林峯

飯局爆喜訊!風騷林峯召集兄弟團

真係有得比較,先會知道乜嘢係最好嘅!暗交富三代施伯雄同林峯分手的吳千語,未獲男友認愛,早 前便感觸嘆謂:「我錯過了你!」,相反找到更好女友的林峯就如沐春風,同28歲內地索模張馨月拍拖一年愛 得如膠似漆,完全被女友乖巧爽朗性格溶化的他,將女友寵上天,對舊愛吳千語 翻撻一於少理,更公開 表態:「現在生活得非常好!」 近日便有傳蜜運中的林峯有意今年同女友拉埋天窗,日前,林峯便召集一班兄弟團飯局似是開心報 喜,沐浴愛河的他全晚情緒高漲風騷滿場飛,心情靚絕十足好事近!唔知林峯會唔會在豬年搶閘爆婚訊呢!?

撰文:東方新地 圖片:新傳媒圖片、Instagram

林峯 飯局爆喜訊

同吳千語結束五年情後,筍盤林峯一直不愁寂寞,去年三月同長腿索模張馨月遊海洋公園爆出戀事,原來早在農曆年已帶埋女友返家鄉廈門見家長,明顯對新歡溫柔體貼順得人性格無法抗拒,拍拖一年愛得如膠似漆。

帶女友見長輩

早前三嫂戚美珍 57歲生日兼同三哥慶祝結婚 29周年,兩人特地大宴親朋,好友譚詠 麟、彭健新、樂易玲、佘詩曼、古天樂、謝天華、黃日華、余錦基等都畀面到賀,不過大合照中最搶眼一對,應該係林峯同女友張馨月,雖然兩人未有黐到實影相,但從 相片中可見林峯興奮之情,同主人家不遑多讓。

甜蜜放閃

性格隨和的張馨月,同男友一班好友相處融 洽,大合照期間,對眼就不時偷望男友,睇見都甜到漏。

女友要風得風

向來係貼心好男人的林峯,對女友張馨月寵愛有加,不時安排女友 來港相伴,進駐自己帝景園寓所做女主人,升呢做咗林峯女友,張馨月 生活亦十級跳,不用再拋頭露面開工做模特,閒時周遊列國行街掃名牌 扮靚,預習少奶奶生活,優哉游哉!據知情者透露:「阿峯對女友不嬲都 好貼心,以前同千語一齊,女友好名牌又有公主病乜都要人服侍,阿峯 都放低少爺身段,對女友呵護備至, Carina(張馨月)性格好乖巧對男友又 夠體貼,千語同佢性格差天共地,根本冇得比,阿峯同佢拍拖之後,成 個人都開心晒, Carina唔單止對住男友好小鳥依人,仲好識得照顧阿峯身 邊人,連阿峯屋企人同朋友都好鍾意佢,有男友錫到燶,Carina亦唔使 再頻撲工作,得閒就嚟香港陪男友,生活無憂,佢依家簡直要風得 風,想做咩買咩阿峯都無限量支持!」

情緒高漲

林峯召集一眾兄弟飯局,蜜運中的他當晚心情靚絕,同眾人狂歡情緒高漲,傾足 4 個多小時非常盡興。

人逢喜事精神爽

對女友愛護有加,林峯亦早已融入女友家中,去年九月張馨月胞弟 在江蘇鹽城娶老婆,林峯就專登陪女友返家鄉出席婚宴,感情一日千 里,近日便傳出林峯有意今年同女友拉埋天窗,人逢喜事精神爽,早前 與13期藝訓班好友敍舊的他,大手筆豪送金牌給眾人紀念20年友情,原 來開心飯局陸續有嚟,日前林峯又召集一班兄弟團吃日本料理。 當晚約七時許,阿峯一班好兄弟吳卓羲、梁競徽等一早到達九龍城 三和敍日本料理,三哥苗僑偉更全家到賀。據知情者透露:「阿峯同 Carina拍拖一年幾,感情真係發展神速,嗰日係阿峯召集大家出嚟食飯,話有開心嘢同大家講,由於三哥個女苗彤以及兒子苗俊,都同阿峯好 熟,所以都專誠嚟分享對方喜悅!阿峯嗰晚真係好開心,不停同人隊酒,又風騷講唔停,大家都覺得佢就快好事近!」

