食腦喪B

食腦喪B|何廣沛公開4小時喪屍妝 為保「喪屍嘴」變「木嘴」

最新娛聞

廣告

《食腦喪B》何廣沛飾演喪屍,要演活呢隻喪屍唔容易,特技化妝需要長時間,何廣沛公開解構4小時特技化妝過程,化妝間其他人經過嘅時候更被佢嚇一跳,除了妝容,何廣沛在小動作上花了不少心思﹗

食腦喪B 何廣沛公開喪屍妝過程﹗
何廣沛公開喪屍妝過程﹗(圖片來源:TVB)

食腦喪B|何廣沛飲水有困難

何廣沛要演喪屍一點也不簡單,單單是特技化妝,每次都要花逾4小時﹗除了要化白臉部外,為了打造 Dry爆喪屍嘴,嘴唇除了要黐膠紙、更要塗顏料。而為免「飛甩膠紙」,何廣沛化好妝後即使想飲啖水都困難重重,不但要「木」起個嘴、更要捲埋脷,認真辛苦。

食腦喪B 《東張西望》早前直擊何廣沛 4 小時特技化妝,又要化白塊面 。
《東張西望》早前直擊何廣沛 4 小時特技化妝,又要化白塊面 。(圖片來源:TVB)
食腦喪B 嘴唇又要黐膠紙。
嘴唇又要黐膠紙。(圖片來源:TVB)
食腦喪B 飲啖水都辛苦過人。
飲啖水都辛苦過人。(圖片來源:TVB)

食腦喪B|何廣沛完妝嚇親同事

另外何廣沛頸上的血管,亦是化妝師逐條慢慢畫,每條顏色深淺更是每次跟到足,製作認真。何廣沛接受《東張西望》訪問時表示:「我就覺得冇咩唔舒服,係見到我嘅人唔舒服多啲,好多同事行過睇到都會嚇一跳﹗」

食腦喪B 戴埋隱形眼鏡,大功告成。
戴埋隱形眼鏡,大功告成。(圖片來源:TVB)
食腦喪B 逐條血管畫。
逐條血管畫。(圖片來源:TVB)
食腦喪B
(圖片來源:TVB)

為了演活喪屍角色,何廣沛要做出大量違反人體力學的肢體動作,對此他笑言:「係難嘅,因為要運用晒全身肌肉,好似趷起身咁,其實一啲都唔易做,正常人係用手撐起個身,但喪屍唔係人吖嘛,所以最大困難係點樣可以趷起身唔用手﹗」

食腦喪B 據聞監製就係睇中何廣沛呢對別具喪屍感嘅手,所以搵佢做喪 B。
據聞監製就係睇中何廣沛呢對別具喪屍感嘅手,所以搵佢做喪 B。(圖片來源:)
食腦喪B 扮喪屍趷起齋睇相都知唔簡單。
扮喪屍趷起齋睇相都知唔簡單。(圖片來源:《食腦喪B》截圖)
食腦喪B
(圖片來源:《食腦喪B》截圖)

(29日)第10集喪B因為過了七天食腦期限,失控變成喪屍襲擊死對頭戴雄蒲(張彥博飾),雖然喪B的喪屍妝及動作均非常嚇人,不過劇情繼續貫徹搞笑作風,被扯爛褲的戴雄蒲會犧牲色相當街露出「孖煙囪」四處逃走,畫面「震撼」。

食腦喪B 張彥博露出「孖煙囪」逃命奔走,今次真係犧牲色相。
張彥博露出「孖煙囪」逃命奔走,今次真係犧牲色相。(圖片來源:《食腦喪B》截圖)
食腦喪B 快啲走呀﹗
快啲走呀﹗(圖片來源:《食腦喪B》截圖)

第10集劇情(29/04)何廣沛懷疑蔣志光真正身分

蔣志光和何廣沛互訴感情事,揭穿何廣沛愛上江嘉敏。何廣沛產生幻覺,不時看見化身成少女利穎怡的江嘉敏,郭子豪、方紹聰協助追查。 何廣沛遇襲,擔心江嘉敏同樣遭到張彥博尋仇,何廣沛飢腸轆轆下成為喪屍,更追殺張彥博…… 朱智賢獲通知一事,大感自責,黎振燁安慰。何廣沛向江嘉敏重提親吻之事,二人表現尷尬。郭子豪、方紹聰發現利穎怡已離世;另邊廂,朱智賢證實江慶並非親父。何廣沛亦發現真正的蔣志光已去世,懷疑家中蔣志光的身分,往找他算帳……

何廣沛做喪屍 4小時特技化妝直撃揭秘:

撰文:東方新地圖片來源:《食腦喪B》截圖、TVB資料或影片來源:TVB

讀者留言