黃心美

黃心美尋回失散廿幾年表哥 全靠杜汶澤「吹雞」相助

與親人失去聯絡,絕對係一件令人非常痛心的事,不過現今網絡發達,加上人間有情,凡事都總有可能!日前藝人黃心美喺FB寫下「尋找表哥的故事」的感言,原來佢成功搵番失散廿幾年的表哥,仲係因為有杜汶澤幫手!

撰文:東方新地|圖片:Facebook、Instagram

黃心美-尋找表哥的故事

藝人黃心美日前喺Facebook寫下一篇「尋找表哥的故事」,原來佢同表哥失去聯絡已經廿幾年,已經七十幾歲的心美爸爸一直好想搵番對方,所以心美喺有限的資料下,用盡自己的網絡尋親。不過佢只知道表哥曾就讀男拔(拔萃男書院),訊息少之又少。

黃心美
黃心美表示爸爸好希望搵番表哥。

黃心美

全靠杜汶澤「吹雞」相助

呢個時候,心美得知藝人杜汶澤都係讀男拔,但又未至於熟到去搵對方幫手,點知阿澤不久後就主動聯絡,話已經「吹晒雞」幫手搵!最後皇天不負有心人,阿澤真係幫心美搵番表哥!心美感激阿澤之餘, 仲話我啱啱已經同表哥交換咗電話,我保證以後唔會再同佢失去聯絡。」

黃心美
今次真係多得阿澤!

人間有愛

黃心美回覆傳媒時表示,自從姑姐離世後,表哥跟隨自己爸爸生活,之後又去了外國讀書,不經不覺就失去聯絡廿幾年。心美稱爸爸已經同表哥通過電話,得知對方現時喺倫敦生活,總算了咗一個多年的心願。心美亦再次感謝阿澤,以及一班素未謀面的人相助。

心美表哥的回覆。

延伸閱讀:

鍾意家姐定細妹多啲?盤點8對娛樂圈姊妹花

湯洛雯、湯樂瑤

湯洛雯有名你叫「靚湯」,出眾靚樣無庸置疑,直至靚湯上載一張同妹妹湯樂瑤(Cassandre) 的合照,大家先驚覺原來靚湯妹都咁高質!而且Cassandre身材豐滿,喜歡以性感打扮示人,不時喺社交網大晒「胸器」,睇到抖唔到氣!

姊妹花

湯氏姊妹馬代鬥靚

之前湯洛雯一家去馬爾代夫度假,有著如此好天氣同靚景,妹妹Cassandre當然不停晒靚相,好彩家姐都唔輸蝕,於是網民們就可以大飽眼福啦!小編希望佢哋得閒都去多啲旅行~

靚湯身材唔差,不過阿妹勝在肯露,「胸」贏家姐!

倪晨曦、倪晨曄

網絡女神倪晨曦唔使多介紹啦,原來佢都有個親妹妹倪晨曄(Jennifer),仲要一樣咁靚女!倪晨曦2005年時參加多倫多華裔小姐並奪冠,原來妹妹Jennifer同樣參加過「2007年多倫多華裔小姐」競選,並奪得「魅力傳城大獎」,靚樣無庸置疑!

瑜珈女神倪晨曦

樣靚身材正、又係瑜珈導師的倪晨曦,喺社交平台有超多粉絲,仲要男男女女都勁like!

妹妹已為人妻

妹妹Jennifer同倪晨曦眼睛及面形都頗相似,笑起上嚟甜美動人,而且一樣身材修長窈窕,不比家姐遜色!Jennifer 2015年已經與一位外籍人士喺夏威夷結婚,現時育有兩個可愛混血女兒。睇嚟Elva同男朋友都要努力啲,追貼妹妹的進度!

黃心穎、黃心美

黃心穎貴為2012年香港小姐亞軍,樣子甜美身材索爆,近年喺大台發展愈見順利,連筍盤男神馬國明都拜倒其石榴裙下!心穎BB家中有四姊妹,位位都咁高質,其中大家姐黃心美同是圈中人,除了ViuTV藝人,更是擔任過百次大大少少的主持工作。呢對娛圈索爆姐妹花粉絲眾多,成功俘虜一眾宅男!

