陳茵媺

陳茵媺 生日收限量版手袋

一時話男女授受不親、身為男人要畀身邊女人一個交代,一時又話老婆放棄事業為自己生咗三個仔女,一世欠咗呢個女人,如果話陳豪係全港最佳人夫,咁陳茵媺就一定係全港最幸福人妻。啱啱過咗的愚人節係陳茵媺37歲生日,呢對模範夫妻就放低三個仔女,提早飛去意大利慶祝生日兼過難得嘅二人世界,陳茵媺仲收到老公陳豪送嘅限量版Hermès手袋做生日禮物!

撰文:東方新地|圖片:新傳媒圖片庫、陳茵媺IG

陳茵媺:多謝baby

陳豪同陳茵媺兩公婆周遊意大利過後,在生日前夕終於回港,又展開一連串慶祝切餅活動,好忙吓喎!Aimee生日前一日po相拎住Hermès限量版Constance包包一個,留言寫住份禮物係「from Italy」,仲寫住「thank you baby」,呢個baby當然係講緊佢老公陳豪啦。又Hermès又限量,你估幾多銀?之唔係超過12萬港元囉!

陳茵媺
兩公婆一連多日周遊羅馬各處名勝,去到邊都好似小情侶一樣面貼面影番張合照,好晒呀!
陳茵媺
好sweet sweet,知道老婆湊仔女湊得辛苦,陳豪特登在Aimee生日前夕帶老婆二人世界遊咗轉意大利。
陳茵媺
出錢出力為老婆炮製生日trip,陳豪仲做埋攝影師,摛高趴低為老婆在古跡前影張靚相。

講明限量,唔係有錢就買到,炒價高達30萬港元,咁都畀Aimee搵到心頭好,最開心當然仲要係老公送啦。其實專一、保守、有擔帶已經好男人到一個點,仲要捨得喺老婆身上使錢,呢啲男人去邊度搵?

陳茵媺
同老公陳豪放低三個仔女去意大利預祝生日,難得份大手筆生日禮物Aimee收埋成個星期,等到生日前一日至攞出嚟晒。

陳茵媺

陳茵媺
生日正日,又有party開,一屋汽球仲有大紮花,疑似又係老公陳豪製造驚嘉。
陳茵媺
有袋收,又有花收。不過紮花係「小男友」大仔Aiden送。
陳茵媺
收完12萬真Hermès,Aimee又在好友劉倩婷手上收到訂製嘅Hermès手袋蛋糕,睇得出Aimee真係好鍾意呢個牌子!