高海寧

高海寧做Gym逼爆Mon |誘人甫士呈現「男友視角」

高海寧(高Ling)向來有咪神稱號,佢早前表示自己會封胸唔sell性感,不過上圍驕人的高Ling,就算做個Gym都一樣咁噴血,近鏡時逼爆鏡頭,事業線若隱若現,網民都不禁高呼好澎湃!另外,高海寧最近與好友出遊時,亦不忙在網上大派福利,著上泳裝擺出誘人甫士,睇嚟擔心高Ling唔再性感,係多慮了!

撰文:東方新地|圖片:新傳媒、IG

高海寧做Gym引死人

夏天將至,女生又係時候努力keep fit!其中高海寧亦唔敢偷懶,日前佢上載自己做Gym的短片,片中可見到佢著上緊身V領低胸衫,內襯粉色運動Bra Top,表現一下努力得來的少少成果。上圍驕人的高Ling著住件咁窄的運動衫,企到咁埋個鏡頭度,除咗擔心佢抖唔到氣,網民都睇到抖唔到氣……

高Ling身材被網友形容為「太澎湃」。
高Ling若隱若現的事業線。

高海寧日練夜練 10kg啞鈴冇難度

素顏上鏡的高Ling指自己操練咗幾日,終於條腰返晒嚟,同時為咗上身整體線條更靚,即場舉起重達10KG的啞鈴,鍛鍊手臂和背脊肌肉。又指自己因為鍾意在夏天著露腰裝,所以要為馬甲線再加把勁咁話喎。點都好啦,網民們應該都無留心高Ling講咩,睇到眼定定~

高Ling舉起重達10KG的啞鈴。
幾經辛苦訓練下出現嘅馬甲線線條。

高海寧完美呈現「男友視角」

唔知係咪做完Gym有啲成果,高海寧日前同朋友去旅行,亦繼續喺IG派福利,相中見到佢著上黑色一件頭泳裝,難掩火辣D Cup身材。加上高Ling用手輕托眼鏡、露出嫵媚神情咁望住你,呢個「男友視角」,真係不得了!

各位網友們,咪神福利到。
高Ling外遊放鬆心情。

高海寧十年前選港姐

南京姑娘高海寧今年31歲,喺十年前參選2008年港姐競選,由於身材實在太突出,高Ling入圍不久已經備受關注,並被外間視為大熱。最後高Ling三甲不入 (三甲為張舒雅、陳倩揚及馬賽),不過隨即成為無綫旗下藝人,踏入娛樂圈。

「象鼻頂胸」超經典

既然身材係最大賣點,高海寧當然唔會吝嗇,次次見人都谷到盡,2009年時高Ling去泰國拍攝《美女廚房》特別版,著住低胸吊帶背心的高Ling被象鼻夾起,洶湧上圍即「奪衫而出」,非常誇張,堪稱經典!

高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」

高海寧出道後幾乎與「咪神」、「性感女神」劃上等號,無論出席活動、拍戲拍劇集還是綜藝節目都定必性感示人,大家亦清一色將焦點集中在其身材上。

高海寧:封胸有得有失

高海寧近年開始漸漸收起性感,佢希望大家唔好過份注重係佢身材上面而忽略佢演出嘅努力,雖然「封胸」導致佢少咗工作機會,但係佢就話唔介意有一段時間可能會失去一啲job或者角色,因為唔跨過,永遠都唔會有進一步嘅路、行得再遠啲。

雖然高海寧唔係話包到實晒,久唔久都輕輕晒身材,不過相比以前已經保守咗好多啦!

圈中出名孝順女

高海寧工作向來不錫身,毫不吝嗇大晒豐滿身材,難免令人有啲負面印象,但其實佢係圈中出名的孝順女、好家姐!高Ling永遠把家人放在首位,每逢大時大節都一定將時間留畀家人,聚埋一齊食飯,更不時於網上分享家庭照,非常孝順!

高Ling弟弟大學畢業,姊弟情深,不少人留言大讚兩人非常似樣!
高Ling弟弟大學畢業,姊弟情深,不少人留言大讚兩人非常似樣!

高Ling在娛樂圈打滾多年,一直願望儲夠錢買樓同家人同住,佢2015年時買入油塘一個新盤單位,去年終於由買家變業主,正式收樓,難怪與家人一起興奮晒V!

外婆是一生中最愛

高Ling時常惦念遠在南京的婆婆,就算要拍劇的時候都會趁空檔跟婆婆視像通話。放假時,更加會飛返去南京探婆婆,仲話見到婆婆的笑容就乜都值得!每次一談起外婆,高ling總顯得特別感性:「你陪我長大我陪你到老」,亦祝福婆婆健健康康,可以繼續陪著佢,這份跨越兩地的婆孫情實在教人感動。