飛起《果欄中的江湖大嫂》 劉佩玥 跳槽做女二?

前港姐劉佩玥 (Moon)近年除了頻頻拍劇,其緋聞是非同樣係一籮籮!最近TVB兩套新劇《果欄中的江湖大嫂》同《跳躍生命線》完成拜神儀式,兩劇看似無關,但其實選角時有段小插曲,咪就係關阿Moon事囉!。事緣《果》劇中酒吧老闆娘一角原本由劉佩玥飾演,不過Moon開鏡前臨時甩底,過檔《跳》做第二女主角,本來《果》嘅角色就由師妹馮盈盈頂上。唔通Moon真係見「利」思遷?

Text-Arika Photo-新傳媒資料庫、劉佩玥@IG

劉佩玥 為做女二辭演跳槽?

劉佩玥 (Moon) 最近緋聞是非不斷,除了被形容為放電力強嘅「娘娘」,收咗唔少觀音兵,最近又被發現開直播時藐爆港姐師妹麥明詩,唔似同男藝員拍片時嗲功全開。Moon不單喺識男仔方面積極,用拍劇上位嘅計劃同樣進取,有指佢原本接咗監製梁材遠《果欄中的江湖大嫂》一劇做酒吧老闆娘,但臨開鏡前卻劈炮辭演!原來因為另一新劇《跳躍生命線》搵阿Moon做第二女主角,心急上位嘅佢最後決定過檔!佢回應時否認大牌辭演,話自己一向好乖聽公司指示,拍劇安排係由公司決定。

延伸閱讀:

無綫棒打美女與野獸 李佳芯為愛抗命

藐同性做咪霸 劉佩玥 麥明詩直播開火

劉佩玥

 

 

馮盈盈
《果欄中的江湖大嫂》酒吧老闆娘一角由馮盈盈頂上!

拍劇有兵仔相伴

劉佩玥 唔撈,《果欄中的江湖大嫂》酒吧老闆娘嘅位置就由人氣越來越旺嘅馮盈盈頂上!據知監製特登加重盈盈戲分,又安排佢同楊明發展感情線,二人更會錫錫添!而轉拍《跳躍生命線》嘅Moon在劇中係馬德鐘嘅妹妹,同已為人夫嘅哥哥難啲發展感情,不過同劇有何廣沛、張彥博、黃子恆、翟威廉,雲集幾位阿Moon嘅「相好」,正呀喂!

劉佩玥
劉佩玥同翟威廉劇中有冇對手戲呢?

 

劉佩玥
劉佩玥與何廣沛

 

劉佩玥
劉佩玥同劉彥博亦係jam歌拍檔!

 

黃子恆
劉佩玥同黃子恆(右一)

緋聞男友多到「唔知邊個啦!」

除咗《跳》劇四子,仲有好多仔仔排著隊等Moon。開初,Moon傳出同鍾嘉欣舊愛伍允龍拍拖,不了了之後就被發現同黃又南喺車廂談情,之後被傳同巨星幫周志文發展,甚至獲賭王兒子何猷亨探班。近期Moon被指搭上黃心美緋聞男友陳安立,Moon笑稱「唔知邊個啦,我太多緋聞!」佢再強調自己單身,亦唔會因為新聞、緋聞唔同異性外出,好堅持要約仔仔出街喎。

劉佩玥
劉佩玥與伍允龍

 

 

 

 

劉佩玥
劉佩玥與黃又南(右一)曾在劇集《殭》中合作。

 

 

劉佩玥
劉佩玥與周志文經常一起jam歌!

 

 

何猷亨
賭王四太長子何猷亨

 

 

陳安立
陳安立

否認不和 同麥明詩係「朋友」

本刊早前發現Moon請港姐師妹麥明詩一齊開直播彈琴、唱歌,但係Moon態度衰衰,當明詩彈錯時,Moon就眼厲厲、嘴藐藐。雖然Moon之後否認,話同麥明詩私下係會互相關心嘅朋友,想澄清,行動最實際,再請麥明詩一齊jam歌吧,不過最近嘅嘉賓都係男星…

劉佩玥

 

 

劉佩玥

 

 

劉佩玥

 

 

劉佩玥

全文完