轉場按摩

飯局吃近 5小時,眾人明顯非常盡興, 大夥兒行出料理店仲興奮傾唔停。

意猶未盡

大家仲意猶未盡,企在料理店門外繼 續商討下一站行程,林峯更提議眾人 到附近的沐足店做按摩。

不醉無歸

雖然曾志偉未有到場,但期間亦派司機送酒到料理店,以酒做禮著大家 不醉無歸!大夥兒盡興到晚上11時多,眾人興高采烈陸續行出料理店,殿 後的林峯仲同食肆老闆傾唔停,明顯心情大靚,飯局結束,但眾人似乎還 意猶未盡,繼續企街商量下一站行程,傾了一輪,有人提議去做按摩,阿 峯似乎有心水好介紹,見他率領眾兄弟行過隔籬街,穿過小巷入了一間沐 足店,似乎飯後想做按摩消除疲勞,按足兩小時,林峯帶頭離開,未知是 否心急趕返家陪女友!約十五分鐘後,吳卓羲做司機車兄弟梁競徽返家。

似開籠雀

按摩前,林峯先去七人車放低嘢, 風騷的他行到邊傾到邊,有如開籠雀。

三哥全家到賀

身為林峯長輩,三哥當晚更聯同老婆戚美珍及一對仔女出席飯局,不過,吃到晚上十時許,見阿爸仲同眾 人傾得興起,女兒苗彤及兒子苗俊就 先陪阿媽坐七人車離開。

孖女友賀三哥三嫂 其實張馨月一早融入林峯家人及朋友圈子,本月初三嫂戚美珍57歲生 日兼同三哥慶祝結婚29周年,二人大搞結婚周年派對,當日出席的明星好 友眾多,包括溫拿、古天樂、佘詩曼、曾志偉、余錦基、黃日華、張兆 輝及樂易玲等,林峯更帶同女友張馨月到賀,可見張馨月的女友地位早 已穩如泰山,雖然二人繼續低調作風,未有放相上個人社交網放閃,不 過最終亦因為大合照曝光揭示二人早已秤不離砣!

開心帶隊

決定轉場去做按摩,林峯更負責帶路, 率領眾人行去附近的沐足店。

趕返歸會女友

逗留兩小時,林峯率先離開沐足店,由司機接載返寓 所,唔知係咪心急返家會女友!

39歲林峯隨時有機閃婚,早前出席活動更明確肯定女友地位,公開 承認同女友蜜遊東京並相處愉快:「私人事唔多講嘞!但大家影到我都會 承認,總之依家生活得非常好!」擺明斷早前有意𢱑翻撻的吳千語後 路。咁又係,有個無論身材樣貌性格都更勝舊愛吳千語的張馨月,林峯 點會唔識揀,睇嚟張馨月坐正做林太指日可待!

唔單止善待女友,林峯對朋友亦好唔話得,近日就與他 同是 13期藝員訓練班出身的學員好友敍舊,更大派印有 眾人合照的金牌以紀念 20年友誼,同期好友楊怡、徐榮、 張美妮及趙永洪等紛紛留言大讚峯哥夠細心!

預集少奶生活

出名係貼心好男人的林峯,昔日與吳千語拍拖已經有求必 應,對新歡張馨月一樣寵愛有加,在張馨月的社交網可見,做咗 林峯女友後,生活悠閒又奢華,一身名牌盡顯派頭,要風得風生活無憂。

進駐男友豪宅

已經進駐男友帝景園寓所的張 馨月,不時在男友寓所泳池曬 日光浴。

遊艇出海

狂飛日本

連飛幾轉日本相當寫意,唔少相片更明顯是「男友視覺」,可見同林峯拍拖極之甜蜜。

名牌上身

做 了林峯女友後寵如公主,張馨月Hermes包包當然唔少得。

全職扮靚

得閒就做美容扮靚,完美闊太生活。

見晒家長

上個農曆年,林峯帶同女友張馨月 返廈門見家長,林峯同堂妹林夏薇 合照時,左手食指戴著一隻戒 指,與女友張馨月近月戴得最頻密 的一隻戒指極之相似,疑似戴情侶戒!

