黃子華

撇女友慶母親節 鬼馬黃子華紅酒隊阿媽

最新娛聞

廣告

創作代表香港精神的子華神(黃子華),18年完成26場 《金盆𠺘口》棟篤笑收咪作後,繼續過其隱世生活,令唔少支 持者感到失落,不過才子終歸係才子,點可能長期畀個腦休息。子華神自導自演開戲《乜代宗師》後,又籌備開拍《楝篤神探》電影版。雖然計劃多多,不過侍母至孝的子華神,即使再忙亦唔會忽略媽咪,之前因為媽咪身體不適,令孝順仔子華非常擔心,撲去陪阿媽睇急症睇足四個鐘,貼身照顧周到。母親節當然會陪媽咪。年前的母親節,子華就撇甩女友,訂定酒樓貴賓房,帶備紅酒陪精神奕奕出關的阿媽隊酒慶祝,子華神孝順一面盡在眼前。

更多:黃子華踢走鄭嘉穎成新一代Foodpanda男神

撰文:東方新地 |圖片:新傳媒圖片

黃子華侍母至孝

黃子華自小父母離異隨阿媽改嫁生活,對生父認知不多,亦得不到繼父關心,除了胞妹,跟三個同母異父弟妹亦因年齡差距極少溝通,但反而造就 子華同阿媽感情深厚,侍母至孝的他,就算同女友同居過二人世界,亦會爭取時間陪阿媽。據知情者透露:「雖然喺破碎家庭成長,但阿媽好用心湊大佢,子華同阿媽一路都好多嘢傾,感情非常之好,本身子華性格內向,生活又隱世,一創作就天昏地暗唔出街,不過點忙都好,子華每個禮拜,一定抽時間去陪阿媽傾偈,非常孝順。」

黃子華
未有疫情前,子華年年同母慶祝母親節,=黃子華唔怕人多揀正日同阿媽慶祝母親節,不過就貫徹低調作風戴帽戴口罩戴埋眼鏡包到冚出入,真係子華神喺身邊行過,可能你都未必察覺到!

黃子華攞住四支紅酒趕住搭𨋢上西苑酒家會合媽咪吃飯,有備而來相信是要同媽咪隊酒飲個痛快。

10分鐘車程探母

13年底黃子華一掟2,438萬購入北角雲峰大廈,作為同剛拍拖不久女友 「翻版范曉萱」的新愛巢,新居裝修近一年入伙,搬往港島區的他,亦安排阿 媽搬過對面海住方便照顧。據知情人士透露:「之前子華住喺何文田,阿媽都住九龍區,直至同依家個女友拍拖之後搬咗去北角,佢都安排阿媽住番近自己,始終媽咪年紀開始大,佢唔太放心老人家,雖然話有工人姐姐照顧 啫,但子華一得閒就會去探媽咪,子華媽亦好倚賴個仔,依家過去探阿媽都 係10分鐘車程,有咩事老人家搵起佢上嚟,揸車過去都好快!」年前本刊就拍到子華放下「神級」身段,同阿媽去東區醫院睇急症,就算要輪候四粒鐘先見到醫生,一樣毫無怨言,孝順唔係得把聲,確實付諸行動。

黃子華跟拍拖多年「翻版范曉萱」女友感情穩定,不過當晚慶祝母親節,就未見女友陪同出席。

撇女友慶母親節 鬼馬黃子華紅酒隊阿媽

對感情事一向 低調的子華,曾罕有帶同「翻版范曉萱」女友出席劉青雲生日會,女友早已融入他的朋友 圈子,唔知幾時會賜埋女友一個「黃太」名份呢!

講到手舞足蹈

當日,子華神就撇甩「翻版范曉萱」女友,陪阿媽過母親節,當晚約七時許,子華駕著Audi座駕到達銅鑼灣,泊低車後,戴帽戴口罩仲加副眼鏡包到冚的子華,抽住大袋紅酒趕上酒樓會合阿媽及親友吃飯,台上搞笑能耐十足 的他,陪家人飯局亦口若懸河,更不時加埋身體語言講到手舞足蹈,鬼馬性格盡 現,一餐飯吃足三個幾鐘非常盡興。據知情者透露:「之前媽咪身體唔舒服,子華都要媽咪戒酒,但話晒慶祝母親節,依家媽咪身體好番,佢知道媽咪鍾意飲紅 酒,都專登帶咗幾支去同媽咪一齊飲,平日性格兩極嘅佢,對住媽咪冇壓力好放 鬆,全晚好多嘢講,又不停同阿媽隊酒,氹得阿媽眉開眼笑!」

