都覺得幾搞笑。

陳自瑤 王浩信·
陳自瑤在回應王浩信的問題時,不斷尷尬傻笑,場面超尷尬。(圖片來源:YouTube@TVB 娛樂新聞台)

王浩信陳自瑤疑似冇夾口供

此外王浩信日前在出席活動時罕有提到Yoyo,指一家人在情人節一起欣賞《狀王之王》,笑指Yoyo有讚自己扮女人靚,又話Yoyo有要求自己多留在家中陪女兒;不過其實Yoyo早在社交平台上傳美照指情人節同「財神過」,搞到網民都笑二人疑似冇夾口供。

陳自瑤 王浩信·
王浩信早前出席活動,指情人節有同Yoyo同愛女一起度過。(圖片來源:YouTube@TVB 娛樂新聞台)
陳自瑤 王浩信·
不過Yoyo在IG就上傳了這輯美照,話自己同財神過。(圖片來源:IG@chenchiyiu)

陳自瑤口啞啞足10秒

當被問到冇夾口供一事,Yoyo就即刻口啞啞足10秒,指自己冇睇新聞,又不停嘗試將話題帶回新劇《婚後事》上。當被問到覺得老公王浩信扮女裝靚唔靚時,Yoyo又答到口窒,指覺得自己靚啲,場面尷尬到身旁的羅子溢都即刻幫口打圓場轉話題!

陳自瑤 王浩信·
場面尷尬到要羅子溢打圓場。(圖片來源:YouTube@TVB 娛樂新聞台)

新劇演「被出軌」陳自瑤睇劇本睇到淚崩

Yoyo在新劇《婚後事》中飾演一位經歷丈夫出軌的「完美人妻」。Yoyo在接受訪問時憶述拍攝時的「苦況」:「返到屋企真係攰到唔識郁,日日係咁喊係咁鬧係咁化妝變裝,唔單止唔夠瞓,忙起上嚟仲可能真係每餐只扒兩、三啖飯就埋位。不過其實幾辛苦都值得,一來個劇本我好鍾意,二來今次係自《缺宅男女》後再同羅子溢合作,大家經驗多咗、又一樣畀個劇本感動到不得了,所以合作起上嚟好有火花,撞到好多嘢出嚟、好好玩。」

首次演激烈床戲 陳自瑤憑1招壯膽

今次《婚後事》中亦有多場激烈床戲,對於今次劇集中的親熱戲份,Yoyo就尷尬指:「平時公司嘅劇集最多都係錫兩嘢就OK,我嘅界限最多都係咁,所以今次真係要過自己心嘅關口,因為真係我咁多年來拍過最激烈嘅親密戲。」陳自瑤又自爆平時都會靠喝少量酒來壯膽,而對手羅子溢亦有叫Yoyo在拍攝時選一首自己喜歡的歌,為Yoyo減輕緊張感。

陳自瑤 王浩信·
Yoyo在新劇的親密戲都好激烈!(圖片來源:YouTube@TVB 娛樂新聞台)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:YouTube@TVB 娛樂新聞台、IG@chenchiyiu、TVB