延伸閱讀:林峯拒吳千語𢱑翻撻

今年三月林峯宣布與吳千語早已分手,千語被爆與前全國政協施子青長孫施伯雄(Brian)拍拖,林峯亦戀上國內34D索模張馨月。張馨月近月更高調在社交網晒奢華無憂生活,得寵示威。吳千語因未被有米男友認愛,焗住把戀情低調,日前25歲生日男友都係冇影。最近千語更在網上流露無奈和後悔之意,被指唔捨得相戀五載的林峯。悔不當初𢱑翻撻冇咁易,林峯堅決拒回頭!

撰文:東方新地|圖片:新傳媒、Instagram、微博

林峯
林峯三月出席活動時承認同吳千語手已分。

林峯今年三月出席活動時,承認同吳千語其實已經分開咗一段時間,希望大家俾啲空間佢哋;至於感情方面則是隨緣,會集中在工作上。林峯又強調只會講埋今次,私人事以後唔會再答!

林峯

吳千語:完全放下實在不容易

而身為女主角的吳千語亦喺社交網亦承認分手一事,佢留言:「感謝各界朋友短訊關心和支持,請原諒我選擇以社交平台作一次性的回應。五年間全心全意投入的感情,要完全放下實在不容易,大家請給我空間適應,未來我會勇敢面對。希望今後大家會繼續給我支持,並多留意我的工作。」

張馨月得寵

曾經被林峯捧在掌心愛錫,要風得風要雨得雨的吳千語,隨著去年暗交前全國政協施子清長孫施伯雄,與林峯的五年情終畫上句號。今年三月,林峯被影到與27歲的內地索模張馨月同遊海洋公園,戀情曝光後二人繼續穩定發展,相比吳千語,同樣被林峯寵愛的張馨月更加識做人,就連林峯的家人及身邊朋友都對她讚不絕口。

林峯
林峯與千語BB情不再!

林峯

舊愛不如新歡

據知情者透露,吳千語個性自我,擺出嚟個樣已經係寸,同林峯拍拖時只想獨霸男友,唔想應酬其他人。相反張馨月長袖善舞,好識氹人,唔會成日黐身,畀好多私人空間男友;但見面時又會小鳥依人,性格同千語差天共地。所以據知林峯好早已經帶佢出嚟見人,張馨月同個個都有話題,好順得人。

吳千語性格同張馨月似乎差好遠啦!

堂妹契姐成閨密

唔止堂妹林夏薇、就連好友楊怡同契姐周勵淇都好鍾意張馨月,嚟香港時都會一齊行街食飯。拍拖一年,二人感情一日千里,今年初農曆新年,林峯帶張馨月返廈門過年見家人,二月林峯要留港繼續趕拍網劇《 PTU機動部隊》,張馨月為更靠近男友更專登留港陪開工。

林峯早前留港繼續趕拍網劇《 PTU機動部隊》。
張馨月的交際能力明顯比吳千語好,識得討好男友身邊人,林峯堂妹林夏薇亦會抽時間陪伴來港玩 的張馨月。
張馨月同林峯契姐周勵淇好老友!
林峯好友楊怡都大讚張馨月!

林峯亦融入女家

林峯亦早已經融入張馨月家中,今年9月張馨月胞弟在江蘇鹽城娶老婆,林峯都有現身婚禮,接新娘時林峯在新房企埋一邊笑晒口㖭!更被po出與一對新人的合照,關係咁好大有機會一家親。

進駐林宅晒Body

女友千依百順,林峯當然不會待薄另一半,之前與吳千語拍拖時有求必應,對張馨月一樣寵愛有加。在張馨月的社交網可見,與林峯拍拖後的她生活悠閒又奢華,一身名牌、手袋盡顯衣食無憂,暑假期間更著三點式在林峯帝景園寓所的私人泳池晒身材,與吳千語早年唔使做的闊太生活如倒模一樣。

身材五官都與吳千語有頗相似的張馨月,明顯是林峯喜愛類型,除咗有修長索腿、眼大大面尖尖外,更擁有34D火辣身材!正呀!

