17歲初戀過中秋節 麥明詩：打足一晚茄輪

麥明詩17歲初戀 中秋節打足一晚茄輪

當晚節目以中秋節做話題，麥明詩憶述初戀往事：「記得初戀拍拖係七月幾嘅時候，當時17歲幾，咁我哋過嘅第一個比較浪漫嘅節日就係中秋節，當日去咗公園度點蠟燭，但最後成晚都係打茄輪。」

在旁的陸浩明（6號）似乎覺得有啲驚訝，就問：「咁你媽咪知唔知？」反而馮盈盈食住月餅，淡淡然地話：「好正常啫，唔係唔知呀。」

麥明詩笑話：「當晚同屋企人食完飯先出去，我媽咪仲問我使唔使着靚啲，當晚我記得仲錫到好多人睥住我哋，因為嗰度好多人點蠟燭，好光呀！」

馮盈盈繼續性博士上身

最新一集《後生仔傾下計》就繼續探討「AV成人影片」話題，馮盈盈依然「性博士」上身，當一眾後生仔講到伴侶性慾較強該如何解決，馮盈盈即以食飯作比喻，即話如果對方食完唔夠飽，就畀佢自行解決！

隨即就有後生仔提出，此舉咪相等於畀機會對方出外偷食，但「性博士」就立馬否認，並解釋指若然對方明明食得唔夠飽，但仍然會選擇自行填肚，都唔搵其他廚師，咁就係對方愛自己嘅表現。

講到七情上面之餘，仲言之鑿鑿咁，唔通馮盈盈自己都親身經歷過另一半食唔飽嘅情況？

之後，陸浩就問馮盈盈，若然男友手赲，想睇烹飪片，但唔睇佢反而睇蒼井空咁有冇問題，馮盈盈相當大方話冇問題！

連AV專家馮盈盈都覺得蒼井空好吸引，語氣非常敬佩，並以老師專稱蒼井空，話唔定盈盈都係蒼井老師嘅「學生」，跟老師學習過。

唔少網民就討論究竟馮盈盈係開廠前做足功課，定係平日真係有睇開，皆因佢數出唔少AV片種！

馮盈盈自爆似AV女優

重點係佢仲自認自己似AV女優桃谷繪里香，當陸浩話唔識嘅時候，佢仲大聲叫啊陸上網搵吓！

馮盈盈自爆係神級AV專家

近日，節目講關於「AV成人影片」嘅話題，而出哂名爆肚王馮盈盈就喺節目中再次爆肚，提到AV初體驗！首先，陸浩問到現場多位認為睇AV是否有好處時，馮盈盈率先表示讚成，之後仲好似專家上身般，分析不同作品種類，非常專業！

馮盈盈形容睇AV似打網球

其後，馮盈盈提到「有啲係時間停止，兩個人就會疊埋一齊」，之後又以「跨種族的愛、多元種族融合」去形容AV，幾美好！佢更形容睇AV似網球，因會發出「啪啪啪」聲。

馮盈盈行事小心

提到講到AV初體驗，馮盈盈表示自己曾經試過下載台劇，但點知一開係AV，搞到寶貴嘅第一次就咁無咗。其後，佢仲話：「要收埋自己的瀏覽記錄，或者揀線上瀏覽，唔好下載，因為下載咗好易有記錄。」做事果然夠小心！

之後馮盈盈反教六號下載攔截廣告app，同場有KOL表示有個app可以將所有下載作品存起來，並需要密碼才可以開啟。

馮盈盈聽到呢到，就即刻表示知道，仲話「啊！play得好安全。」馮盈盈真係非一般咁了解！

馮盈盈心跳回憶之第一次約會

《後生仔傾吓偈》搵嚟貼地爆肚達人馮盈盈，高智慧抽水王麥明詩，同埋要幫佢兩個兜嘅陸浩，呢個3人組真係配合得天衣無縫！有次，節目講關於「人生的第一次」嘅話題，而出哂名嘅爆肚王馮盈盈就喺節目中再次爆肚，講返第一次約會嘅情況！

首先，馮盈盈就個話題搶先話自己記得當年第一次嘅約會，聽到咁，好奇心極重嘅陸浩就緊係追住嚟問佢問題啦！

結果，馮盈盈爆響口話自己初戀係19歲，之後開始講番自己首次約會嘅情況，提到當時約會嘅時候都仲未係男朋友。

馮盈盈第一次約會「濕晒」

馮盈盈可能回憶緊第一次初戀約會嘅回憶，愈講就愈緊張，愈嚟愈就口窒窒咁，仲話約會當晚就一齊咗，然後就拖手，話自己睇落表面好似好平靜咁，但實際內裹就好緊張，所以勁多手汗！佢仲話：「到隻手啲汗已經滴緊落地下。點知要拖手喎，真係想死。」

馮盈盈話：「嗰陣已經係抹乾晒都繼續濕嘅程度，搞唔掂。」聽落咁都真係幾嚴重下。

濕完又乾，乾完又濕嘅馮盈盈，就繼續停唔到口咁繼續講落去自己對手有幾濕嘅情況。

麥明詩智慧抽水

聽到呢到，麥明詩終於忍唔住口要抽一抽佢水，講番句：「總之我聽到你係咁濕啦…」

被麥明詩乘機抽咗一下水嘅馮盈盈就緊係唔尷尬啦，繼續講：「濕晒，個地下都濕埋，點知佢拖完就話好濕，我話係呀，我掂到男仔手就會緊張。但係嗰刻佢好浪漫，話唔緊要無問題我鍾意。」

麥明詩：「美女廚房，一定好爽」

有馮盈盈嘅地方似乎有啲黃色！話說日前麥明詩為《美女廚房》拍攝宣傳片，事後上載合照，馮盈盈喺呢個moment又再語出驚人，大玩性暗示！

早前一眾靚女包括麥明詩、陳凱琳、高海寧為新一輯《美女廚房》拍攝宣傳片，事後麥明詩喺社交網分享一張與陳凱琳、蔡思貝的合照，見到三人分別拎住茄子、雜莓以及菠蘿，笑到鬼咁甜，真係好期待佢哋喺節目展露廚藝！學麥明詩句留言話齋，「美女廚房，一定好爽」

馮盈盈玩性暗示？

呢個時候，麥明詩喺《#後生仔傾吓偈》的拍檔、另一位港姐冠軍馮盈盈又語出驚人，喺麥明詩張相留言「一定爽啦」，之後隔離要加條茄子同奸笑的Emoji，究竟…佢想講咩呢？小編雖然唔係好明白，不過就好多網民留言話盈盈玩性暗示，繼續貫徹佢大膽又貼地的作風～

茄子的疑惑

馮盈盈呢個神留言為佢帶來778個like，唔少網民都留言話「笑咗」，或者指盈盈講衰嘢，連陸浩明都有回應！究竟茄子有咩咁爽呢？咁就要問盈盈先知啦！