黃德斌

逐流時代|黃德斌激咀麥明詩只屬小兒科 30年前曾床戰「愛美神」陳寶蓮

最新娛聞

廣告

由亞視OTT平台「亞洲心動娛樂」製作的自家劇《逐流時代》已於日前啟播,除了比堅尼上陣的麥明詩成功製造出不少話題之外,她與黃德斌的激咀戲同樣受到關注。但其實入行超過30年嘅黃德斌對拍攝激咀戲可以話係經驗豐富,連三級片都一樣駕馭得到!即重溫黃德斌歷年拍戲艷福!

黃德斌 見到三點式嘅麥明詩,麥子樂即牛咁眼
見到三點式嘅麥明詩,麥子樂即牛咁眼。(圖片來源:《逐流時代》截圖)

《逐流時代》黃德斌激咀麥明詩成焦點

亞視嘅OTT平台推出自家劇《逐流時代》已於日前播出,唔少觀眾認為呢集最有睇頭嘅係麥明詩著比堅尼上水,睇到麥子樂眼都唔眨,勁誇張。麥明詩仲喺社交網 hashtag咗麥子樂:「有人成世未見過女人」。咁麥子樂要跟黃德斌學吓嘢喇!事關黃德斌日前出席宣傳活動,提起喺同劇激咀麥明詩,佢係話全完冇壓力,果然見慣世面!入行逾30年,同咁多女演員合作過,原來真拍過唔少激情戲。

黃德斌 觀眾對於麥明詩同黃德斌咀嘴戲相當期待
觀眾對於麥明詩同黃德斌咀嘴戲相當期待(圖片來源:《逐流時代》截圖)
黃德斌 佢哋唔計年紀,喺劇中都幾襯
佢哋唔計年紀,喺劇中都幾襯。(圖片來源:《逐流時代》截圖)

盤點黃德斌拍過嘅激情戲

1)無綫《婚姻合伙人》黃德斌連咀兩女

黃德斌喺《婚姻合伙人》飾演霸氣總裁邢呇,同俏護士湯洛雯互生情愫,媾女媾到極致嘅黃德斌仲頻頻使出冧招,喺湯洛雯反表白嗰集,兩人喺更衣室情不自禁激咀,足足十秒嘅咀嘴戲,仲成為咗當時湯洛雯入行以嚟最激嘅戲,劇集出街嗰陣,湯洛雯仲話唔好意思叫父母睇,成為觀眾茶餘飯後嘅話題。

黃德斌 雖然富豪病人愛上俏護士好老土,但個富豪係型男又唔同講法
雖然富豪病人愛上俏護士好老土,但個富豪係型男又唔同講法(圖片來源:《婚姻合伙人》截圖)
黃德斌 拍咀戲,情緒培養好緊要
拍咀戲,情緒培養好緊要 (圖片來源:《婚姻合伙人》截圖)

黃德斌先咀湯洛雯,後啜高海寧

黃德斌喺《婚姻合伙人》相當有艷福,除咗咀過湯洛雯,仲有場泳池中激吻高海寧嘅戲,高海寧嗰陣坦言以前拍咀戲會怕醜臉紅,搞到頻頻NG,嗰次就被導演點醒咗,一Take過就完成,可想而知幾瞓身幾投入。

黃德斌 黃德斌拍《婚姻合伙人》相當有艷福
黃德斌拍《婚姻合伙人》相當有艷福(圖片來源:《婚姻合伙人》截圖)
黃德斌 高海寧話拍呢場戲冇NG,唔知有冇少少關對手係黃德斌事呢?
高海寧話拍呢場戲冇NG,唔知有冇少少關對手係黃德斌事呢?(圖片來源:《婚姻合伙人》截圖)

2)無綫《珠光寶氣》黃德斌床戰邵美琪

《珠光寶氣》話晒係豪門恩怨劇,角色人物關係一定好複雜,劇中飾演同性戀嘅黃德斌實質就暗戀好友兼拍檔林保怡,之後又同情敵邵美琪假結婚。其中有一場戲,講邵美琪借醉生擒黃德斌,由酒吧色誘到上房,但黃德斌就十分唔情願,係咁推開對方,不過又攬又錫,氣氛相當火辣。

