黎姿

靚媽放假有咩做?黎姿帶隊睇馬戲|同日仲有甘比、靚靚同Chilam⋯

小朋友同打工仔一樣,返五日學或工就係等星期六日可以放假,人人有假放,惟獨做阿媽係全天候廿四小時、冇sick leave、冇假放嘅工種,睇仔女功課、諗今晚食乜餸、放假去邊度玩等,統統都係做人阿媽之日常事。就算嫁得好、平時又打理美容王國嘅黎姿 (現名馬黎珈而) 都同天下間媽媽一樣,盡管氣溫再創新高,放假都諗帶小朋友去邊度放電,唔會淨係留喺屋企嘆冷氣。

撰文:東方新地|圖片:新傳媒圖片庫、黎姿FB

黎姿 帶小朋友放電

早幾日,黎姿就帶住一對7歲的孖女家蔚 (Patricia)、家鎂 (Gianna) 及5歲細女Pegella,去中環海濱欣賞世界知名的太陽馬戲巨作KOOZA,今次嚟香港演出個半月,門票要一早搶購,一票難求,不過黎姿為三個囡囡開心,當然一早撲定飛,嗰日見佢帶住三個囡囡,同行有工人,不過囡囡都係跟實媽咪,黎姿一邊喺手袋搵緊啲門票,一邊又要顧住三個囡囡,同時又搵緊個入口,雖然有啲狼狽,不過靚媽依然咁淡定,之後帶住囡囡入場,三個囡囡表現興奮,不停講不停笑,黎姿望住三個女就會心微笑,你快樂所以我快樂,呢啲就係做媽媽最大嘅回報!

黎姿
雖然同行有工人,但黎姿乜都親力親為,拎好門票、又負責打電話聯絡、照顧囡囡,仲要搵個入口,萬能媽媽就是這樣鍊成的!
黎姿
靚媽黎姿打扮依然青春,將三個囡囡打扮得靚靚出街。
黎姿
現場人多,黎姿緊張護住囡囡向前行。
黎姿
一陣怪風吹亂個頭,但無損靚媽黎姿嘅靚樣,點睇都唔似46歲,歲月喺臉上不留痕跡,得天獨厚!
黎姿
黎姿望見三個寶貝女咁開心,一臉滿足微笑!
黎姿
黎姿09年下嫁商人馬廷強,婚後育有一對7歲的孖女家蔚(Patricia)、家鎂 (Gianna) 及5歲細女Pegella。

同一日,劉鑾雄太太甘比(陳凱韻) 都帶住大女秀樺、二仔仲學去睇馬戲,同行還有甘比媽咪同家姐等,當日又曬又熱,保鏢緊張為大家撐傘。

9歲秀樺負責向大家派門票,相當乖巧。
身為女首富的甘比拖住5歲仲學,大女由婆婆拖住,跟公眾人士一起入場。

散場已經天黑,有架雪糕車在附近,甘比帶住小朋友去買軟雪糕,仲學由婆婆抱起買雪糕。
小朋友一人一杯軟雪糕,甘比自己都一齊食,開開心心準備上車離開。

靚靚 (袁詠儀) 及Chilam (張智霖) 帶魔童,與蔡一智一家亦有去欣賞馬戲。

世界級馬戲團難得來港演出,亦是全世界唯一沒有動物的馬戲團,早前應采兒帶囝囝Jasper、謝天華一家亦有往欣賞!