香港人在北京｜陳星妤榮升「新一代魔音」同蔡潔合唱《灰姑娘》震撼網民耳膜

陳星妤蔡潔合唱 蔡潔獲網民激讚

陳展鵬、吳若希、吳業坤、陳星妤和蔡潔等人齊齊出席日前《香港人在北京》活動，幾位主角都有為活動開金口獻唱。其中陳星妤和蔡潔就合唱梁詠琪的《灰姑娘》。蔡潔一開口雖然有點緊張，但就越唱越淡定。曾經參加過多個歌唱比賽的蔡潔，在歌手出身的吳若希和吳業坤等人面前唱歌毫不失禮，並獲網民大讚樣靚聲甜：「蔡潔真係唱得幾好」、「蔡潔唱頭幾句已經好勁」、「蔡潔把聲本身已經好聽，唱歌唔會差得去邊」等。

陳星妤獲封「新一代魔音」

不過與蔡潔合唱的陳星妤一開口就震撼全場，獨唱部分瘋狂走音，由一開始「盡情愚弄我吧，我自行回家沒有」開始走音，走到高潮位「來年將生命美麗昇華」，聽到網民都封其為「新一代魔音」，成功取代TVB一代魔音郭柏妍！

連網民都幫唔落：玩佢咩？

除了同台的蔡潔都聽到不停忍笑之外，網民都紛紛留言表示聽完陳星妤唱歌之後真係幫唔落：「擺明玩佢啦，比依首歌佢唱」、「陳星妤就唱得差少少」、「唔掂喎，好難聽」、「好心唔好陳星妤唱啦 玩佢咩」等。

一齊睇陳星妤蔡潔合唱《灰姑娘》：