ella

餵母乳被侮辱 官恩娜:個心好唔舒服

自去年十月誕下中法混血B仔Gabriel(BéBé G)後,36歲官恩娜(Ella)一直專心湊仔,為了令兒子健康成長,Ella堅持餵哺母乳。不過,近日Ella自爆於本地某五星級洒店女更衣室餵母乳時,被一位中年女性侮辱!

Clip_2a

Ella表示當時因為佢所在嘅兩層樓都搵唔到育嬰室,而佢亦有問准更衣室職員,仲要為免影響他人情況下,匿埋一邊餵母乳,期間突然被一位中年女人侮辱!Ella一肚氣說:「對方故意喺bébé G嘅頭上面同佢塊面側邊大聲敲打電話,兼大聲鬧有人喺度餵人奶!再超級大聲喺bébé G頭殼頂打電話俾酒店各部門投訴,問人哋知唔知女更衣室發生緊乜嘢事!」

Clip_3A

對方咁大聲,結果令bébé G受驚喊咗出嚟,而Ella表示佢都嚇到呆咗冇反應!事後Ella直言點解喺呢個年代都仲有人對餵哺母乳存咁大嘅偏見,而且BB飲媽咪嘅母乳係最天然不過嘅事!覺得無論如何都唔應該咁樣對一個五個月嘅嬰兒!更坦言「事後個心好唔舒服」!

Clip_4a

個po一出,網民力撐Ella行為,認同媽咪餵母乳係無錯,更安慰Ella應無視呢啲無文化嘅人,否則激親自己影響埋bébé G健康就唔好啦!

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk