陳豪

陳豪暖男上身照顧茵媺 未有計劃再生多個?

陳豪同陳茵媺呢對圈中出晒名的模範夫妻,呢日又孖住出席新年活動搵奶粉錢,拖到實一實鬼咁恩愛。身材fit爆的茵媺呢日著到靚一靚,而陳豪見到老婆衣衫單薄抵寒風,即時做嘢,攬實取暖又幫手披外套,暖男老公做足一百分!

陳豪 一百分暖男老公

陳豪陳茵媺呢日一齊出席新春活動,適逢氣溫下降,活動又在戶外舉行,為免身穿春裝又有少少低胸的陳茵媺凍親,陳豪不時攬實老婆手臂「捽吓捽吓」,又好體貼咁幫老婆披外套,問到茵媺覺唔覺得老公好窩心,佢笑住話:「其實佢都著得好少,可能佢攬住我只係為咗自己取暖。」不過陳豪呢個愛妻號就完全唔怕肉麻,仲話:「凍在身暖在心!」

陳豪陳茵媺
陳豪夫婦恭祝大家新年快樂!

大讚老婆廚藝

今次唔係第一次以夫妻檔出活動,只見鬼妹仔茵媺講新年祝福語時頻頻甩嘴,笑住向老公求救,最後由陳豪打圓場。講到過年,二人說到帶住三個小朋友去拜年,行程表非常忙,陳豪大讚茵媺親自下廚煮了一頓豐富的團年飯,重點是煮中國菜。說到會給太太廚藝多少分,茵薇搶先回答視乎陳豪畀幾多分,才決定下年仲煮唔煮,陳豪即以高八度聲音說:「110分!」已經有兩子一女,喜歡熱鬧與小孩的陳氏夫婦會否再生多個?他們迴避唔答,仲異口同聲表示現階段要跟囝囝功課已經很頭痛。

陳豪:離巢未有定案

未來三月陳豪需要離開香港到內地拍劇,他坦言唔捨得老婆同仔女,但工作為重,他說:「我唔喺屋企,好彩有太太照顧屋企事務。」至於有傳與無綫約滿後將不續約,會專注往內地發展,陳豪坦言現時還未有任何新的決定,如果決定了會通知大家。

延伸閱讀:

高海寧性感回歸 重溫超經典「象鼻頂胸」