香港人在北京

香港人在北京|洪永城演技終獲平反 今次連嘴傅嘉莉陳星妤兩女都冇被投訴

最新娛聞

廣告

即將大結局的TVB台慶劇《香港人在北京》中,「阿喱」洪永城和「Funny」傅嘉莉、「淼淼」陳星妤大玩三角戀,洪永城演技終獲得平反,大受網民讚賞,曾被指係「咸豬嘴」的他,今次劇中更連嘴兩女,但就未有收獲負評!

香港人在北京 《香港人在北京》一眾演員飯聚,大家希望可以原班人馬開拍續集。
《香港人在北京》一眾演員飯聚,大家希望可以原班人馬開拍續集。(圖片來源:TVB娛樂新聞台截圖)

《香港人在北京》洪永城 開心演技有進步

當年拍《張保仔》洪永城曾被鬧「戲屎」,又被指與陳展鵬不和,近日因為《香港人在北京》的搞笑演出,令不少觀眾對洪永城改觀,終於獲得大平反,他笑言好開心獲得觀眾認同:「呢段時間好多人走過嚟話『Tony你好搞笑呀』、『劇情好好呀』、『好多歡樂呀』、『依家一家大細晚晚追呀』咁,其實係好開心嘅!因為之前我做過好多喜劇,都冇呢個反應。」被身旁吳若希取笑他是因為之前演技太「屎」,洪永城亦毫不介意坦言:「依家進步咗啦!證明我其實係適合做喜劇嘅!」

香港人在北京 吳若希都讚洪永城依家演技有進步。
吳若希都讚洪永城依家演技有進步。(圖片來源:TVB娛樂新聞台截圖)
香港人在北京 洪永城話呢套劇證明咗佢其實係適合做喜劇嘅!
洪永城話呢套劇證明咗佢其實係適合做喜劇嘅!(圖片來源:TVB娛樂新聞台截圖)

四角戀情引關注洪永城連嘴兩女零負評

講到洪永城和傅嘉莉、陳星妤之間,最近加入了「小鮮肉」方晴(付嘉飾),變成四角戀,洪永城笑指有好多人追問他們最終會揀邊個,原來劇中他和傅嘉莉、陳星妤都有嘴戲,同陳星妤的嘴戲更拍足6個鐘!之前拍《多功能老婆》時,洪永城曾被朱晨麗投訴係「咸豬嘴」,不過今次傅嘉莉、陳星妤兩女都對他冇投訴。

香港人在北京 Wow~好 Sweet 呢!
劇中「阿喱」洪永城和「淼淼」陳星妤嘴咀,令「Funny」傅嘉莉傷透心。(圖片來源:《香港人在北京》劇照)
香港人在北京 方晴 傅嘉莉租住青年旅社時遇上了小鮮肉方晴
大結局中Funny準備跟著愛慕她的富二代方晴遠走非洲,阿喱最終能否把握機會追回Funny,還是重投女神淼淼懷抱?(圖片來源:《香港人在北京》劇照)

嘴陳星妤「大家都好滿意」

劇中洪永城飾演的「阿喱」被網友封為「世紀渣男」,日前就講阿喱發現淼淼原來是他朝思暮想的「小夢老師」,淼淼亦驚訝阿喱是一直課金給她的鐵粉,兩人情到濃時忍不住咀嘴。陳星妤早前出席活動時笑言該場吻戲拍了6小時,對此洪永城受訪時解釋:「當日係拍咗6個鐘,不過錫嗰場只係佔好少部分,最終拍出嚟效果非常浪漫,大家都好滿意。」

香港人在北京 陳星妤早前出席活動時,透露同洪永城的吻戲拍了6小時。
陳星妤早前出席活動時,透露同洪永城的吻戲拍了6小時。(圖片來源:《香港人在北京》劇照)
香港人在北京 陳星妤日前在活動上表示拍咀戲前兩人都有刷牙,大家都唔覺得尷尬,又笑指洪永城拍嘴戲好熟手。
陳星妤日前在活動上表示拍咀戲前兩人都有刷牙,大家都唔覺得尷尬,又笑指洪永城拍嘴戲好熟手。(圖片來源:《香港人在北京》劇照)
香港人在北京 洪永城話依家拍攝親熱戲前都有向太太梁諾妍備案。
洪永城話依家拍攝親熱戲前都有向太太梁諾妍備案。(圖片來源:IG@guruhung)

與傅嘉莉第二次合作非常愉快

而之前洪永城和傅嘉莉亦有一場嘴戲,當時劇情講到Funny在夜店艷光四射吸引不少男士目光,喝醉的阿喱竟不認得Funny兼上前搭訕,兩人攬着跳舞之餘,阿喱還錫了Funny一啖,之後Funny扶着醉倒的阿喱回酒店,兩人意亂情迷下差點發生關係!洪永城今次已經係第二次同傅嘉莉合作,他大讚傅嘉莉好專業,每次拍劇前都會做足功課,令兩人合作非常愉快。

香港人在北京 傅嘉莉 傅嘉莉女神Look回歸,難怪洪永城嗒晒糖。
傅嘉莉女神Look回歸,難怪洪永城嗒晒糖。(圖片來源:《香港人在北京》劇照)
香港人在北京 傅嘉莉 兩人飲完酒後意亂情迷,差啲發生關係!
洪永城與傅嘉莉飲完酒後意亂情迷,差啲發生關係。(圖片來源:《香港人在北京》劇照)
香港人在北京 傅嘉莉 傅嘉莉 火雞姐 香港人在北京劇情 結局
劇中兩人仲唔只有一場吻戲!(圖片來源:《香港人在北京》劇照)

