李佳芯

食住行全包 李佳芯秘養男友

最新娛聞

廣告

李佳芯 (Ali)去年被本刊踢爆同Viu TV主持人陳炳銓同居,備受力捧的Ali即時向公司耍冧,對外低調處理感情,連住所都由南圍愛巢搬去清水灣半島獨居!表面上好似好聽話咁,但實情真愛既嘢,邊有咁易割到蓆!早前本刊發現Ali一收工就驅車上門慰藉男朋友,做埋司機接男友返新竇過夜;另外Ali出街醫肚負責埋單,仲要借埋架車俾男友代步!又pure又true嘅Ali BB又再多樣引死宅男嘅優點,就係貼錢拍拖,抵得諗囉!

撰文:東方新地

女神配才子

Ali早年憑《學是學非》成功入屋,形象健康鮮有緋聞,其後參演多套劇集均有不俗表現,所以一步步登上女一之位!雖然和Viu TV主持陳炳銓熱戀中,不過Ali對戀情一向極低調,直至早前被踢爆與男友在西貢村屋築愛巢同居,即被經理人力勸要低調!據知大台認為陳炳銓係ViuTV的人,而且知名度唔高,Ali同佢拍拖並無益處,於是出手棒打鴛鴦。Ali為保前途奈冰封戀情,即時搬返柴灣公屋與父母同住,後來再搬到清水灣半島獨居,表面上好聽話!

食住行全包

不過其實Ali瞞住公司日日密會男友!早前本刊發現陳炳銓如常在清水灣半島過夜,夜晚先由女友駕車出動往將軍澳,去到一間中式茶樓食晚飯。簡簡單單兩個小菜兩碗白飯,埋單最多都係二、三百蚊,估唔到飯後陳炳銓跟住女友齊齊站在收銀處前,竟然兩手揈揈由得Ali俾錢。

飯後陳炳銓再駛埋女友架紅色甲蟲車過海赴約,留低Ali自己掃日用品,之後搭小巴返屋企。

收工送上門

事隔兩日,Ali一早跟大隊出動拍攝《踩過界》外景。10度低溫下着住條裙仔一拍就係由朝拍到晚。11點收工,Ali第一件事又係致電男友預告上門,之後直駛南圍湊埋男友,準備買完宵夜再返女家清水灣半島。做司機之餘,期間再做埋跑腿來回多一轉南圍幫男友取回物件。出錢出車仲要出埋腳骨力,Ali真係抵得諗!咁好嘅神級好女友,去邊度搵呀?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!