馮盈盈

馮盈盈再度語出驚人 節目中透露第一次約會有幾濕?!

《後生仔傾吓偈》大受觀眾歡迎,所以由當初星期二、四播,改為而家一至五都睇到。節目受歡迎就一定有原因,其中因為久唔久就會有馮盈盈貼地爆肚,中point之餘又夠哂抵死。最近,馮盈盈係節目到講「人生的第一次」,仲話初戀約會就「濕晒」,結果就被麥明詩醒目抽水!想知係點濕?一齊睇下喇!

撰文:東方新地|圖片:電視截圖

馮盈盈心跳回憶之第一次約會

《後生仔傾吓偈》搵嚟貼地爆肚達人馮盈盈,高智慧抽水王麥明詩,同埋要幫佢兩個兜嘅陸浩,呢個3人組真係配合得天衣無縫!最近,節目講關於「人生的第一次」嘅話題,而出哂名嘅爆肚王馮盈盈就喺節目中再次爆肚,講返第一次約會嘅情況!

首先,馮盈盈就個話題搶先話自己記得當年第一次嘅約會,聽到咁,好奇心極重嘅陸浩就緊係追住嚟問佢問題啦!

結果,馮盈盈爆響口話自己初戀係19歲,之後開始講番自己首次約會嘅情況,提到當時約會嘅時候都仲未係男朋友。

馮盈盈第一次約會「濕晒」

馮盈盈可能回憶緊第一次初戀約會嘅回憶,愈講就愈緊張,愈嚟愈就口窒窒咁,仲話約會當晚就一齊咗,然後就拖手,話自己睇落表面好似好平靜咁,但實際內裹就好緊張,所以勁多手汗!佢仲話:「到隻手啲汗已經滴緊落地下。點知要拖手喎,真係想死。」

馮盈盈話:「嗰陣已經係抹乾晒都繼續濕嘅程度,搞唔掂。」聽落咁都真係幾嚴重下。

濕完又乾,乾完又濕嘅馮盈盈,就繼續停唔到口咁繼續講落去自己對手有幾濕嘅情況。

麥明詩智慧抽水

聽到呢到,麥明詩終於忍唔住口要抽一抽佢水,講番句:「總之我聽到你係咁濕啦…」

被麥明詩乘機抽咗一下水嘅馮盈盈就緊係唔尷尬啦,繼續講:「濕晒,個地下都濕埋,點知佢拖完就話好濕,我話係呀,我掂到男仔手就會緊張。但係嗰刻佢好浪漫,話唔緊要無問題我鍾意。」