何佩瑜

【飛虎之潛行極戰】素顏拍劇上位 何佩瑜Jeana帶表妹自由行

一日𡃁模一世𡃁模?只要肯努力轉型冇難度。繼周秀娜入圍金像影后又拍《宮心計2深宮計》入埋屋,華麗轉身變演技派後,今次輪到何佩瑜Jeana,除瞓身演出《飛虎之潛行極戰》文洛一角、演技亮眼同吳卓羲榮升劇中最討好cp外,素顏靚樣亦都搣甩埋花瓶形象,被網友盛讚五官拍得住當年栢芝!

雖然Jeana所演的角色在劇中慘死,不過就人氣急升。其實除咗樣靚身材正做演員做得專業外,Jeana仲好顧家,唔止錫年幼細佬錫到燶,表妹山長水遠由石家莊來港旅遊,Jeana一盡地主之誼做足成日自由行,貼地女神當之無愧!

撰文:東方新地|圖片:新傳媒圖片庫、Jeana IG微博

何佩瑜 做齊遊客愛做的事

無論做model年代、同導演翁子光打得火熱年代、定係近半年回復單身,Jeana一向都將事業放喺第一位,出名敬業樂業。不過吊頸都要抖吓氣、拍戲之餘都不忘生活,日前人氣急升的Jeana就笠住cap帽素顏出遊,與另一年輕女性現身尖沙咀海旁觀光、購物做足一日自由行。

何佩瑜Jeana
憑《飛虎之潛行極戰》文洛一角入埋屋又成功擺脫花瓶形象,人氣急升的Jeana日前陪表妹去廣東道自由行,笠帽又素顏一樣上鏡。

當日Jeana把維港selfie靚相放上微博解畫,原來對方係來自石家莊的表妹,百忙之中都要一盡地主之誼做導遊行一轉廣東道。

何佩瑜 Jeana Ho(@jeanaho)分享的貼文 張貼

同日Jeana在社交網絡發布維港Selfie相,原來同行的是從石家莊遠道而來的表妹。

Jeana

Jeana做埋司機、自駕自訂車牌Audi TT車表妹在海運泊好車,第一件事就係去到海旁影到此一遊維港景色,幫表妹揸完機再埋位頭貼頭自拍;影完相第一時間衝入海港城慢慢shopping,買衫、買錶、買完運動品牌再入埋名店買朱古力。

Jeana
將座駕泊入尖沙咀海運後,Jeana第一件事就係帶表妹去碼頭側的海旁影無敵維港景色,明顯表妹是第一次來港旅遊。

由天光行到天黑,還有一樣遊客指定動作做壓軸,之唔係入埋連鎖化妝品店狂掃面膜、護膚品,表妹真係全程踎低又起身,最後衝刺收穫大大袋。

Jeana
表妹在運動品牌店停留最長時間,Jeana就耐心等候,又熱心向表妹提供意見。

全程Jeana帶路多過自己買,表妹買到心頭好,她又放下名星身段幫手拎住一袋二袋。

Jeana
由天光行到天黑都未夠喉,臨走必到連鎖化妝品店大出血,Jeana離開時錫住表妹幫手拎住大大袋戰利品。

Jeana表妹亦明顯好崇拜表姐,買嘢樣樣都問意見、買完又興奮按住Jeana膊頭一臉滿足跳跳紮離開,一睇就知這趟香港之旅滿足晒血拼嘅慾望,都係多得身兼伴遊、司機及苦力嘅Jeana!

Jeana
Jeana帶路陪表妹睇衫睇錶又睇朱古力,買完一袋二袋仲好唔話得幫手拎,兩姊妹又翹手又搭膊頭,感情要好。

素顏靚過栢芝

過往影硬照、拍戲角色大多濃妝艷抹,今次Jeana在《飛虎》中素顏上陣,網民都話驚艷,更有人將其與初出道時的張栢芝相比。

Jeana

潛行色誘

Jeana在《飛虎》中的角色本來被梁烈唯利用色誘吳卓羲,結果動了真情反被梁殺害,劇中多幕色誘場景Jeana泳衣上陣夠晒性感吸晴,最後慘死又疑似素顏,外形同演出都被網友大讚。

