麥雅緻

麥雅緻囡囡搞4歲生日會 笑自己個女做肥美公主

上年10月,藝人麥雅緻(Angie)為老公張頴康生咗個仔,令囡囡張雅喬「小豆」榮升做家姐!話咁快,噚日就係小豆嘅4歲生日,嗲啲媽咪就為愛女大搞生日派對,媽咪麥雅緻更笑指乖女係肥美公主,認真搞笑!

撰文:東方新地|圖片:麥雅緻instagram

麥雅緻兩公婆同囡囡搞生日會

近日係藝人麥雅緻囡囡張雅喬「小豆」嘅4歲生日,兩公婆就同小豆大搞咁個生日party,而壽星女就化身成公主出席自己嘅生日會,點知一到生日場地小豆就被媽咪取笑,話肥美公主出場,認真笑死!

麥雅緻一家四口齊合照

喺小豆嘅生日會中,就緊係唔少得要同嗲哋媽咪一齊影相啦~望落小豆其實都好cute cute,肥肥地有啲肉地咁,幾得意~而家姐生日會又點少咗細佬張迅橋 (小花生)嘅出現,喺一家四口嘅相中可見,小花生個樣同家姐都幾似樣!

公主王子都有齊

麥雅緻更留言:「張雅喬 小豆4歲生日會完滿結束!今年成功幫小豆變身灰姑娘,當然亦唔少得佢個王子!(在此感謝Jeraci 媽媽幫我DIY咗一件勁正的王子衫)多謝各好朋友,同學仔嘅參與,亦多謝你地在page每一位嘅留言祝福,多謝每位大朋友小朋友 伴著我們這一家 成長!」

原來生日會上更有兩個以迪士尼公主為主題嘅蛋糕,認真有心思!

難得有兩個咁靚嘅生日蛋糕,就一於影相影盡佢!

放鬆啲,肥美公主~

麥雅緻整囡囡成長連環圖

而細心嘅麥雅緻更為囡囡整咗張小豆成長連環圖,一張相有齊小豆1至4歲生日時影嘅相,睇到囡囡每年健康成長嘅變化,相信係父母最開心見到嘅~