馮盈盈

傳電視城吵大鑊觸怒高層 馮盈盈急撇鄭洐峰保前途

最新娛聞

廣告

馮盈盈前年傷心宣布與醫生男友寶寶分手,但隨即被揭與「寶寶」分手前已與合作主持《#後生仔傾吓偈》的拍檔鄭衍峰撻著,本刊更曾拍得女方坐駕任男方揸又漏夜雙雙回馮盈盈當時的深水埗愛巢,不過二人蛇咬都唔認戀情堅稱大家是好朋友,早前馮盈盈同江嘉敏因一場「船P」而反目,在《後生仔》講及雙面人的一集,馮盈盈更與當時的男友兼主持鄭衍峰一唱一和,暗寸死敵江嘉敏:「自然有一日佢會為做過嘅事帶嚟惡果!」無論任何時候,鄭洐峰都出盡力力撐女友,不過有傳二人因事吵大鑊更驚動高層,盈盈最終斬情絲保前途。

文:東方新地 | 圖:TVB截圖、江嘉敏IG、新傳媒圖庫

馮盈盈堅拒將戀情浮面為導火線

馮盈盈與鄭洐峰拍拖無耐已被踢爆在深水埗築愛巢,新聞多多的盈盈,每次都獲鄭衍峰出力護花,二人地下情一直穩打穩紮更懶理高層愈戀愈高調,不過至去年尾二人再為是否公開戀情有拗撬,一向希望事業上揚的盈盈以照顧家人為由,決心搬離愛巢遷往將軍澳區千呎海景寓所,事後雖然未完全斷纜但女方已經有分手之念,有傳他們在電視城化妝間吵架被多人目擊,傳至高層耳邊,被急召照肺,最終盈盈決定狠斬情絲分手收場。

馮盈盈和鄭洐峰因合作主持《後生仔傾吓偈》而撻著。
馮盈盈和鄭洐峰因合作主持《後生仔傾吓偈》而撻著。
全電視城都知二人拍拖,但馮盈盈堅拒認愛又緋聞多多,有傳二人再為此事在電視城內吵大鑊而驚動高層。
全電視城都知二人拍拖,但馮盈盈堅拒認愛又緋聞多多,有傳二人再為此事在電視城內吵大鑊而驚動高層。
無綫兼邵氏高層樂易珍一向甚為睇好馮盈盈,亦給予不少機會,有指馮鄭在電視城吵架的消息傳到她耳邊即急召馮盈盈照肺。
無綫兼邵氏高層樂易珍一向甚為睇好馮盈盈,亦給予不少機會,有指馮鄭在電視城吵架的消息傳到她耳邊即急召馮盈盈照肺。

馮盈盈把鄭洐峰降呢為同事

對於被傳在電視城內吵大鑊致被無綫高層樂易玲照肺,馮盈盈回應報章時否認事件,稱應該當時是練習《後生仔傾吓偈》的講稿,而對於與鄭洐峰分手一事,她則笑住回應「哪來的分手?」更強調與鄭從來只是同事同朋友的關係,而鄭衍峰則謂二人從來都是朋友及拍檔,更大方為盈盈台慶頒獎禮視后提名拉票:「記得頒獎禮投票畀佢啦。」

被飛的鄭洐峰近日亦在社交網發放感言,借用周星馳電影《西遊記》系列的情深男主角「至尊寶」暗示大家曾經用情極深,希望下位不用成為孫悟空都懂得珍惜女主角紫霞仙子。
被飛的鄭洐峰近日亦在社交網發放感言,借用周星馳電影《西遊記》系列的情深男主角「至尊寶」暗示大家曾經用情極深,希望下位不用成為孫悟空都懂得珍惜女主角紫霞仙子。

分手前馮鄭節目齊暗寸「偽人」雙面人

早前一集《#後生仔傾吓偈》以雙面人做主題,馮盈盈同江嘉敏曾是好姊妹,但去年因一場「船P」而擘面,兩人由昔日閨蜜關係變成陌路人。馮盈盈趁機在節目中連珠炮發:「雙面人我就最清楚,對住你一個樣,對住其他人係另一個樣,仲會無形之間害到你好慘!」矛頭直指死敵江嘉敏。之後主持陸浩明要求大家寫低遇過點樣嘅雙面人,盈盈只簡單寫下「偽人」2字,再繼續閙爆雙面「偽人」:「有利益嘅時候就熱情,冇利益就好冷酷,自然有一日佢會為做過嘅事帶嚟惡果!」

馮盈盈節目中寫出曾遇過的雙面人是一位「偽人」。
馮盈盈節目中寫出曾遇過的雙面人是一位「偽人」。

 

馮盈盈孖男友一唱一和 暗寸江嘉敏「偽人」雙面人
馮盈盈同江嘉敏台慶互當透明「誓不兩立」。
馮盈盈孖男友一唱一和 暗寸江嘉敏「偽人」雙面人
此情不再。
馮盈盈孖男友一唱一和 暗寸江嘉敏「偽人」雙面人
該集《#後生仔傾吓偈》以雙面人做主題,馮盈盈即借題發揮。

澄清冇黐富二代

節目中馮盈盈透露曾聽過一句名言:「事事都批評嘅人,一定係自己有嗰種衰嘢嘅特質,例如話人哋貪錢,佢自己一定係貪錢。」醒目的盈盈男友兼主持鄭衍峰即接住問:「即係話你黐富二代嘅人,自己一定係想黐富二代?」盈盈亦順道澄清:「本身有咁嘅特質嘅人,先會特別提起,我從來都冇咁嘅諗法,反正我冇做呢樣嘢。」至於江嘉敏對於盈盈所講雙面人將來會承受自己種的惡果,她回覆傳媒時表示十分同意,稱:「講得好啱!」

馮盈盈孖男友一唱一和 暗寸江嘉敏「偽人」雙面人
馮盈盈與男友兼主持鄭衍峰一唱一和。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!