233

過大禮做到足 雨僑父母畀羅力威100分

羅力威同雨僑將於3月31日舉行婚禮,攜手踏入人生另一個階段,日前雨僑在IG貼相兼開live直播,原來一對準新人當日(3月3日)進行過大禮習俗,喺過大禮程序圓滿完成後,雨僑父母都非常滿意,仲畀足羅力威一百分,真係恭喜晒羅生同準羅太!

撰文:東方新地

圖片:羅力威 FBIG 及 雨僑 FBIG

雨僑讚羅力威:好細心

距離結婚尚有三周,本月31日便在港註冊擺酒嘅雨僑和羅力威,日前按傳統習俗過大禮,並由阿威姐姐負責統籌,一身紅噹噹嘅準新娘雨僑就在家中等候。雖然羅力威因為習俗只係將大禮送到雨僑屋企樓下,未有上樓,但佢就拜託親友送咗杯咖啡到雨僑屋企,畀雨僑飲,令佢冧到爆話:「過大禮送埋咖啡,佢真係好細心!」雨僑又指過完大禮,佢哋就一家人去咗飲茶,之後將過大禮收嘅禮帶返去長洲:「因為我喺長洲長大,仲有親戚係嗰邊。」

雨僑
雨僑指父母都畀足羅力威一百分,因為現今唔少人都會將過大禮嘅禮品簡化,但羅力威就做到好足,樣樣海味都買啲:「其實最緊要係心意,我媽咪笑到見牙唔見眼!」
雨僑
雨僑話呢大堆海味足夠佢哋一家三口食到明年。
雨僑
雨僑仲獲朋友為佢舉行驚喜嘅準新娘船P。

羅力威宣布迎娶雨僑 發表愛的宣言

羅力威早前在社交平台宣布同女友雨僑將於3月31日舉辦婚禮,攜手踏入人生另一個階段。羅力威於社交平台發表千字文,寫下愛的宣言:「走在一起大約7 8年的時間 很奇妙找到了一個和我在很多方面都很合拍 和一樣不計較的人 例如相識紀念日 情人節 什麼節日該送甚麼禮物 甚至生日 等等 所以在一起久了連幾年老實講都不會去算 因為我想大概從此就不會分開了 因此沒有必要去算…」

雨僑
羅力威早前以千字文向雨僑發表愛的宣言,宣布婚訊。
雨僑
羅力威話之前被問到求婚嘅詳情時,佢話其實唔係記得好清楚自己係點樣求婚,連雨僑係咩情況下答應佢都唔記得,因為一切都係好隨意,形式並唔重要, 最重要係兩個人思想一致,價值觀相同,性格互相互補,更重要嘅係兩個人係相愛嘅。
雨僑
羅力威感謝所有支持佢同雨僑嘅親友同歌迷,成就咗佢哋兩個人嘅緣分。
雨僑
宣佈兩人婚訊後,羅力威搞笑話:「喜歡雨僑的靚仔們千萬別憎惡我,喜歡我的美女們也請不要討厭她,因為人類應該相親相愛。」最後羅力威更公開示愛話:「我愛你,雨僑」
雨僑
雨僑隨即在社交平台回應羅力威的千字文:「感謝你的愛、照顧和包容,這些年來你讓我放膽往前衝,給我無限的支持和鼓勵,回頭看原來你每次都在後面收拾爛攤子,我的路才走得這麼輕鬆。」
雨僑
雨僑:「我希望餘生都能和你牽著手一起過,一起變老,一起走到最後,一同經歷生命的豐盛。很高興跟大家宣布:蒙主恩典與慈愛,我倆將於2018年3月31日舉行結婚典禮,一起步入人生下一個階段。」恭喜晒羅生同埋準羅太!
雨僑
其實羅力威同大佢一年嘅雨僑已經拍拖七年,但係兩人一直愛得非常低調,平時接受訪問,都好少會正面回應感情問題。
雨僑
不過隨住呢段姊弟戀發展得穩定,近年來兩人才將戀情慢慢浮面。雨僑去年更自爆羅力威一早已經求婚,雖然地點係喺屋企,又冇鑽戒又冇鮮花,不過雨僑當時冧爆直指有愛就已經足夠!