黃德斌 事實上黃德斌情傾林保怡。
事實上黃德斌情傾林保怡。(圖片來源:《珠光寶氣》截圖)
黃德斌 邵美琪借醉撩黃德斌
邵美琪借醉撩黃德斌(圖片來源:《珠光寶氣》截圖)
黃德斌
(圖片來源: 《珠光寶氣》截圖)

3)無綫《心戰》黃德斌激吻簡慕華

曾經被觀眾評為神劇嘅《心戰》,簡慕華同黃德斌都係飾演陳豪嘅心魔,造型相當搶鏡,德斌嘅《 V煞》look迷死一班叔叔控妹妹。而簡慕華係代表住陳豪嘅「慾望」,所以有唔少大膽演出,好在簡慕華同黃德斌私下好熟,所以拍咀戲當日都唔會尷尬。

黃德斌 簡慕華同黃德斌多次合作,默契十足
簡慕華同黃德斌多次合作,默契十足(圖片來源:《心戰》截圖)
黃德斌 黃德斌造型非常有特色
黃德斌造型非常有特色(圖片來源:《心戰》截圖)

4)張敬軒《俏郎君》MV激戰半祼周家怡

張敬軒嘅MV向來都拍得好有心思,黃德斌同周家怡喺《俏郎君》中飾演一對遇上奪命車禍嘅夫妻,故事係想表達經歷過生死關頭後,互相扶持就可白頭到老。既然係咁,點少得「夫妻生活」嘅劇情,兩人唔止有激情床戲,周家怡仲半裸演出,非常敬業。

黃德斌 黃德斌和周家怡飾演共渡難關嘅一對
黃德斌和周家怡飾演共渡難關嘅一對(圖片來源:《俏郎君》截圖)
黃德斌 好有故事性嘅一個MV,拍攝非常認真
好有故事性嘅一個MV,拍攝非常認真(圖片來源:《俏郎君》截圖)
黃德斌
(圖片來源:《俏郎君》截圖)
黃德斌 唔講以為拍緊戲,周家怡為MV性感演出
唔講以為拍緊戲,周家怡為MV性感演出(圖片來源:《俏郎君》截圖)

5)電影《聊齋艷譚三燈草和尚》肉搏陳寶蓮

黃德斌入行無耐為生計,喺三級片盛行嘅市場環境下,佢亦接拍咗《聊齋艷譚三燈草和尚》,同對手肉搏連場。故事主要係講黃德斌因為愛上畫中嘅陳寶蓮,所以搵和尚施法抱得美人歸,票房近千萬;而另一套情慾戲《滿清十大酷刑》都有佢份。之不過,黃德斌喺拍完三級片之後竟收到無綫嘅大信封,仲導致情緒壓抑,黃德斌後來耗不少心力同時間先走出抑鬱。

黃德斌 當年黃德斌仲好青靚白淨
當年黃德斌仲好青靚白淨(圖片來源:《聊齋艷譚三燈草和尚》截圖)
黃德斌 話明係愛情動作片,除咗有動作場面,點都要有啲談情戲
話明係愛情動作片,除咗有動作場面,點都要有啲談情戲(圖片來源:《聊齋艷譚三燈草和尚》截圖)

6)《大叔的愛》黃德斌強吻Edan

最後不得不提去年紅到返日本嘅ViuTV《大叔的愛》,劇中黃德斌由暗戀到明戀呂爵安,甚至與結婚多年嘅簡慕華離婚,最後無奈讓愛畀盧瀚霆。黃德斌反串man爆形象,佢對呂爵安想入非非嘅愛慕之情仲變得好有喜感,角色深受歡迎。

黃德斌
(圖片來源:《大叔的愛》截圖)
黃德斌 雖然只係錫面,冇咀嘴,但都睇到觀眾嘩嘩聲
雖然只係錫面,冇咀嘴,但都睇到觀眾嘩嘩聲!(圖片來源:《大叔的愛》)

常見問題

《逐流時代》黃德斌對與麥明詩的激咀戲有何感受?

黃德斌入行逾30年,以往演出過更多⋯⋯詳情請看

黃德斌曾與那些性感女星合作親熱戲?

不得不提黃德斌於《婚姻合伙人》中連咀兩女⋯⋯詳情請看

撰文:東方新地圖片來源:《大叔的愛》截圖,《逐流時代》截圖,《珠光寶氣》,《婚姻合伙人》截圖,《心戰》截圖,《俏郎君》截圖,《聊齋艷譚三燈草和尚》截圖資料或影片來源:[email protected]《俏郎君》MV

讀者留言