魏駿傑離婚零收入曾想輕生 靠愛女救番:將隻脚踏返落嚟!
廣告
魏駿傑入行30年,日前接受港台主持車淑敏訪問談及他的人生低潮,經歷過離婚、睇心理醫生及一年半完全零收入,情緒受盡困擾,更萌生輕生念頭,幸好靠女兒救番自己。
文:東方新地 |圖:魏駿傑微博、車淑梅 Facebook、新傳媒圖庫

曾萌輕生念頭
「帶女洪郎」魏駿傑不經不覺已入行 30 年,經歷過無數人生高低起跌。日前魏駿傑接受港台節目《舊日的足跡》的車淑梅訪問,提及人生低潮時,曾有輕生念頭,他說:「2020 年係非常難過嘅一年,我要去睇心理醫生,離婚、封關,有一年半時間係零收入。我想過自殺,覺得好慘,我個女救番我,因當時我諗起佢唔可以冇咗我,將隻脚踏返落嚟。呢件事唔可以畀個女知,我喺佢面前日日都好開心,如果佢知會影響佢一世」。

承認不是好老公
對於離婚一事,魏駿傑指自己做足爸爸本份,承認不是滿分老公,跟前妻張利華離婚沒有誰對或錯,明白自己變得太離譜,只掛住女兒而忽略太太,他解釋說:「就當係啦,大家好落台。我係個好悶嘅老公,係一個110分嘅爸爸,30分嘅老公。有啲事情察覺到可以解決,但有時察覺唔到,發覺時已經冇咗」。回復單身,魏駿傑笑言曾公開招親,但遭愛女反對,說爸爸只可愛她一人。

