ma

馬國明開工驚現神秘唇印 拍檔高海寧黎諾懿當面踢爆:靚湯留低﹗

馬國明、高海寧日前宣傳劇集《C9特工》時接受《東張西望》訪問,期間高Ling突然手指住馬國明嘴唇驚呼:「點解你有唇印㗎?」與黎諾懿齊齊夾擊馬國明:「係咪今朝起身靚湯留低㗎?」搞到馬國明勁尷尬狂抿嘴唇,毫無還擊之力﹗
文:東方新地 | 圖:東方新地、無綫《東張西望》截圖

馬國明在《C9特工》因痛失愛妻高海寧的一幕爆嘁戲,令觀眾動容﹗
馬國明在《C9特工》因痛失愛妻高海寧的一幕爆嘁戲,令觀眾動容﹗

馬國明湯洛雯隔日隔空放閃

馬國明和湯洛雯自公開認愛後,不時隔空放閃,馬國明飲過靚湯後,成個變得生猛,不但開設IG帳號,閒時同湯洛雯在網上互冧,入行曾後與曾華倩、胡定欣和黃心穎拍拖,不過每段感情都刻意收收埋埋,馬國明從未公開認愛,處理感情事上,跟湯洛雯隔日便隔空放閃,完全不同言語。湯洛雯令馬國明如同尋回初戀之味,向來天然呆的都變得生鬼幽默,大家公開放話視作結婚對象,真係愈愛愈高調,愈愛愈甜蜜﹗

馬國明、高海寧和黎諾㦤接受《東張西望》訪問時本來正談論劇情及拍攝花絮,突然高Ling發現馬明有神秘唇印,感到相當好奇兼夾驚呼不停查看又追問:「點解你有唇印㗎?」
馬國明、高海寧和黎諾㦤接受《東張西望》訪問時本來正談論劇情及拍攝花絮,突然高Ling發現馬明有神秘唇印,感到相當好奇兼夾驚呼不停查看又追問:「點解你有唇印㗎?」
馬國明被高Ling不停追問,高ling再同主持講:「我啱啱發現﹗呢度呀呢度呀﹗」搞到馬明勁尷尬。
馬國明被高Ling不停追問,高ling再同主持講:「我啱啱發現﹗呢度呀呢度呀﹗」搞到馬明勁尷尬。

馬國明被高Ling追問:「點解你有唇印㗎?」

馬國明、高海寧和黎諾懿的倉底劇《C9特工》近日播出,日前馬國明等為劇集宣傳,夥同拍檔高海寧、黎諾懿一起接受娛樂台訪問,提到日前一集馬明因痛失愛妻高海寧而爆喊一幕,高Ling話自己在家中收看時都睇到跟住一齊喊,相當感人,又大讚當日拍攝時,鏡頭前的高Ling,話鏡頭後的馬國明相當專業,繼續喊住交戲,令高Ling全情投入角色當中,大讚馬明是相當好的對手﹗訪問期間,高Ling突然望住馬明的嘴唇,望多兩眼之後,一臉好奇伸手指向馬明令立立的嘴唇上,然後當眾驚呼問馬國明:「點解你有唇印嘅?」然後以不同角度細心觀察再度反覆問馬明同一個問題﹗

黎諾懿和高Ling嘟嘴笑馬國明,指是湯洛雯留低。
黎諾懿和高Ling嘟嘴笑馬國明,指是湯洛雯留低。
馬國明一臉尷尬,又不停氓實嘴唇,似想收埋證據,場面相當搞笑﹗
馬國明一臉尷尬,又不停氓實嘴唇,似想收埋證據,場面相當搞笑﹗

馬明辯稱化妝師手筆

馬國明被高Ling當眾問為何有唇印時,表現極度尷尬,並下意識不停抿住嘴唇免被人看見,而黎諾懿即笑問:「係咪每朝習慣啜番啖先起身先出門口?」說時再嘟起嘴問:「係咪今朝靚湯留低㗎?」主持及高Ling笑到標眼水,馬明不停黏嘴唇,高Ling及黎諾懿再起哄指是靚湯留低唇印,馬明突然起身扮嬲:「我呢排開緊《兒科醫生》,化妝師唔想我嘴唇咁青,畀番啲血色我咋﹗」

馬國明一直呆坐毫無反抗之力,突然激動起身話因為開劇面無血色,化妝師幫忙加添唇膏。
馬國明一直呆坐毫無反抗之力,突然激動起身話因為開劇面無血色,化妝師幫忙加添唇膏。

馬國明偷偷抺嘴毁證據

黎諾懿繼續笑馬明:「靚湯錫完,馬明唔捨得抹,呢啲係工作動力嚟㗎﹗你(高Ling) 又踢爆人﹗」高Ling問:「咁你有冇動力?」黎諾懿笑言:「我呢啲結埋婚生埋仔,已經青㗎喇,冇晒血色㗎喇﹗」高Ling笑到停唔到:「死啦,我係咪洩漏咗啲乜呢﹗」馬明毫無還擊之力,低頭避鏡頭對準自己的嘴,相當搞笑﹗

黎諾㦤和高Ling繼續夾攻,馬國明把身挨向後,再偷偷抿嘴抺去唇膏印。
黎諾㦤和高Ling繼續夾攻,馬國明把身挨向後,再偷偷抿嘴抺去唇膏印。
睇番當日記招相,見到馬明個嘴唇的確實令立立﹗
睇番當日記招相,見到馬明個嘴唇的確實令立立﹗