黃天頤

C君太太「港台之花」黃天頤告別港台節目《Gimme 5》 進入倒數階段

組合農夫成員C君和DJ太太黃天頤在圈中一向恩愛,黃天頤大學畢業後就投身香港電台工作,更被稱為「港台之花」,但最近黃天頤在工作上遇到突變,由黃天頤、丘國盛及方梓豪主持香港電台第二台節目《Gimme 5》,該節目推出至今13年,現在倒數最後兩星期,10月16日將會是《Gimme 5》最後一集,由於港台節目調動關係,到時3位主持人將會各自發展。

文:東方新地 圖:黃天頤IG

節目進入倒數階段 黃天頤在自己社交平台分享心情感受

節目《Gimme 5》逢星期一至五黃昏5時至7時在港台播出,節目有多元化話題,由07年至今推出了13年,其間換過不少主持人,只有黃天頤是五代主持人,不過日前黃天頤在社交平台發文宣布即將告別港台《Gimme 5》,她感言:「分手嘅說話,點講都好似唔能夠完美。今日節目中用咗爛分手作引旨,正式宣佈《Gimme 5》倒數兩星期就會完成佢嘅歷史任務。」

C君和黃天頤生活恩愛。
C君和黃天頤生活恩愛。
社交媒體分享心情感受《戀舊的,大概都算是拾荒的人,希望拾回歲月的餘溫。》
社交媒體分享心情感受《戀舊的,大概都算是拾荒的人,希望拾回歲月的餘溫。》

談及離開原因「我比任何一個人都不捨」

至於為何會離開,黃天頤則有暗示:「作為一個經歷五代嘅主持人,我比任何一個人都不捨,亦都曾經爭取過呢個組合可否原封不動。可惜,阿公有更重要嘅任務要交俾唔同嘅主持人。」指拍檔丘國盛、方梓豪及她自己將會有新挑戰,字裡行間依依不捨。

黃天頤正式宣佈Gimme 5倒數兩星期就會完成佢嘅歷史任務。
黃天頤正式宣佈Gimme 5倒數兩星期就會完成佢嘅歷史任務。
黃天頤宣布節目即將告終,粉絲均表示不捨之情。
黃天頤宣布節目即將告終,粉絲均表示不捨之情。
更有長年捧場客祝福天頤未來的工作更出色。
更有長年捧場客祝福天頤未來的工作更出色。

結婚就快一周年C君自爆「受黃子華感召決定結婚」

農夫成員鄭詩君(C君)同拍拖五年嘅DJ女友黃天頤於去年12月拉埋天窗,出名人緣好嘅C君出動星級兄弟團包括拍檔陸永、蕭正楠、黃翠如夫婦、洪永城等接新娘,而唐詩詠則客串出任大妗姐。C君喺接新娘時發表「愛的誓言」,更大大聲立誓:「做唔到就天打雷劈!」

C 君按照傳統習俗,著上中式馬褂接新娘。
C 君按照傳統習俗,著上中式馬褂接新娘。

陸永:二人最襯係身高

一對新人當時於四季酒店筵開21席宴請親朋,現場布置有龍鳳刺繡,C君更邀得日本書法家題「幸運」二字作佈景板。圈中唔少紅星好友包括:黃子華、鄭裕玲、容祖兒、蔡卓妍、 謝安琪、張繼聰等均有到賀,當中喜宴稀客子華同Do姐更被安排坐埋 一齊,旋成為集郵對象全晚影唔停!期間一對新人聯同兄弟團現身受訪,陸永爆料:「佢哋真係襯,特別係身高,佢哋識咗20幾年,C君好細個就暗戀佢。」

C 君引用最喜愛劇集《Friends》一句對白冧老婆:「黃天頤,點解我要同你結婚呢,因為『You make me happier than I ever thought I could be 』,I love you 。」
C 君引用最喜愛劇集《Friends》一句對白冧老婆:「黃天頤,點解我要同你結婚呢,因為『You make me happier than I ever thought I could be 』,I love you 。」
天頤掟花球,單身大妗姐唐詩詠都有去搶,期望快啲搵到個好歸宿。
天頤掟花球,單身大妗姐唐詩詠都有去搶,期望快啲搵到個好歸宿。

C君自爆受子華感召結婚

C君鬼馬話係明戀:「單戀咗十幾年終於可以拍拖唔通諗分手咩,梗想開花結果。黃子華曾經喺棟篤笑中講過搵到好相處嘅伴侶,諗到佢係唔會為你帶來唔開心,咁有智慧嘅人都咁講梗係要結婚。」C君話佢個「愛的誓言」,亦係參考黃子華棟篤笑嘅內容而寫!至於老婆黃天頤就話兩個人相處間中亦有嗌交,反而今次籌備婚禮時就完全冇,好神奇!兩公婆打算先休息幾日抖下,下年先至去度蜜月喎。

Do姐喺IG上載佢同《男親女愛》舊拍檔子華,真夫妻蕭 正楠、黃翠如,仲有舊情人洪永城、唐詩詠「 3pair人」 嘅合照。
Do姐喺IG上載佢同《男親女愛》舊拍檔子華,真夫妻蕭 正楠、黃翠如,仲有舊情人洪永城、唐詩詠「 3pair人」 嘅合照。
祖兒孖好姊妹阿 Sa 盛裝到賀。
祖兒孖好姊妹阿 Sa 盛裝到賀。
謝安琪同老公張繼聰刻意前後腳入場。
謝安琪同老公張繼聰刻意前後腳入場。