《香港人在北京》飯敘+訪問:

重溫洪永城曾被投訴擅加摸啜戲 朱晨麗嚇到唔識畀反應

2019年,朱晨麗曾委屈爆出在拍《多功能老婆》期間被拍檔洪永城擅加摸啜戲,令她唔識反應。因為同洪永城在劇中扮演恩愛夫妻,當中兩人有唔少親密場口,朱晨麗受訪時表示:

「我同佢有好多親密動作,不過寶華姐(劇集總監製)劇本寫得好好,係點到即止,唔多亦唔少,不過佢(洪永城)就自己加咗好多摸我、錫我嘅戲,有一次仲突然錫落嚟,我唔知點反應,如果唔係錄影緊,我一定推開佢!有時我表現好enjoy,其實個心諗緊你摸完未?」

有指拍到後期,兩人一場車廂咀戲,朱晨麗更緊張到向寶華姐求助。據知情者透露:「因為兩個要喺車入面錫,朱朱驚Tony會突然情不自禁伸脷,拍之前,搵寶華姐拉埋Tony三個人當面講清楚,寶華姐下令唔准Tony拍嘅時候伸脷,佢先唔敢亂嚟!」而事件爆出後,洪永城曾回應:「希望佢日後講嘢小心啲!如果有冒犯令佢唔舒服,我唔好意思!我都係專業演員,有啲場口我想生動啲同得意啲啫!」

香港人在北京 多功能老婆 朱晨麗 洪永城
《多功能老婆》中飾演冤氣夫妻的朱晨麗和洪永城曾被網民Like爆,但劇外兩人卻因洪永城被投訴自加攬啜戲而鬧不和。(圖片來源:東方新地)
香港人在北京 在《多功能老婆》同朱晨麗演恩愛夫妻的洪永城,被投訴向劇中老婆自加摸啜戲。
在《多功能老婆》同朱晨麗演恩愛夫妻的洪永城,被投訴向劇中老婆自加摸啜戲。(圖片來源:東方新地)
香港人在北京 輕功 洪永城自加摸啜戲被封「多嘴城」 同朱晨麗互咬
事件爆出後,洪永城曾回應:「有啲場口我想生動啲同得意啲啫!」(圖片來源:東方新地)
香港人在北京 輕功 洪永城自加摸啜戲被封「多嘴城」 同朱晨麗互咬
面對洪永城扮老公過分投入,朱晨麗為後期劇中一場車廂咀戲,曾向總監製陳寶華求助。(圖片來源:東方新地)
香港人在北京 輕功 洪永城自加摸啜戲被封「多嘴城」 同朱晨麗互咬
據知寶華姐一度下禁令,講明要洪永城拍這場濕吻戲唔准伸脷,不過睇番場戲,洪永城仍然咀得非常肉緊,搞到朱朱嘴都歪埋!(圖片來源:東方新地)
香港人在北京 美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
在《萬千星輝頒獎典禮》上,洪永城跟朱晨麗全程零交流。完騷一刻,洪永城即黐實黃翠如密密傾,朱晨麗則同閨密楊千嬅及陳煒開心自拍!(圖片來源:新傳媒照片庫)

朱晨麗拍吻戲多要求?!

去年《美麗戰場》播出時,方力申曾被問到有冇為吻戲做準備時,回答:「冇呀!好似係(拍攝)前一日先話有呢場戲。」朱晨麗就補充:「你係前一日,我係去到臨拍嘅時候先知『吓,要咀嘅咩?』然後我就即刻去做準備功夫。」小方狀甚輕鬆表示:「我做咗好多年,呢啲戲就拍得多嘅!」又指向朱晨麗問:「你呢?你都好有經驗㗎!」朱晨麗尷尬認同後,方力申即說:「咁即係冇嘢啦!」

香港人在北京 朱晨麗 美麗戰場 方力申 美麗戰場 記者問到小方如何準備與朱朱的吻戲,小方狀甚輕鬆表示自己做咗好多年,吻戲不需要特別準備。
記者問到方力申如何準備與朱晨麗的吻戲,他狀甚輕鬆表示自己做咗好多年,吻戲不需要特別準備,更寸朱晨麗:「見到對手冇乜準備,就唔使準備!」場面尷尬。(圖片來源:YouTube@TVB娛樂新聞台)

小方鏡頭前明寸「對手都冇乜準備」

方力申又指自己初入行時,拍吻戲前都會洗臉刷牙,甚至用埋牙線,不過後來發現「當你見到對手冇乜準備,就唔使準備」,出位回應令剛剛說要做準備的朱晨麗與張馳豪當場Hang機,幸好最後方力申補了一句「講笑啫!」打圓場。

事後朱晨麗接受傳媒訪問,表示當日自己是臨拍前時才知道要同方力申激咀,因為時間有限,她要和方力申即場溝通點拍法,然後一埋位就拍,完全冇NG。她表示雖然第一次同方力申合作,但唔知點解雙方都好有默契,她認為信任係好重要,所以拍攝時才會咁順利,出來個效果亦都好好。

香港人在北京 美麗戰場 方力申 美麗戰場 《美麗戰場》中方力申與朱晨麗有一場熱烈擁吻戲。
《美麗戰場》中方力申與朱晨麗有一場咀戲成焦點。(圖片來源:《美麗戰場》截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:TVB娛樂新聞台截圖、《香港人在北京》劇照、IG@guruhung