應采兒

驚變「孖膶腸」造型 應采兒:我也可以做梁朝偉!

應采兒日前在IG貼出一張「孖膶腸」自拍照,自嘲:「東成西就⋯⋯我也可以做梁朝偉。」剛巧早前佢同陳小春嘅囝囝Jasper在真人騷節目《爸爸去哪兒5》中食火龍果後嘅造型同樣都激似《東成西就》入面變成「孖潤腸」嘴嘅梁朝偉,被網民笑爆佢哋「有其子必有其母」!

撰文:東方新地

圖片:網上圖片

應采兒 母子撞「嘴」

應采兒上載上唇脹爆相,十足電影《東成西就》入面演中咗五毒散嘅「歐陽鋒」梁朝偉,引來網民眾多猜測,有人問佢係咪過敏、畀蜜蜂叮,定係畀老公陳小春啜腫咗個嘴?仲有網民笑佢個咀似王祖藍!不過更多粉絲留意到,Jasper之前上《爸爸去哪兒5》都曾經變成過「孖膶腸」嘴!當日Jasper喺節目中要完成採摘火龍果嘅任務,但一路摘佢一路偷食,結果食到成口紅色,令嘴唇驚變「孖膶腸」!

應采兒
應采兒自拍上唇脹爆相,自嘲變成《東成西就》入面嘅梁朝偉。
Jasper 應采兒
囝囝Jasper喺節目《爸爸去哪兒5》入面都曾經因為偷食火龍果,食到變成「孖膶腸」造型。
梁朝偉 應采兒
梁朝偉喺電影《東成西就》入面飾演歐陽鋒,因為中咗五毒散令嘴唇變成爆笑「孖潤腸」,造型經典。
應采兒 陳小春
陳小春和應采兒在2010年2月14日拉埋天窗,今年是兩人結婚八周年,日前佢哋就撇甩囝囝Jasper,拍拖遊迪士尼。
陳小春 應采兒
陳小春玩機動遊戲都keep住cool樣,應采兒就全程燦笑。
應采兒 Jasper
應采兒得閒仲同囝囝Jasper一齊玩瑜伽,咁勤力做運動,難怪身材keep得咁fit!