古巨基假fb feature

騙徒開假專頁專呃基仔粉絲錢 古巨基發文澄清呼籲小心

呢個世界真係有好多嘢都係假,先有騙徒扮范冰冰傳短訊畀人話要借$500用嚟還錢,最近就有人喺Facebook扮古巨基喇!

撰文:東方新地 |圖片: [email protected] Ku


騙徒開假專頁專呃基仔粉絲錢

歌手古巨基(基仔)噚日就喺網上發文指有人開咗個Facebook 用戶冒充佢:「今天收到朋友查問我是不是開了另一個FB account,發來的照片讓我笑了~我沒有讀過香港大學和香港中文大學,這個fb帳戶絕對不是我開的!查看該帳戶內容全都是把我的page轉發過去。嗯,特此想溫馨提示一下各位,以辨真偽。」有唔少網民都話中招!

騙徒

騙徒




過咗無幾耐,基仔又出Post,上載咗一張歌迷畀佢嘅截圖:「警告!!收到歌迷提供的cap圖,冒充我開Facebook account 的騙徒還以私信與我粉絲提出要求,叫我粉絲「代收包裹」,問我粉絲住址、姓名、電話號碼⋯⋯等。務請各位小心,以免被騙徒利用!!」


騙徒仲用中英文版本叫粉絲幫忙添!

不過眉精眼企嘅基仔同埋粉絲就緊係唔多信啦,一於齊齊舉報騙徒!



關鍵詞
古巨基