黃心穎

黃父跌傷手尾長!恨嫁黃心穎 焗馬國明求婚

地下情漸漸浮上水面,黃心穎同馬國明的兩年戀情上周再長驅進入大直路:馬明陪住女友飛去墨爾本見證黃家第三位千金出嫁,正式融入家中落實自己人身份。據知情人士 透露,除咗捉埋男友出席家族喜事,此行心穎最大目的都係利用現場氣氛同群眾壓力,逼馬明早日求婚行動。據悉黃父早前因跌傷尾龍骨入院,要撐拐杖又要接受物理治療,健康狀況大不如前,令現場見證三家姐幸福出嫁的心穎突然感觸爆喊,趁勢向馬明逼婚話想圓爸爸心願!

撰文:東方新地 圖片:新傳媒圖片、IG

黃父跌傷手尾長!恨嫁黃心穎 焗馬明求婚

都話女追男隔層紗,更何況係電視台第一天然呆 馬國明。雖然大足女友15歲,不過就拍拖全程由女方 做主動,倒追得米後,就算拍拖食飯睇戲被影到一樣 唔認,聽晒女友話;戀情升溫順水推舟半公開,狂接 情侶檔工作搵多筆亦係由女友主導;本來拖得就拖、 自稱「 仲細 」未想嫁住係女方,近月態度突然180度轉 變,焗馬明送婚戒、狂出埠甚至明示心急趕嫁一樣係 女方,據知情人士透露,由騎牛搵馬心態變趕住出 嫁,都係因為心穎爸爸身體大不如前。

三家姐大喜日子,心穎帶埋男友出席,全程和黃家大細一齊活動之餘,最重要目的都係受希望現場氣氛感染逼馬明早日行動求婚。

黃家四千金感情要好亦個個都係孝順女,所以黃爸爸身體日差早前又跌親尾龍骨,令心穎加快步伐想早日出嫁讓爸爸安心。

 

三家姐出嫁,心穎最熱心最上心,又做埋伴娘,全程幫手籌備之餘亦為自己終身大事取定經先。

回港甜蜜認恨嫁

飛完澳洲墨爾本一周後,黃心穎回港出席新劇 《 法證先鋒 IV 》記招時,即被記者追問睇住三家姐出嫁 有否被雙親催婚。表面上話三家姐剛出嫁、父母唔心 急,實情心穎興致勃勃大談結婚計劃:「 爸爸近日健康 大不如前,為咗出席婚禮,都勉強支撐同家姐跳 舞,嗰一刻我真係有啲傷感,知道爸爸都會好想出席 到我嘅婚禮!」到底有冇結婚計劃,馬明短訊回覆「 未 有耐」,反而係心穎講到似層層:「我就想簡單為主,到時有親朋至愛出席就夠喇!」

 

 

馬明出名顧家,拍拖後亦迅速為女友融入黃家,早 前到澳洲出席心穎三家 姐婚禮外,又陪心穎 為姨甥慶生,儼如一家人!

黃家四千金嫁咗三個,除咗離婚的大家姐黃心美外,只剩心穎。

全家出動飛去陪嫁,三家姐上頭當晚,三 姊妹同黃媽媽當然陪在身邊。

 

 

睇大家姐心美現場拍片,可見家姐出嫁,黃家孻女心穎全程滿場飛最雀躍。

降低標準趕沖喜

據知情人士透露,呢一轉澳洲之旅,心穎全程有心鋪 排:「 見三家姐揭頭紗同宣讀誓詞嗰陣,心穎已經忍唔住狂喊,成 個婚禮佢都好大感觸,原來佢爸爸之前唔小心跌傷尾龍骨入醫 院,雖然出咗院,但係全家都嚇親,亦都有眼見今時唔同往 日。心穎係世界女,識搵錢又識使錢,呢幾年又靠自己打入埋富 二代圈子,覺得自己仲有更好選擇。不過爸爸身體出事、眼見馬 明呢兩年任勞任怨又已經被屋企人接受,都改變主意想碼實眼前 呢個筍盤。呢一轉去澳洲點止陪嫁咁簡單,真正目的係想馬明都 當自己係黃家一分子,受現場氣氛感染早日付諸行動!」恨嫁到 出口,睇嚟心穎真係好想將男友進一步私有化!

陪住女友飛去墨爾本的馬明嚴格嚟講都未係黃家 一分子,所以未有得影家族合照。

三家姐結婚前夕,四姊妹圍埋傾心事,心穎表現極興奮。

孝順仔馬國明 16年一炮過以近2,000萬買入 太古城單位與父母一齊住,曾被影到陪母購物後返家,早前坦言要再儲錢買樓築愛巢。

玩完一個星期,回港翌日出席新劇記招時, 心穎有備而來大談夢想婚禮。

16年合拍《為食神探》後,即有傳心穎主動出擊追求偶像馬明,不過就算被 拍到睇戲食飯,二人都堅稱好朋友,未肯認愛,直至今年愈愛愈高調。

馬明已融入黃家,不時出席黃家聚會!

戀情漸漸浮面,順手撈埋情侶檔賺得 大份啲,心穎亦習慣出席馬明兄弟聚會更被尊稱為「阿嫂」!

 

愈戀愈難捨難離,七月更不避 諱雙雙飛去蘇梅島度假,心穎 對外突然樂意大談馬明,還讚 男友攝影技術進步不少。

七月本刊便拍到心穎同馬明拍拖出巡,當時二人就戴住價值約20萬的訂情鑽戒!