劉心悠

首度合作互嗌BB 劉心悠歪音收服吳卓羲

最新娛聞

廣告

吳卓羲 (Ron) 與劉心悠最近開拍電影《再見・女人街》,大熱天時穿梭旺角女人街取景,劉心悠以「盜墓者羅拉」造型演活女運輸工人,吳卓羲則演MK味濃的古惑仔。上周四 (16日) 二人在女人街附近拍鬧交戲,劉心悠鏡頭前惡到扯晒青筋,鏡頭後就賣萌受盡呵護。

平時高呼「我要美白」的心悠BB要搬搬抬抬大汗疊細汗,又被追打狂奔,好彩有man爆的吳卓羲錫住,遇上講歪音廣東話的劉心悠,吳卓羲大讚對方好可愛,仲公開互嗌「BB」,首次合作就擦出火花,零緋聞既心悠終於開齋!

撰文:東方新地|圖片:新傳媒圖片庫、劉心悠IG吳卓羲IG

劉心悠受傷後十級庇護

劉心悠與吳卓羲首度合作演一對在女人街搵食的情侶,雖然一場親熱戲都冇,但一樣可以火花四濺。日前二人在旺角女人街附近拍攝一場鬧交戲,一身「羅拉」造型的劉心悠要狂鬧吳卓羲累她被警察抄牌,未roll機已經入晒戲,先怒睥吳卓羲,然後向他怒擲告票,劉心悠七情上面鬧到頸都現晒青筋,火藥味甚重。

演慣弱質纖纖可愛角色的劉心悠,不停把紙箱從貨車上搬上搬落,體力勞動非常辛苦,看她手臂上有被紙箱刮傷的痕跡,雙腿也有多處蚊癩,為演好角色一句怨言都沒有,非常專業。其實開拍第一日吳卓羲拖住劉心悠在女人街拍攝追逐場面,因劉心悠忘了拉筋兼跑得唔夠快,結果拉傷腳部,之後吳卓羲就更加憐香惜玉,而劇組亦盡量避免劉心悠在鬧市狂奔,現場所見,埋位前除了有吳卓羲傍住,劇組亦會派出多名猛男護住劉心悠,以免她受到途人騷擾。

拍完鬧交戲,劉心悠與吳卓羲一齊接受本刊記者訪問,互讚對方是個好演員,吳卓羲指心悠是她夢寐以求的女演員,他說:「我嗌慣佢做心悠BB,我哋有火花㗎!第一日拍已經拖住手跑到今日,之前喺《深宮計2》睇佢演出,我已經好想同佢合作,依家到蕭正楠羨慕番我。」對於劉心悠出名講歪音廣東話, 吳卓羲竟表示好鍾意:「我覺得佢啲廣東話冇問題,好正宗呀!起碼正宗過金剛,其實歪音都係好可愛,咁先至過癮同悅耳,我好鍾意。」吳卓羲氹女果然有一手,劉心悠問可唔可以唔叫佢「BB」,吳卓羲話唔得,劉心悠笑說:「咁我以後都叫番你做阿Ron BB!」對於會唔會鍾意吳卓羲這類男仔,她 說:「佢好Man,好有安全感!」男未婚女未嫁,睇落都幾啱key,可以諗諗佢喎!

英雄救美

鬧完吳卓羲想轉身走人的劉心悠,在落貨升降板差錯腳,好彩吳卓羲眼明手快捉住她。

論盡心悠獲吳卓羲勇救後,惟有以笑遮醜,掩嘴狂笑。

女人街鬧交

估唔到劉心悠做惡女一樣掂,上周四(16日)在女人街附近拍《再見・女人街》,心悠當街鬧爆吳卓羲,仲向佢怒擲告票,好有戲。

叉腰現青筋

鬧到面紅耳熱,劉心悠叉晒腰、頸又現晒青筋,吳卓羲好男不與女鬥,無奈捱轟。

力的表現

劉心悠由中午開始把紙箱搬搬抬抬,拍足幾個鐘不慎刮傷手臂,處理好傷口又繼續拍。

有遮同享

吳卓羲表示可以同心悠BB合作好開心,同時亦要好好盡男人之責保護佢,拍攝期間突然落雨,他即撐起雨傘護花。

可愛賣萌

片中角色雖然硬淨又惡死,現實生活中的劉心悠率直可愛,等埋位時仲同張立基一齊做鬼臉。

猛男護身

在品流複雜的女人街日拍夜拍,為保護心悠BB,劇組傾盡猛男護花,確保冇人敢埋心悠身搞搞震。

有冇d想星我幾巴既感覺呢? #我地今日大晒阻住條街拍戲 #好威咩 #再見女人街
Annie Liu official instagram(@ladyceo_sumyauliu)分享的貼文 於 張貼

收到fans 傳我這張相片,話佢好似我,咁搞笑?😂 #秘撈心悠 #莫非係 #除非唔係
Annie Liu official instagram(@ladyceo_sumyauliu)分享的貼文 於 張貼

如果背景剛好有閃電,就完美了. #電話camera都影到夜景 #嘉頓山夜景 #再見女人街
Annie Liu official instagram(@ladyceo_sumyauliu)分享的貼文 於 張貼

劉心悠3字尾索過後生女|保養有術 全靠⋯⋯

37歲劉心悠外表完全睇唔出已經近4張,講到保養心得,心悠就話阿媽嘅愛心老火湯功不可沒,另外仲要多運動、勤保養:「有句說話係『做女仔唔可以懶』,我好認同㗎!女仔唔識補會好易老,不過我就識點樣令自己保持年輕,例如做瑜伽、跑馬拉松,因為可以令新陳代謝好啲,至於皮膚方面,我都好注重,仲好勤力𠻹,由卸粧、敷Mask,由內到外去保養。」

Annie Liu official instagram(@ladyceo_sumyauliu)分享的貼文 張貼

保養肌膚 三管齊下

心悠指保養肌膚一定要由內到外:「飲食、運動、睡眠,要三方面一齊做,特別係我成日拍戲,好多時都休息唔夠,就好易有細紋、鬆弛等等嘅肌膚衰老問題。」

Annie Liu official instagram(@ladyceo_sumyauliu)分享的貼文 張貼

卸妝的重要性

心悠又提醒大家徹底卸妝好重要:「我知道好多女仔會花好多時間嚟化妝,但卸妝就馬馬虎虎,我甚至見過朋友只係用濕紙巾抹面就當卸咗妝!其實如果唔徹底卸妝,最後會令皮膚變差,點化妝都唔好睇!」

Annie Liu official instagram(@ladyceo_sumyauliu)分享的貼文 張貼

一直蛻變中

現已37歲的劉心悠說自己一直在蛻變中,只係步伐比較慢:「我覺得好多事,要到達某個人生境界先做得到,好似性感、裸露,依家我仲未接受到,但二十年前我唔能夠接受嘅露背、高踭鞋,依家我已經著得好舒服!」

Annie Liu official instagram(@ladyceo_sumyauliu)分享的貼文 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!