IMG_7724

馮盈盈不滿被陸浩明指貪慕虛榮 節目開火霸氣自辯

馮盈盈早前在社交網晒Hermes的VIP專屬款包包,被指炫富、財來自有方,馮盈盈非常介意被指突然富貴,強調全靠自己努力賺錢。日前《後生仔傾吓偈》節目中以貪慕虛榮為主題,馮盈盈被好拍檔陸浩明等指貪慕虛榮, 向來好相與的馮盈盈登時黑臉,兼起扛霸氣自辯,更對貪慕虛榮呢四個字重新解讀為……..
文:東方新地 | 圖:《後生仔傾吓偈》截圖

《後生仔傾吓偈》日前以貪慕虛榮為主題,馮盈盈指:「話人貪慕虛榮嗰啲人先係貪慕虛榮。」
《後生仔傾吓偈》日前以貪慕虛榮為主題,馮盈盈指:「話人貪慕虛榮嗰啲人先係貪慕虛榮。」

馮盈盈當場黑面反擊陸浩明

馮盈盈、陸浩明等主持的《後生仔傾吓偈》向來以輕鬆方法、貼地話題,一班後生仔圍爐齊齊吹吓水,日前一連兩集《後生仔傾吓偈》以貪慕虛榮為主題,好chill嘅氣氛突然變得火花四濺。節目中馮盈盈被陸浩明及多位後生仔主持指最能跟「貪慕虛榮」四字扯上關係,其中一位後生主持補鑊:「因為盈盈身上都係名牌,佢最有條件同呢四個字扯上關係,我哋後生仔主持都唔會有名牌喺身,但係我知盈盈係靠努力去得到,所以我係好欣賞佢嘅﹗」陸浩明指住該後生仔主持:「乜你變咗幫盈盈講說話咁㗎﹗」本來還帶住微笑的馮盈盈,輪到陸浩明發表意見:「我唔識馮盈盈嘅,我係一名觀眾,我睇新聞話佢去船P,十單有兩三單新聞都同富二代扯上關係,哎呀,總之呢啲就係貪慕虛榮㗎喇﹗」鏡頭一轉向馮盈盈面口已變成黑色,明顯對陸浩明對的指控感到相當不滿。

馮盈盈不滿被陸浩明指貪慕虛榮 節目開火爆seed自辯
大家投票「最易令人誤會係貪慕虛榮嘅人」多位後生仔主持及陸浩明都揀馮盈盈。
馮盈盈不滿被陸浩明指貪慕虛榮 節目開火爆seed自辯
陸浩明數馮盈盈上船P及跟富二代扯上關係,故揀她是貪慕虛榮。

陸浩明咬住唔放:「呢排仲有冇去船P?」

馮盈盈霸氣回應貪慕虛榮的指控:「當你喺呢個社會好努力打拼然後上到某個level,自然就識到呢個level嘅人啦,係好順其自然,係好合理,只要你唔係唔念舊就冇問題啦。坦白講,我成日同中學同學食飯見面,我都有post過相,咁有冇人理過吖(高八度)?」馮盈盈繼續爆seed:「但係啲人只會好著重睇有冇邊個知名人士呢,但點解唔去諗我work for到嗰個level,或者努力啲出去識唔同嘅人,擴闊自己嘅圈子,就會識到其他界別嘅人呢,又冇人咁諗㗎喎﹗馮盈愈講愈激動,陸浩明突然補刀問:「呢排仲有冇去船P呢?」馮盈盈當場窒了一下然後黑住面答:「呢排天氣凍冇喇﹗」馮盈盈不滿被指貪慕虛榮,與陸浩明在節目中開火,充滿火藥味﹗

本來笑笑口嘅馮盈盈當場黑面。
本來笑笑口嘅馮盈盈當場黑面。
黑面盈盈,真係未見過﹗
黑面盈盈,真係未見過﹗
馮盈盈不滿被指貪慕虛榮,愈講愈激動,陸浩明突如其來問:「咁最近你仲有冇去船P?」馮盈盈當場窒了窒,然後答:「最近天氣凍冇喇﹗」陸浩明繼續唔收口:「係咩?」令全場後生仔都笑,唯獨馮盈盈一個黑晒面。
馮盈盈不滿被指貪慕虛榮,愈講愈激動,陸浩明突如其來問:「咁最近你仲有冇去船P?」馮盈盈當場窒了窒,然後答:「最近天氣凍冇喇﹗」陸浩明繼續唔收口:「係咩?」令全場後生仔都笑,唯獨馮盈盈一個黑晒面。

戴祖儀開口撐天經地義

馮盈盈為自辯而對「貪慕虛榮」重新解讀,佢指放工仍忙於管理社交網是為推銷自己,為自己事業著緊,又話自己出去識朋友,都是為事業拼搏的一種:「可能你出去同人食吓飯,咁啱人哋搵緊個代言人,而你自己又去sell吓自己話適合去做,咁咪一拍即合囉﹗」後生仔主持Fred話藝人這個職業沒有收工時間,戴祖儀和應:「係呀,出街要保持笑容,唔係又畀人話黑面態度差﹗拍完嘢放工,每一日都會諗聽日po啲咩嘢,諗得咁辛苦,咁之後出咗糧去買自己鍾意嘅嘢有冇問題先﹗點解要畀人話貪慕。」

戴祖儀撐盈盈,靠自己努力搵錢買自己心頭好,係正確的,沒有必要理會別人指貪慕虛榮便不去買自己想要的名牌包包。
戴祖儀撐盈盈,靠自己努力搵錢買自己心頭好,係正確的,沒有必要理會別人指貪慕虛榮便不去買自己想要的名牌包包。

馮盈盈反指唔貪慕虛榮是懶惰

有人撐的馮盈盈仍然氣難下,繼續激動地為自己解釋:「無論做呢行定做生意,都係要去擴闊自己圈子,去為自己事業打拼,呢啲叫上進嘅表現,寧願放工返屋企煲劇,都唔出去識吓人搵吓機會,淨係喺度等運到,等啲錢喺天跌落嚟,呢啲人先叫不務正業,如果呢啲叫貪慕虛榮,咁唔貪慕虛榮嗰啲係懶惰,唔去為自己事業做任何嘢,我去為事業打拼,呢啲叫上進心﹗」

馮盈盈指社交是任何職業,尤其做藝人必須要做的工作,所以出席飯局識不同界別的朋友,是為自己事業拼搏的一種。
馮盈盈指社交是任何職業,尤其做藝人必須要做的工作,所以出席飯局識不同界別的朋友,是為自己事業拼搏的一種。

馮盈盈不滿被陸浩明指貪慕虛榮 節目開火霸氣自辯

早前盈盈拍攝《智能愛AI人》時在IG即時動態出post,手拎Hermès包包。
早前盈盈拍攝《智能愛AI人》時在IG即時動態出post,手拎Hermès包包。
馮盈盈唔介意被人話一身名牌,認為自己努力賺錢獎勵自己,不用理會別人。
馮盈盈唔介意被人話一身名牌,認為自己努力賺錢獎勵自己,不用理會別人。