Featureava

雨僑度蜜月晒性感泳照 返香港即睇書學做媽媽?!

雨僑同拍拖7年嘅創作歌手羅力威喺3月舉行完婚禮於香港之後就一直忙唔停,所以最近先補番蜜月旅行!旅行期間,羅力威都算唔話得,係咁幫老婆大人喺大太陽底下影靚相,等大家可以一飽眼福!返咗香港之後,雨僑又喺Instagram上傳咗張相,話自己資料搜集緊點做人媽媽喎!唔通又有喜事近?!

撰文:東方新地 | 圖片:Instagram

雨僑蜜月旅行相Fit爆

旅行期間,雨僑都有同大家分享靚相同埋小小旅遊心得。飛到去沖繩石垣島,梗係要著吓比堅尼、晒吓身材啦!不過睇見雨僑有咁多靚相,都想像到羅力威影咗幾耐啦⋯⋯

雨僑仲甜蜜地多謝老公羅力威親自操刀拍下多張性感泳衣照,又大讚老公由籌備婚禮去到計劃旅行都好有條理、妥妥當當!

為咗IG靚相 辛苦老公

咁好彩佢都知佢老公咁樣辛苦⋯⋯
睇住羅力威咁幫老婆大人影相法,頭髮亂了都冇手撥,又企到咁貼邊,小編都覺得佩服。
難得影下老公,景係靚嘅,技巧就普通啦⋯⋯

老婆視角VS老公視角

佢仲大談男女之間對旅行相嘅唔同睇法,令好多網友都不知幾認同啊!

老婆預期嘅係咁
老公嘅睇法就係咁嘅⋯⋯
雨僑嘅靚相係咁嘅
但羅力威嘅就⋯⋯

返香港睇書學做孕婦!

終於返到屋企,雖然雨僑就話好想繼續去旅行,度蜜「年」而唔係度蜜月咁話。但就雨僑就話要開始做資料搜集,睇咗本書話要學吓避免傳統孕婦可能會有嘅謬誤,仲話自己會努力,睇嚟真係幾恨生小朋友喎!

雨僑

又開始諗如果生咗小朋友之後會點!睇嚟之前話想35歲前生仔,都幾有決心同準備喎~