近半年來港次數頻密的張馨月,暑假期間在IG自po三點式泳照派福利,即被眼利網民踢爆地點就是在林峯位於港島中半山的帝景園寓所泳池,擺明宣示主權。

林峯開心會友

除了拍拖,林峯亦好重視友情,日前不用工作,林峯現身北角渣華道街市,相約好友飯敍。
同場見到林峯與好友郭政鴻、陳山聰與女友Apple等。
同行還有數名外籍友人,林峯更以自己的七人車來接載好友,準備轉場去飲嘢傾偈。

林峯 - 倒模七愛方程式:

林峯每次拍拖都善待女友,每個都享受公主一樣的生活,與吳千語一樣,與林峯拍拖後的張馨月,工作量少之又少,但經常周遊列國。

張馨月近年不時歐遊歎世界,法國、英國輪住去,坐親唔係頭等就係商務,機艙自拍照當然唔少得。
Hermès包包是有錢人身份象徵,吳千語與林峯拍拖時,都唔知買咗幾多個,張馨月都有喎!不過暫時擁有數量唔多。
專注拍拖等嫁入豪門,闊太生活當實習,張馨月閒時來港血拼名店,上遊艇玩晒吓弗爆身材,咁先至係上等人。

林峯愛狗如命,視家中貴婦狗如己出,張馨月每次去到男友屋企都狗不離手,為冧男友當然要傾盡愛心。

吳千語增肥出山搵食

相反,過去五年掛住拍拖唔憂做的吳千語近年就要靠自己,今年開始再活躍幕前。據知情者透露,吳千語同林峯拍拖時瘦到好似火柴人咁,好多客都嫌佢太瘦,依家肥番長肉唔同晒,著衫都靚啲。感情事好難講,始終現時男友都未肯公開承認拍拖,所以千語都要為自己打算,放風想接多啲嘢做。

與林峯分手失大靠山後,吳千語工作上進取咗,日前見她與女助手到銅鑼灣排隊買珍珠奶茶。
不過見到千語繼續港女上身,翹晒手個樣寸爆,之後飲 嘢閒逛家品店。

林峯拒吳千語𢱑翻撻

吳千語以前畀林峯當女皇捧上天,依家要偷偷摸摸又冇名份,有比較之下當然冇咁開心。不過就算千語有幾後悔、有幾想翻撻都冇用,因為據悉林峯對佢已經完全心死,依家同張馨月 一齊不知幾舒服,唔會再受千語氹!

近年吳千語開始長肉,不再像以前iPad身形四肢似火柴,這日她在家品店買了一小袋戰利品,都要女助手代勞。
以前出街有司機有專車,依家吳千語出入要自己截的士,馬死落地行。
千語增肥成功長番啲肉,最近都晒吓身材~

千語後悔甩拖

早前吳千語25歲生日,在橫店拍戲一個月的她與助手及大班好朋友一齊慶祝,雖然不見男友施伯雄在身邊,但收到五個蛋糕,收穫非常豐富。吳千語又不時在社交網轉帖有關愛情的文章,早前她在微博對一篇寫舊愛的文章讚好,被指不知不覺流露出對林峯的念念不忘。

生日男友都唔出現?

失去才懂珍惜

吳千語在微博對一篇寫舊愛的文章讚好,文中提到「就好像我喜歡你的時候你不喜歡我,你喜歡我的時候我身邊已經有別人了。我對你好的時候你不珍惜,等你回過頭來後悔的時候我已經被別人寵成小公主了 …… 錯過一個人,只需要一秒,就夠了。我錯過你了,你也錯過最好的我了。」不少網民看到即猜測她對林峯的戀情有所感慨,仍未放得低。吳千語依家先知林峯好?怪就怪自己身在福中不知福,將林太之位拱手讓人。

新歡未認愛

有指吳千語移情身家過百億的「富三代 」施伯雄(Brian),但上月27日生日的她,男友卻冇影,只獲一班好友與她慶生,其中一張切蛋糕相更在片場影。新歡有米有家底,吳千語未被承認女友身份,雖然早前被踢爆與Brian蜜遊歐洲,仲配合男友慳家性格,坐經濟機位返香港,但她一日未有名份亦唔敢高調,更焗住收斂愛晒命性格。

身家過百億的「富三代 」施伯雄(Brian)

早前千語罕有地在IG作出澄清,貼咗一張滿身名牌嘅相片後留言:「#包包品牌送 #房子自己租 #別亂寫啦。」但繼續被網民抨擊解釋都冇用,搞到吳千語嬲豬索性連個post都刪除埋,只剩下靚相。