馮盈盈谷盡事業線 眼鏡娘香香失色

天氣翳悶,去轉沙灘玩玩水是常識,如果同場仲有一位華姐冠軍加個港姐冠軍,咁就實在無得輸!今日《果欄中的江湖大嫂》幾位演員岑麗香 (香香)、馮盈盈、黃浩然及楊明去到荃灣泳灘拍攝打沙灘排球外景,香香同盈盈同樣以吊帶小背心加短褲仔示人,齊齊晒事業線加長腿,極吸睛!向來瘦削的盈盈今日谷盡上圍,將有料之人香香比下去,厲害!

馮盈盈谷到盡搶鏡

今日幾位演員跳出果欄,換上沙灘look打排球,兩位華姐冠軍及港姐冠軍級人馬當然要大騷Quali!身材一向比較瘦削的盈盈今日博到盡,谷到條事業線又深又長,竟然將香香比下去!有料之人香香雖然冇盈盈咁搶鏡,不過性感造型一樣寫索到震,再戴番副文青眼鏡,別有魅力!

馮盈盈 服飾經男友過目

今日索爆的盈盈表示選完華姐後都有一段時間沒有着泳衣,稱今個夏天雖然有好多朋友去遊船河,但自己都因為太忙而冇機會一齊玩。另外盈盈又話今日套衫事前已經俾男友過目,男友又幾大方喎!定佢唔知女友會谷到咁盡?

眼鏡娘香香:唔算性感

人妻香香前面雖然無盈盈咁「凸」出,不過就化身眼鏡娘,輕輕一轉身再露出白滑誘人玉背!香香就話自己平時出trip都係着三點式,今日已經唔算特別性感,所以唔使問准老公強強!

兩猛男做配角

同場仲有楊明及黃浩然兩位猛男,兩人都着背心騷強勁臂彎,不過手臂的吸引力又點及事業線?兩位男士似乎都係乖乖做配角啦!

全文完