馮盈盈

馮盈盈只係候補?「小狼女」本屬另一女星…

馮盈盈喺劇集《果欄中的江湖大嫂》入面飾演MK妹小狼女,第一次拍劇演出令人驚喜,角色大受歡迎。不過回想當初,其實呢個角色本來屬於另一女星,不過該位女星被指臨開鏡前劈炮辭演,估唔到如今成就馮盈盈上位!

馮盈盈演小狼女入型入格

馮盈盈喺劇中飾演酒吧話事人小狼女,經常都係濃妝豔抹,露腰又晒腿,造型MK味十足!

首次拍劇獲讚

馮盈盈出道以來俾人印象都係貼地、敢言、夠真,係個典型港女, 不少觀眾覺得佢喺劇中好似做返自己一樣,認為冇人比盈盈更適合小狼女的角色。作為新晉演員,盈盈唔似佢啲港姐前輩瘋狂被批,甚至獲得讚賞,真係個好開始!

劉佩玥為做女二辭演跳槽?

馮盈盈演小狼女咗成功,但其實呢個角色本來係屬於另一位姐仔劉佩玥㗎!當初有指佢接咗小狼女一角,但臨開鏡前卻劈炮辭演!原來因為另一新劇《跳躍生命線》搵劉佩玥做第二女主角,心急上位下決定過檔!佢回應時否認大牌辭演,話自己一向好乖聽公司指示,拍劇安排係由公司決定。

劉佩玥「相好」多多

轉拍《跳躍生命線》的劉佩玥在劇中係馬德鐘的妹妹,同已為人夫的大哥哥難啲發展感情,不過同劇有何廣沛、張彥博、黃子恆、翟威廉,雲集幾位劉佩玥的「相好」,正呀喂!