馬浚偉

次次水浸網友改圖召喚馬浚偉 馬仔現身幽默回應網民

近日香港因受熱帶氣旋影響,令到全香港都落大雨,局部地區更出現水浸情況,令到香港天文台要發出新界北部水浸報告。而一有水浸出現,網民最想召喚嘅唔係天文台,亦唔係李先生,反而係召喚藝人馬浚偉,究竟點解呢?而今次馬仔真係被成功召喚,並親身幽默回應大家!

撰文:東方新地|圖片:馬浚偉微博、facebook及電視截圖

改圖事源係…

話說,最近呢幾日都落大雨,有部份地區更有水浸情況出現,於是一眾網民就召喚馬浚偉幫手,究竟點解呢?皆因佢喺2014年TVB劇集《守業者》嘅最後一集,出現一個經典畫面。

當年播出該晚,咁啱劇中嘅馬浚偉與楊怡,喺水浸後分離,而馬仔更游住水去尋找楊怡,仲大叫「冰冰!冰冰!」,馬仔喺電視機內不停游,正好黃雨的圖示出現在畫面左上角,網民笑稱「電視機都水浸」,天文台隨後亦改發紅色及黑色暴雨警告。

馬浚偉

馬浚偉

馬浚偉

馬浚偉被網民無限改圖

因為咁,其後被網民無限改圖,直到而家只要一有水浸都要召喚馬仔。

馬浚偉

日前,天文台發出水浸報告時,香港蘋果日報於Facebook嘗試召喚馬浚偉,點知真係成功呼喚到佢!

馬浚偉現身幽默回應

其後,馬浚偉更用真身留言:「收到……我去換泳褲先……」,佢嘅回應令一眾網友感到大為驚喜,並大讚佢夠幽默兼玩得。馬仔咁親民,認真要俾個like佢!

馬浚偉