飛常日誌 前空服

飛常日誌丨前空服爆你不知道的空中秘聞 唔開名講高學歷女藝人驚嚇行為

最新娛聞

廣告

熱播劇集《飛常日誌》不少型男索女坐陣,TVB就搵嚟幾位前空少空姐的藝人分享行外人唔知道嘅空中秘聞,仲唔開名大爆一位高學歷女藝人嘅驚嚇行為!

飛常日誌 前空服 TVB就搵嚟幾位前空少空姐的藝人分享行外人唔知道嘅空中秘聞,仲唔開名大爆一位高學歷女藝人嘅驚嚇行為!
TVB就搵嚟幾位前空少空姐的藝人分享行外人唔知道嘅空中秘聞,仲唔開名大爆一位高學歷女藝人嘅驚嚇行為!(圖片來源:TVB

高學歷女藝人1舉動勁無禮

前空中服務員Clementine史穎喬、Eunice蘇可欣及Paco魏柏豪爆行外人唔知道嘅空中秘聞,蘇可欣講遇過唔好嘅藝人,還講明係一位高學歷女藝人:「咁當時佢就係同佢嘅另一半一齊搭飛機,咁佢就坐係EY(經濟艙),咁EY(經濟艙)前面呢其實嗰個距離都唔係好闊好大,前面其實有個pocket,大家可以去放嘢」蘇可欣再講之後見到呢位女藝人隻腳攝喺個pocket入面瞓覺:「大家都知道其實飛機本身已經唔係話好乾淨,但係當我見到呢一幕其實係好衝擊。」

在旁的史穎喬聽完之後都即刻掩鼻,之後蘇可欣冇講係咪TVB藝人,只透露其身份特徵是高學歷,靚唔靚女就見人見智,亦有網民留言估未有開名的「高學歷女藝人」真實身份到底是誰:「高學歷?姓麥㗎?」「我一想到就係姓麥嗰位」「姓麥果位」

大爆影帝任達華勁尊重服務員

輪到魏柏豪爆料,佢就大讚一位男星任達華尊重服務員的一面:「我印象中好似嗰個位係需要我同佢講啲safety上嘅嘢,佢聽緊耳機,我一行埋去同佢講嘢佢即刻除下耳機,我覺得呢個動作係好respect我,好多時普通客都唔會聽。」

國際級巨星全程唔要服務

蘇可欣亦分享遇過一位毫無架子的國際級巨星,「就係佢上到機完全唔需要你理佢,唔食啦唔飲啦,總之你唔好搞佢,佢落機自己拎行李走,我哋呢啲叫做真係非常之好嘅客啦!」她又指以前看過對方的作品,當見到真人時感覺好唔真實「有個大明星喺度,跟住之後又唔使特別去serve佢,覺得嘩真係好好,以佢咁嘅地位佢冇特別嘅要求,其實已經係好好,即係李連杰先生。」

現實中冇「朱敏瀚級數」機師

另一方面,蘇可欣大爆曾被機長點名要求服務:「之後呢佢係透過同事呢攞咗我電話,咁自此之後呢我就封鎖咗呢個同事」被問機長相貌如何,蘇可欣即面有難色,史穎喬爆笑話:「ok你答咗呀其實」,蘇可欣再補充:「我同朱仔(朱敏瀚)拍嘢我同佢講話,其實現實中唔會有你呢種嘅機師出現,我話我未見過咁後生同埋係有咁靚仔,係真係冇囉!」

飛常日誌 前空服 蘇可欣大爆曾被機長點名要求服務
蘇可欣大爆曾被機長點名要求服務(圖片來源:TVB)
飛常日誌 前空服 蘇可欣再補充沒遇過好似朱敏瀚咁靚仔咁後生嘅機師。
蘇可欣再補充沒遇過好似朱敏瀚咁靚仔咁後生嘅機師。(圖片來源:TVB)

即刻睇片:

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:TVB