Jeana

Jeana

甩拖搵女陪

同導演翁子光分手將近半年,Jeana工作至上、新感情未有著落,閒時除了陪內地親屬,早前去到九龍城買外賣又係搵同性陪伴。

Jeana

Jeana

顧家尤物

Jeana有個細佢十幾年的肥仔細佬Brian,入行後 Jeana賺錢養家,不時帶住細佬周圍去,兩姊弟感情非常要好。

Jeana

近年Jeana努力洗走𡃁模形象,幕前演出愈著愈多布,但仍不時在社交網騷Quali,一件頭水著側側身,有前又有後,絕對唔會暴殄天物。

何佩瑜 Jeana Ho(@jeanaho)分享的貼文 張貼

何佩瑜 Jeana Ho(@jeanaho)分享的貼文 張貼

何佩瑜 Jeana Ho(@jeanaho)分享的貼文 張貼

何佩瑜 Jeana Ho(@jeanaho)分享的貼文 張貼

何佩瑜 Jeana Ho(@jeanaho)分享的貼文 張貼

《飛虎》素顏上陣依然省鏡 性感花瓶蛻變演技派

藝人拍劇好多時都濃妝上陣,冇計啦你估個個明星皮膚都咁好嘅咩?不過呢個女演員拍《飛虎之潛行極戰》竟然主動要求素顏上陣,話希望寫實啲,非常有勇氣又專業!不過佢素顏睇落皮膚真係超好,唔少觀眾覺得佢素顏一樣靚,而且演技大有進步,講緊的就係何佩瑜(Jeana)!

Jeana與吳卓羲有不少對手戲。

Jeana首次拍劇

《飛虎之潛行極戰》播出以來,坊間評價好壞參半,劇中有多位猛男演出,仲有一位索女飛虎王敏奕,不過首次拍劇的Jeana亦成功搏得觀眾注意!Jeana今次在劇中飾演「凌文洛」為恐怖組織中人,亦是梁烈唯的女朋友,不過後來轉投吳卓羲的懷抱。

同吳卓羲好甜蜜

Jeana同吳卓羲在劇中有大量對手戲,當中有唔少親密鏡頭呢!

攬攬完再錫面豬!

孤苦伶仃好悽涼

Jeana飾演的凌文洛孤苦伶仃,被梁烈唯飾演的恐怖份子Kenny利用,之後愛上吳卓羲,於是決定擺脫Kenny,同吳卓羲一齊。其中一幕講述Jeana被唯唯壓在梳化上毒打,被叉頸又俾人用手放喺胸部對上的敏感位置,好陰功!

素顏上陣依然省鏡

Jeana個角色夠晒淒涼,喺劇中經常出現楚楚可憐嘅眼神,據知Jeana為了演出效果更好,主動要求素顏上鏡!真係無返咁上下好皮膚都唔敢咁做。不過可見Jeana皮膚白滑無暇,真係未驚過,高清都睇唔到有咩瑕疵。

據知其實Jeana本來都以淡妝上鏡,不過後來就決定直接素顏,咁樣就更寫實,更能突出苦命的感覺,而呢個清純feel效果幾好!

角色慘死

不過好可惜,Jeana的角色喺早前中毒身亡,吳卓羲來遲一步,最終遺憾地抱著Jeana遺體痛哭,之畫面播放播於兩人一直以來的點點滴滴,可算是《飛虎之潛行極戰》播放至今最感動一幕。

性感花瓶不再?

今年29歲的Jeana雖然係第一次拍劇,不過大家對佢都唔會陌生,性感身材與《喜愛夜蒲》都係其廣為人知的標記,自此多被標籤為性感花瓶。Jeana接受訪問時,曾表示一直等唔到發揮的機會,對呢類角色感到厭倦,所以今次非常感激樂易玲小姐搵佢做凌文洛呢個角色!

夜蒲女神深入民心

自2011年《喜愛夜蒲》開始,Jeana性感女神形象深入民心,但同時令佢走唔出呢個框框,後來喺唔同電影中都係演類似的角色。雖然性感Jeana係好索,不過喺《飛虎》有不一樣的演出,令大家對其演技改觀,希望Jeana會繼續進步啦!

大家一齊嚟重溫吓Jeana出海度假時嘅性感三點式泳照啦!

15802263_1336156879749446_5779870793127165952_n

15870968_10210525157338838_133711993_n

15826684_1258533727545682_6322545874894546228_n

15826440_1258533657545689_5702404726857513527_n