香港小姐

香港小姐2023︱4大「愛妻號」做司儀表現被批災難級 陳豪講錯佳麗名最離譜

最新娛聞

廣告

4位「愛妻號」陳豪、陳山聰、陳展鵬和蕭正楠於今年無綫《香港小姐競選2023》中擔任司儀,雖然4人演技是視帝級,但主持功力卻是災難級,搞不少網民都表示看到非常尷尬:「冇乜嘢都係返去拍戲啦!」

4大司儀狂食螺絲被批災難級表現

今屆《香港小姐競選2023》總決賽司儀陣容很有新鮮感,無綫總經理曾志偉解釋找「三陳一蕭」4位型男做主持全因他們「又型又正」。雖然3位視帝和蕭正楠平時演戲就有一手,但首次擔任主持的他們全程都表現麻麻,瘋狂食螺絲之餘,想搞笑又唔好笑,搞到場面非常尷尬。

香港小姐2023 司儀 2023香港小姐 陳豪、陳山聰不停照稿讀。
陳豪、陳山聰不停照稿讀。(圖片來源:TVB截圖)
香港小姐2023 司儀 2023香港小姐 陳展鵬同蕭正楠相比下對答得比較自然。
陳展鵬同蕭正楠相比下對答得比較自然。(圖片來源:TVB截圖)

「零負評」陳豪被踩得最勁

對於4位司儀的表演,網民都表示睇到頭痛,紛紛留言狠批:「4個司儀好明顯冇乜點綵排」、「返去拍戲啦」、「四條友講啲嘢同班女啲對答冇關係嘅?」、「睇佢地啲對答好X辛苦」等。其中入行以來一直「零負評」的陳豪就被踩得最勁,雖然重提陳年meme「同朕Check下」場面搞笑,但卻多次照稿讀瘋狂食螺絲,甚至於宣布淘汰名單時讀錯佳麗的名字,搞到場面非常尷尬,網民都毫不留情怒斥:「陳豪係咪嚟搞破壞?」

香港小姐2023 司儀 香港小姐 陳豪琴晚扮《破毒強人》的聲線讀稿,網民都話唔好笑又尷尬。
陳豪琴晚扮《破毒強人》的聲線讀稿,網民都話唔好笑又尷尬。(圖片來源:TVB截圖)

香港小姐2023︱4人自爆從未一齊彩排過 陳豪坦言與拍劇難度不同

對於網民的批評,4人在完騷後接受傳媒訪問時,都承認今晚表現有甩漏。蕭正楠自爆4人都是在決賽前一個星期才收到通知要做主持,直到開騷前都一直未有一起彩排過。對於被網民批評4人瘋狂食螺絲一事,蕭正楠就笑指始終他們都唔係AI,所以會食螺絲都好正常。

陳山聰又自爆與蕭正楠在開騷前一晚才由內地返港,都未有好好休息就要準備今講稿。雖然面對不同批評,陳豪就坦然回應指今次他們在主持方面都係新人,明白外界會有好多不同聲音,但有信心假如再有機會主持,一定會做得更加好。

香港小姐2023 陳豪表示臨出場戰戰兢兢心情,即使已入行多年,唔係平時拍劇可以體驗得到。
陳豪表示臨出場戰戰兢兢心情,即使已入行多年,唔係平時拍劇可以體驗得到。(圖片來源:TVB
香港小姐2023 司儀 香港小姐 四位開場前都信心滿滿。
四位開場前都信心滿滿。(圖片來源:東方新地)
香港小姐2023 司儀 香港小姐 完場接受訪問就承認有甩漏。
完場接受訪問就承認有甩漏,陳豪表示有呢次經驗之後,相信再做一定會有更好表現,態度十分正面。(圖片來源:東方新地)

網民指寧願睇阿叻、森美做司儀

雖然今次無綫作出新嘗試搵四位型男「愛妻號」做主持,但可惜4人功力不足,令觀眾們都表示睇到好尷尬。經過昨晚總決賽之後,網民都留言指寧願睇阿叻、森美等人再做司儀:「搵返森美同志偉同叻哥好過」、「呢啲節目真係需要總經理 阿叻呢啲人」。

香港小姐2023 司儀 香港小姐 大家都話有曾志偉、陳百祥主持的港姐總決賽最好睇。
大家都話有曾志偉、陳百祥主持的港姐總決賽最好睇。(圖片來源:TVB
香港小姐2023 司儀 香港小姐 大家都話想睇返森美主持。
大家都話想睇返森美主持。(圖片來源:TVB

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:TVB、東方新地