陳蕾演唱會

陳蕾演唱會2024海報網民認唔出 以為撞樣「金髮蔡思貝」 仲似足呢位女團成員

最新娛聞

廣告

陳蕾演唱會2024|陳蕾將於明年2024年3月在紅館舉行其首個個人演唱會,今日演唱會海報率先面世,歌迷都嘩嘩聲,因為海報之中是一個全新造型的陳蕾,一頭長長白髮,頭頂「念」字發出紅光,粉絲紛紛大讚非常有型,不過有部份網民就話認唔到陳蕾,仲話佢新造型似足呢位港姐

陳蕾演唱會 陳蕾 演唱會 陳蕾明年舉辦紅館演唱會。
陳蕾明年舉辦紅館演唱會。(圖片來源:大會提供)
陳蕾演唱會 陳蕾 演唱會 演唱會海報一出,網民都認佢唔到!
演唱會海報一出,網民都認佢唔到!(圖片來源:大會提供)

陳蕾演唱會2024|海報 網民話撞樣「金髮蔡思貝」郭珮文

陳蕾明年的紅館演唱會的海報圖在今天公布,貫徹了陳蕾一向走型格風,而照片以黑白做主題,唔少網民大讚十分有型。不過亦有部份網民表示認唔出,更指與港姐「金髮蔡思貝」之稱的郭珮文撞樣,網民留言寫道:「陳蕾呢?去咗邊度?」、「我認唔到你」、「我以為係郭珮文」,除了誤認郭珮文之外,還有網民認為像BLACKPINK的Rosé。

陳蕾演唱會 陳蕾 演唱會 網民話同郭珮文撞樣。
網民話同郭珮文撞樣。(圖片來源:大會提供/IG@julianakpm)
陳蕾演唱會 陳蕾 演唱會 有部份網民以為BLACKPINK的Rosé要出新歌。
有部份網民以為BLACKPINK的Rosé要出新歌。(圖片來源:IG@roses_are_rosie/大會提供)
陳蕾演唱會 陳蕾 演唱會
(圖片來源:IG@ pantherchan)

陳蕾演唱會2024|非常鍾意今次白髮造型:會質疑呢個係咪我嚟㗎就最好㖭

是次這個白髮造型,陳蕾表示自己個人是非常之咁喜歡,創作過程也有參與構思,「我當時同同事講,《沙門》演唱會之後,由《世界與你無關》之後的歌,全部都係黑暗中有道光的感覺,個海報背景可以好黑暗,我個人個妝就好白,我就係個道光嘅感覺。最終就有咗依家見到嘅白髮陳蕾啦,人生第一次紅館演唱會,都希望 poster 上有耳目一新嘅感覺,會質疑呢個係咪我嚟㗎就最好㖭。我想將自己塑造成一個純白狀態,話俾大家知,無論個世界幾黑暗都好啦,我願意成為你嗰道光!」

陳蕾演唱會 陳蕾 演唱會 陳蕾想畀大家見到一個全新嘅陳蕾。
陳蕾想畀大家見到一個全新嘅陳蕾。(圖片來源:大會提供)

陳蕾演唱會2024|首次紅館Show唔大壓力 會為Fans做好身形管理

第一次做紅館,反應勢如破竹,問到她開始有壓力未?陳蕾笑謂因為內部認購反應好,所以壓力反而少左,通常壓力都係開騷前一個月先會來到,所以即日開始會做好自己身形管理,聲音管理,體能管理等等,免得有臨急抱佛腳的緊張,成個人Ready好就會減少心理壓力,可以做得更好,「演唱會我希望可以視覺上,音效上都帶俾大家一個沉浸式體驗,唔會有悶場,絕大部份先用音樂去交流,之後Encore環節先用打機來同大家再交流,哈哈….但係公司未知呢件事,哈哈哈…..。」

陳蕾演唱會 陳蕾 演唱會 《2021年度叱咤樂壇流行榜頒獎典禮》 陳蕾以呢個造型出席頒獎禮,唔少網民都畀佢迷倒。
《2021年度叱咤樂壇流行榜頒獎典禮》 陳蕾以呢個造型出席頒獎禮,唔少網民都畀佢迷倒。(圖片來源:IG@ pantherchan)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:大會提供、大會提供/IG@julianakpm、IG@roses_are_rosie/大會提供、IG@ pantherchan