馮盈盈

馮盈盈《果欄》喊戲獲讚 拍嗰陣原來諗緊…

馮盈盈在早前一集《果欄中的江湖大嫂》中,因哥哥黃嘉樂慘死而上演一場爆喊戲,首次拍劇的盈盈表現不俗,睇到觀眾都好心痛!今日盈盈同劇中拍檔陳煒出席活動,提到爆喊戲獲讚賞,盈盈就自爆拍嗰陣原來諗緊死……

撰文:東方新地|圖片:劇集截圖、東方新地

江嘉敏 馮盈盈鬥喊功

早前《果欄中的江湖大嫂》中,作為前江湖大佬的黃嘉樂,幾經辛苦先可以同乖乖女江嘉敏成為戀人,不過之後佢卻為救女友而被死對頭李天翔殺死!

馮盈盈馮盈盈

馮盈盈
黃嘉樂最終死在愛人懷裏。
馮盈盈
江嘉敏全程投入,七情上面爆喊,眼淚鼻水口水都出晒!

盈盈初演出喊戲

之後劇情講到馮盈盈去認番哥哥條屍,雖然盈盈演出經驗未算多,不過今次喊戲表現亦算不俗,睇到觀眾好心痛!

馮盈盈拍喊戲時諗緊…

今日馮盈盈與陳煒出席活動,提到早前的喊戲獲網民讚賞,盈盈首先多謝觀眾支持,並表示拍之前好緊張,覺得喊得出已經好開心。問到拍喊戲時佢諗緊咩?盈盈竟然自爆諗緊「死老竇」!不過講完發現唔對路,隨即靚兜話在劇中係「長兄為父」,哥哥係唯一親人,最後補多句:「所以呢套戲就要多謝我爸爸。」

煒哥今日好性感!

馮盈盈表示男朋友當時都有一齊睇呢場喊戲,但佢睇時只係覺得自己好肉酸,眼睫毛甩咗一半,眼線又甩晒,不過原來大家覺得咁樣先係有感染力,自己會繼續努力!