韓君婷

韓君婷整形新哲學:我有錢,想點用就點用!

韓君婷日前出席醫學美容活動,親身示範接受肉毒桿菌注射,講到對整形嘅態度,佢話:「It’s not your business!我有錢,錢係我勤力搵番嚟嘅,我可以點樣去用就點樣去用囉!」

撰文:東方新地|圖片:新傳媒圖片庫、韓君婷IG

韓君婷 半個KOL

身著deep V長裙嘅韓君婷笑言今次為佢任職嘅醫學美容公司拍廣告,工作非常忙碌:「又要拍攝又要搞網站,因為想share多啲嘢畀網友。」問佢係咪想做美容界KOL (Key Opinion Leader)?韓君婷話:「一半一半啦!因為係幫公司做嘢,身份都有啲特殊,有時出席活動都要做一啲幕後工作!」

韓君婷
韓君婷接受肉毒桿菌注射,改善眉心紋,佢話唔會打晒成塊面,因為咁樣睇落去好假。

講到打肉毒桿菌嘅效果,韓君婷表示:「今次係去眉心皺紋,效果好好,打咗幾次大家都唔覺。」問到有冇其他想改善嘅地方?韓君婷話:「坊間啲人最想打晒成塊面,但我唔想做到零皺紋,咁樣太假,所以我同醫生講眼角位一定要keep番少少紋,唔係笑起上嚟就會好假!」

韓君婷
對於自己身材韓君婷就話好滿意,冇咩地方要改善。

唔介意評論

韓君婷話可以接受整形,亦唔介意其他人嘅評論:「其實你做咗啲咩嘢、冇做啲咩嘢,唔輪到人哋去評論,當你能夠肯定自己、相信自己嘅時候,就會去話番畀啲人聽:『It’s not your business!我有錢、我想去做,錢係我勤力搵番嚟嘅,我可以點樣去用就點樣去用囉!』」

韓君婷
獲讚係不老女神,韓君婷話:「我都覺得自己好幸運,因為有先天嘅遺傳優勢,我媽咪都係保養得好好。」

韓君婷又直言整容係好個人嘅取向:「冇人可以逼到你,最緊要係自己開心同身心健康。」佢仲同大家分享佢好相信嘅座佑銘:「Live better, feel better, look better!」

韓君婷

即Click有片睇: