魯振順

魯振順360秒人生課堂|難忘亡母床邊餵食 經歷人生低潮曾因一事輕生

最新娛聞

《360秒人生課堂》今周來到最後兩集,內容將延長至45分鐘,嘉賓有人稱綠葉王的魯振順,他談及人生低潮,同時感激亡母無私付出及照顧,談及亡母一度激動落淚﹗

360秒人生課堂|魯振順有一個100分母親

魯振順中學畢業後堅持參加第8期TVB藝員訓練班,於1978年畢業後入行,先後於TVB及ATV演出。魯振順對已離世的母親、一直默默支持其追尋演員夢表達謝意:「阿爸唔贊成我參加訓練班,但阿媽冇理佢,佢只係叫我畀心機做好自己、爭番啖氣。嗰時實習要做甲乙丙丁、行行企企,根本冇得瞓冇得休息,咁一有得瞓就梗係死命咁瞓、乜都唔食啦,但我阿媽就坐喺床邊,用個匙羮將啲食物塞落我個嘴度話要食嘢,佢話:『唔食嘢冇營養會死架』。」

魯振順 魯振順在節目中談他口中「100分的母親」。
魯振順在節目中談及其口中「100分的母親」。(圖片來源:TVB)

魯振順遇上人生低潮曾輕生,失去至親的母親對他打擊很大,亦一度有「想跟埋媽媽一齊去咗算數」的念頭﹗去年魯振順遇到人生另一半,重遇四十一年前的女同學Julie,一撻即著更計劃結婚,黃婚戀開花結果﹗魯振順直言覺得未婚妻Julie是亡母的安排,是她派來照顧自己的天使﹗

魯振順 魯振順談及亡母,激動落淚﹗
魯振順談及亡母,激動落淚﹗(圖片來源:TVB)
魯振順 感激亡母無私付出及照顧的魯振順。
感激亡母無私付出及照顧的魯振順。(圖片來源:TVB)
魯振順 魯振順談及亡母,激動落淚﹗
魯振順談及亡母,激動落淚﹗(圖片來源:TVB)
魯振順 伯樂李添勝於螢光幕現身鼓勵﹗
伯樂李添勝於螢光幕現身鼓勵﹗(圖片來源:TVB)

重溫:63歲魯振順恨生B準備驗精 爆57歲未婚妻食中藥通經

63歲綠葉王魯振順,入行40多年演過無數角色,但從未提及感情生活,更曾被懷疑性取向,去年魯振順接受范振鋒、林子博的電台訪問時,在節目上自爆婚訊,並計劃在疫情後結婚,其後魯振順就帶同未婚妻Julie到深水埗一間老牌金行置辦嫁妝,同時魯振順更透露57歲的Julie正努力用中藥通經,而他自己亦會去驗精,為生B做足準備。

魯振順表示女友透過梁競徽母親取得自己電話,之後再聯絡,對方更曾整水餃畀佢食,一食傾心。
魯振順表示女友透過梁競徽母親取得自己電話,之後再聯絡,對方更曾整水餃畀佢食,一食傾心。

魯振順:希望佢可以再撻番著

魯振順指未婚妻Julie沒有其他親人,因此置辦嫁妝一事亦由他陪伴前往,兩人一邊買金器和鑽戒,一邊親密咀嘴,非常Sweet,魯振順更直言兩人都非常恨生B,因此他已準備去驗精,而57歲的Julie亦正在試用中藥調理身體,希望能成功通經,有得排卵生B。63歲的魯振順說漏了嘴爆了57歲未婚妻Julie已沒有排卵,故二人也希望經中醫調理後會可以「撻番著」,二人對生B都抱有希望,更指醫生都表示曾有成功個案,希望能順其自然成功懷孕。魯振順表示雖然恨做爸爸,不過最緊要大家身體健康,若然未能有小朋友,又可以四圍去旅行,不用負上照顧小朋友的責任。

魯振順 女友洋名Juli,兩人41年前已認識,如今總算再續未了緣。
魯振順之前陪未婚妻Julie去置辦嫁妝,除了買到成身金器外,仲即時睇中一隻72萬閃爆鑽戒。

魯振順重遇41年前女同學Julie 認定是亡母安排

魯振順去年在新城節目《BiLiBALA開大喇叭》訪問中,自爆重遇41年前一同參加歌星選拔賽時結識的女同學,63歲的魯振順透露女友比他年輕六年:「嗰時我哋有一齊上堂,不過因為我要兼顧訓練班,冇出席同學聚會,交流唔多,喺舊年8月女友睇完我啲訪問後,了解我多咗就主動搵番我﹗」2020年8月再聯絡,11月見面約會並已決定結婚。

魯振順話好相信緣份,又感到是過咗身的媽媽的安排,魯振順話:「2017年媽媽離開咗,我好唔開心,想跟埋佢一齊走,點知無耐女友就出現,女友都話可能係媽媽派佢嚟陪我,我第一次食女友包嘅餃子,我食咗一啖就喊,因為個味道同媽媽整嘅係一樣,個感覺特別warm,我會好好珍惜呢段情!」

魯振順透露一直渴望組織家庭,只是一直遇唔到心上人:「見到陳榮峻同吳香倫結婚,我就好嚮往,會諗唔知幾時到我,好感謝上天安排呢段黃昏戀畀我!」

魯振順指覺得女友是過身的媽媽派來的天使。
魯振順認定女友是亡母派來的天使。

魯振順曾割脈自殺

魯振順於TVB劇集《婚姻合伙人》中飾演貝競枝(高海寧飾)爸爸貝勒,因角色惹人討厭而引觀眾注目,然而,身為TVB綠葉王之一的魯振順入行至今捱足四十多年,但原來曾因一事疑割脈自殺!

魯振順 魯振順入行至今捱足四十多年。
魯振順入行至今捱足四十多年。

魯振順入行超過四十年,中學畢業後因自小已希望加入娛樂圈,故其後參加第8期TVB藝員訓練班,1978年畢業後入行,曾先後於TVB及ATV演出。多年來拍劇無數,總共拍過逾140套作品,產量相當高,可是一直只是TVB御用綠葉演員,未能一嘗主角滋味。

63歲魯振順驚爆婚訊 重遇41年同學譜黃昏戀 計劃大搞婚禮
魯振順入行逾四十年拍超過140部作品。

魯振順被金庸讚賞

講到魯振順最令人印象深刻的,相信一定是他所演的陰柔角色,不得不提1996年於《笑傲江湖》中飾演的東方不敗一角!由於他完美演活東方不敗空虛寂寞的陰陽性格,故曾被金庸讚賞:「筆下嘅東方不敗就係咁嘅一個人。」

63歲魯振順驚爆婚訊 重遇41年同學譜黃昏戀 計劃大搞婚禮
由於魯振順最令人印象深刻的都是一些陰柔角色,因此令他經常被人質疑性向。
63歲魯振順驚爆婚訊 重遇41年同學譜黃昏戀 計劃大搞婚禮
魯振順飾演的東方不敗曾獲得金庸讚賞。

除此以外,他亦演出過多個經典角色,例如《封神榜》的比干、《楚漢驕雄》的蕭何、《溏心風暴之家好月圓》的英律師、《巾幗梟雄之義海豪情》的蔡大鳳等,一一都令人記憶猶新。

63歲魯振順驚爆婚訊 重遇41年同學譜黃昏戀 計劃大搞婚禮
魯振順亦演出過多個經典角色。
63歲魯振順驚爆婚訊 重遇41年同學譜黃昏戀 計劃大搞婚禮
包括《溏心風暴之家好月圓》的英律師。

魯振順曾經歷過人生低潮

1985年因向拍拖七年的女友求婚被拒兼分手,分手後前度才透露曾為他墮胎,令他造成極大傷害,加上事業不順, 因感慨自己事業一直未有起色,一度情緒低落,更因長期睡眠不足下,令情緒更不穩的狀態下曾於卡拉OK廳後隨手拿起一塊破碎的滅火箱1吋厚玻璃,對著手腕割下去,事後更留下一條深深的刀痕。 雖然情路上受過傷害,但都會等適合的另一半出現,對愛仍有期望,終於他等到了!

63歲魯振順驚爆婚訊 重遇41年同學譜黃昏戀 計劃大搞婚禮
但現在魯振順已跨過了人生低潮。

對此,魯振順曾表示:「當時我接一個得5集嘅劇,拍咗足足2個月咁耐,我好唔開心。到我拍完最後煞科戲去食飯,點知一個電話打來,叫我第二朝開『零六』,補拍一個鏡頭!我就捉住別人去飲酒飲到喊,又喊又唔畀人走。人哋講返我把聲又突然變得好粗豪,去完廁所嘔,就打爛滅火器塊玻璃,喺電梯度割脈,不斷重複呢個動作,血標到四圍都係!我當時根本唔係一個人,我都唔記得自己做過呢件事。後來我被送去醫院,原來我已經割到見埋骨,9條筋斷咗要駁番佢⋯⋯」

事後,他開始信奉佛教,明白人生不如意事無需過份放大,對事情不要過於計較及執著。因此,魯振順亦不再不計較自己只做配角。另外,曾接受正統聲樂訓練的他認為自己可以閒時出show唱唱歌已經很滿足。

63歲魯振順驚爆婚訊 重遇41年同學譜黃昏戀 計劃大搞婚禮
曾接受正統聲樂訓練的魯振順,認為自己閒時可以出show唱唱歌已經很滿足。

63歲魯振順驚爆婚訊 重遇41年同學譜黃昏戀 計劃大搞婚禮

常見問題

魯振順當年因何事而輕生?

魯振順初入行時曾遇到人生低潮,當時曾因母親而想過輕生⋯⋯詳情請看

魯振順與未婚妻是母親安排的嗎?

魯振順未婚妻是41年前的女同學,他直覺這段緣份是⋯⋯詳情請看

撰文:東方新地圖片來源:微博@魯振順

讀者留言