565ac30b-ecf8-4e14-b98e-6e41efd8fc8c

微辣霍哥自抽接受TVB訪問兼寸埋周柏豪 網民:香港澳門你玩晒啦﹗

最新娛聞

微辣霍哥日前被發現接受無綫新聞訪問,以市民霍身份講澳門消費劵,網民震驚霍哥為何亮相無綫,搞到霍哥要兩度現身解釋,自嘲從此多咗個稱號「市民霍」後,霍哥更拍片自抽,仲寸埋被封為「人棄歌手」的周柏豪,網民大讚睇得過癮﹗

文:東方新地|圖:微辣片段截圖、辣粉團專頁

霍哥接受無綫新聞訪問

霍哥被網民指身為微辣一份子,竟然亮相無綫,霍哥連番現身解釋「一落街被人隊支咪嚟」、「遇到個記者學妹隊支咪埋嚟」、「為咗禮貌…」。霍哥指被同事以「市民霍」笑咗成日,既然被人笑被討論,霍哥索性拍片自抽、更抽埋政府水同寸埋周柏豪,精彩﹗

霍哥 微辣 市民霍 周柏豪
日前微辣霍哥接受無綫新聞訪問,從此多了個稱號「市民霍」(圖片來源:無綫新聞截圖)

霍哥化身市民霍現身六點半新聞報道

微辣六點半新聞報道,蘇霖擔任新聞主播,訪問路過的霍哥,指前一晚黑色暴雨令澳門多處地方水浸,問市民霍有冇受到影響?市民霍就話:「冇,我見條街浸得咁開心呢,我仲落咗街沖咗個涼㖭﹗」聽到蘇霖眼都凸﹗

霍哥 微辣 市民霍 周柏豪
蘇霖飾演新聞記者拎住條青瓜訪問路人霍哥:「先生,請問點稱呼?」霍哥話自己姓霍,熒幕出現「霍先生 澳門居民」,跟無綫新聞一模一樣﹗

霍哥飾演市民霍先寸政府

霍哥飾演的市民霍指水浸係好事:「我哋澳門嗰條渡船街,依家真係有人渡船,水上街市真係變咗水上街市喎,最勁係嗰個新開海濱公園呀,以前係得皇朝啲人去蒲之嘛,依家成個澳門變咗海濱公園啦,人人受惠,好嘢好嘢﹗」

霍哥 微辣 市民霍 周柏豪
澳門多年來的水浸問題未解決,霍哥曲線讚係好事﹗(圖片來源:微辣影片截圖)

霍哥曲線話政府防水災措施

霍哥與蘇霖拍片背景,正正在耗資逾一億元的內港北雨水泵前,又是一個靚抽,雨水泵是澳門政府為解決多年澳門的水浸問題所建,但日前一場暴雨,澳門多處地方再次嚴重水浸,行政長官賀一誠以「未調教好」來解釋﹗霍哥繼續靚抽指向後面雨水泵:「之前先話用幾多錢起呢個水泵,澳門真係一塊福地,一場大雨見真章﹗我哋市民係了解嘅,個泵咁真一定係未調校好啦﹗」

霍哥 微辣 市民霍 周柏豪
霍哥指住後面的過億元的雨水泵未能在暴雨下起到任何作用﹗(圖片來源:微辣影片截圖)

霍哥繼續化身市民霍發表:「政府都係體恤我哋市民嘅,無耐之前咪開咗個水上樂園嘅,知道我哋市民唔係人人去到玩,依家成個澳門變咗水上樂園,仲有免費水上電單車,拎個大水泡跳落去玩激流㖭呀,你夠膽可以喺二樓跳水㖭﹗」

霍哥 微辣 市民霍 周柏豪
市民霍指一場暴雨令全澳門變成水上樂園。

霍哥靚抽周柏豪

市民霍在片中曲線大讚政府防災措施做得好,突然搶「咪」話忍唔住要唱首歌去鼓勵政府,然後唱出周柏豪的《一事無成》,新聞記者蘇霖想走,市民霍捉住支「咪」唔放繼續放聲唱﹗明寸日前在公益金活動上,周柏豪對失業人士唱出《一事無成》,被插揀錯歌出事﹗被網民洗版洗足幾日﹗

霍哥 微辣 市民霍 周柏豪
市民霍突然搶「咪」話要唱歌鼓勵政府﹗
霍哥 微辣 市民霍 周柏豪
市民霍搶咪唱出周柏豪《一事無成》。

霍哥自抽寸埋澳門政府,仲可以寸埋近排話題人物「人棄男神」周柏豪﹗近排周柏豪話題多多,先是被指唱《一事無成》出事,下周商場舉行的online粉絲見面會,又令該商場吸萬個嬲最後刪post,周柏豪更被封為「人棄男神」,依家再被霍哥化身市民霍大大力抽水﹗

霍哥 微辣 市民霍 周柏豪
霍哥相當留意自己在社交網的影響力,辣粉團貼出霍哥期望傳媒會使用的相片,與真實有好大落差。(圖片來源:辣粉團)
蘇霖(原名葉蘇霖)與霍哥是熒幕情侶,27歲的蘇霖16成為國際小姐澳門代表而入行,好高質﹗
蘇霖(原名葉蘇霖)與霍哥是熒幕情侶,27歲的蘇霖16成為國際小姐澳門代表而入行,好高質﹗

網民大讚霍哥:玩完澳門抽香港

微辣霍哥自抽接受TVB訪問兼寸埋周柏豪 網民:香港澳門你玩晒啦﹗ 微辣霍哥自抽接受TVB訪問兼寸埋周柏豪 網民:香港澳門你玩晒啦﹗

微辣霍哥自抽接受TVB訪問兼寸埋周柏豪 網民:香港澳門你玩晒啦﹗ 微辣霍哥自抽接受TVB訪問兼寸埋周柏豪 網民:香港澳門你玩晒啦﹗

讀者留言