孝順仔陪過母親節,當晚黃母盛裝打扮穿著花花旗袍充滿貴氣現身,睇嚟真係好重視同阿仔的飯局聚會。

撇女友慶母親節 鬼馬黃子華紅酒隊阿媽

為免畀人騷擾,子華book咗西苑貴賓房同媽 咪閂埋門慶祝,同家人飯局表現輕鬆的他,全晚講唔停,還鬼馬隊阿媽飲紅酒。

改變婚姻觀念

11年同拍拖九年化妝師女友溫安妮分手,子華一度因情傷消瘦落晒形,直至認識現任女友「翻版范曉萱」,受對方爽朗性格影響變得開朗唔再執著,蜜運多年兩人感情穩定早已見晒家長,「翻版范曉萱」女友更深得準奶奶歡心,令子華近期開放婚姻態度有意成家。據知情者透露:「子華同依家女友真係好夾,佢哋唔單止興趣相似,女友仲好了解子華脾性,知道男友一做嘢就會收埋自己,一 定唔會打擾男友,只會默默喺背後支持,細心照顧好男友起居飲食,令子華感覺 好輕鬆又冇壓力,加上身邊唔少朋友都結咗婚生埋仔,子華唔多唔少受感染,對婚姻睇法改變咗,而且媽咪年事已高恨抱孫,子華做咗蘇康囝囝Jazz契爺之 後,佢成日湊住契仔唔願放手,對生B已經唔再抗拒,都想圓媽咪抱孫心願!」

如果子華神真係肯生個「子華仔」,將其神級創作才華傳承下去,相信唔單止黃媽媽開心,子華支持者肯定拍手叫好!

撇女友慶母親節 鬼馬黃子華紅酒隊阿媽

飯後離開時,已經唔見子華之前帶來的四支紅酒,睇嚟當晚一家 人飯敍確實飲得非常盡興,年事已高的黃母更撐住拐杖由男親友 扶住行。

撇女友慶母親節 鬼馬黃子華紅酒隊阿媽

餐飯吃了三個幾鐘,眾人再散步回家,期間更企喺路口傾個不停。

收咪留時間陪家人

每次埋首創作即天昏地暗的子華神,18年完成 26 場《金盆𠺘口》棟篤笑收 咪作後,開始過住半退休生活,刻意留更多時間陪女友及媽咪。

撇女友慶母親節 鬼馬黃子華紅酒隊阿媽

雖然撇甩女友陪阿媽過母親節,不過孝順仔子華又唔係食完飯即 撇,還跟同大隊行返母親位於銅鑼灣寓所,陪多阿媽一陣先離開。

撇女友慶母親節 鬼馬黃子華紅酒隊阿媽

拍拖五年女友等入門

60歲黃子華情路崎嶇,先後幾段戀情都未能開花結果,直至遇上現任女友「翻版范曉 萱」,兩人無論性格喜好都夾都痺,不婚主義的子華更因女友改變婚姻觀念,有意成家,加 上阿媽恨抱孫,子華亦唔再抗拒生B,早已在北角築愛巢御准女友入門。

撇女友慶母親節 鬼馬黃子華紅酒隊阿媽

陪阿媽睇急症

侍母至孝的子華,之前曾陪阿媽去東區醫院睇急症,先細心幫阿媽 去登記處辦手續,再陪等四個鐘先見醫生,照顧阿媽無微不至。

撇女友慶母親節 鬼馬黃子華紅酒隊阿媽

撐好友

收咪後的子華深居簡出,早前 就力撐好友蘇永康出席其演唱 會記者會。 撇女友慶母親節 鬼馬黃子華紅酒隊阿媽

蘇永康不單是鄰居兼 好友,子華更是對方兒 子Jazz的契爺。

撇女友慶母親節 鬼馬黃子華紅酒隊阿媽

繼自導自演《棟篤特工》成為賀歲片票房冠軍後,子華神再出擊將開拍喜劇電影《乜代宗師》,其後再演出《神秘寶藏》,並籌備拍攝電影版《棟篤神探》,演出還有吳鎮宇及蔣志光。

撇女友慶母親節 鬼馬黃子華紅酒隊阿媽

拖狗行山操fit

生活隱世的子華注重健康, 60歲仍keep 住鋼條身形,原來靠不時拖狗行山操 fit 自己。

撇女友慶母親節 鬼馬黃子華紅酒隊阿媽

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!