20161229oscover01

香香強強十指緊扣返港 大晒婚戒

12月18日在溫哥華完婚的岑麗香( 香香 ),今早同老公Joshua(強強)返香港,兩人出閘時大批傳媒上前追訪,期間更一度造成混亂。雖然有段小插曲,但完全影響唔到兩位靚爆心情,繼續放閃。兩人除了大晒手上的婚戒外,同時透露佢哋未去蜜月旅行,強強仲話正計劃返香港定居。講到婚後第一個除夕點慶祝,香香就話要去澳門工作,不過到時強強都會陪佢一齊去倒數,真係羨煞旁人呀!

 

圖片來源: 新傳媒圖片庫

今日一早 香香 同強強就由溫哥華返香港,大批傳媒一早在機場守候。兩人大概8點出閘,全程十指緊扣,傳媒隨即蜂擁而上。當時場面實在混亂,期間更撞跌旁邊旅客的行李,強強即時伸出援手,而 香香 亦「夫唱婦隨」一同幫忙。

雖然有小插曲,但沒有影響到兩位的靚爆心情,全程十指緊扣的 香香 同強強爭住向記者展示手上婚戒,香香 手上的鑽戒是由強強設計的,見到兩人笑得咁甜就知佢哋幸福到爆。問到兩人是否去完蜜月旅行,香香回應親戚話未有時間去,因為太多朋友去咗溫哥華搵佢哋慶祝,所以啲時間留晒陪佢哋,蜜月旅行仍在計劃當中。

另外,強強就話今次會逗留幾個月,不過唔係停工,在香港都可以工作。強強同時表示希望在香港定居,可以多點時間陪老婆。問到兩人婚後第一個除夕點慶祝,香香就話一早接了澳門的除夕活動,不過到時強強都會陪佢過大海工作,真係羨煞旁人呀!

TUNGSTAR5879641TUNGSTAR5879644

TUNGSTAR5879668

全文完