黃家姊妹各有支持者

黃家兩姊妹當然都係樣貌標緻,又毫不吝嗇好身材,不時大騷豐滿上圍及白滑長腿!妹妹心穎人氣較高,形象性感得嚟活潑可愛;而家姐心美則較為成熟,女人味濃,總之各有支持者啦!

楊怡、楊卓娜

前TVB視后楊怡無人不曉,出眾的外貌和精湛的演技都令人印象深刻,雖然佢現時已離開大台,但人氣卻是有增無減,唔少人都好想佢回巢拍劇!。至同是大台藝人的家姐楊卓娜,雖然已踏入40年華,但在劇中依然風韻猶存,身材樣貌都保養得非常好,索爆熟女代表!

有冇掛住楊怡?

楊怡雖然已離開TVB,但人氣有增無減,每每在港出眾活動都會成為焦點!另外楊怡同老公羅仲謙結婚兩年,兩公婆人前人後甜到漏,係對每人羨慕的模範夫妻,依家最希望就係佢哋早生貴子啦!

100分繼母楊卓娜

楊卓娜早年下嫁「廣告燈箱大王」楊志翹後,成了兩個女兒舒婷和舒雅的後母,就算細女楊舒然(豹豹)出世後,呢位媽媽也一視同仁,丁點沒有偏心,連兩位繼女都大讚呢位後母,有如親生媽媽般愛錫自己!

性感演出處女電影作 三級片《G殺》夠晒重口味!

入行17年的楊卓娜,參演的電影處女作《G殺》日前公開首輪預告片,其中最吸睛都係閃現楊卓娜性感谷胸一幕!唔知佢今次係演咩角色呢?

預告片中閃現楊卓娜性感一幕!

楊卓娜出場時出現了「慈母」的字樣,會唔會係演女主角陳漢娜的媽媽?

周麗淇、周汶錡

周氏姊妹花非常深入民心,周麗淇係歌手亦係演員,多年來拍了唔少劇集及電影,人氣多年不減!至於家姐周汶錡由90年代開始就已經擔任模特兒,憑標緻樣貌與高挑身型成為當紅模特兒。兩姊妹身材樣貌出眾,經常成為時裝品牌的寵兒!

周麗淇北上發展

周麗淇在港發展多年,近年進軍內地市場,拍了唔少膾灸人口的作品,事業順風順水,人氣極高!

周汶錡做幸福人妻

家姐周汶錡則已成家立室,早年下嫁法籍老公Julien,並育有兩個可愛兒子,家庭生活幸福美滿!

張寶兒、張寶欣

張寶兒及張寶欣呢兩姊妹都係近年先為人所認識,兩人分別喺2016及2017年港姐競選中獲選為「友誼小姐」,雖然兩人同樣無緣港姐三甲,但甜美可愛的笑容都令人難忘,給人開心果的感覺。

兩個友誼小姐

2016年「友誼小姐」張寶兒,參選後成為TVB藝人,雖然喺美女如雲的大台中未算好突出,不過勝在笑容甜美又親切,感覺親民,愈見入屋!最重要的是,Bowie仲有個TVB當紅小生男朋友袁偉豪!

張寶欣同家姐Bowie年紀相差兩歲,相貌頗為相似,同樣擁有陽光燦爛的笑容,而且多了一份稚氣。張寶欣現時亦為TVB藝人,兩姊妹拍住上!

余香凝、余潔瀅

余香凝同余潔瀅兩姊妹同樣模特兒出身,有靚樣加model身材,家姐近年開始轉型做演員及歌手,更曾憑《骨妹》獲提名香港金像獎最佳新演員。妹妹余潔瀅做模特兒時拍過不少廣告,好快仲會喺新一輯《美女廚房》亮相!

運動女神與美女廚神

身高175cm嘅余香凝樣貌標緻可人,有樣又身材,又出晒名熱愛運動,不時會喺社交網站上載運動照,同一眾粉絲分享心得。不過於小編而言,最主要當然係睇佢一身健康性感的運動打扮啦!

余潔瀅好快會於新一輯《美女廚房》亮相,為一班青春貌美「美少女學徒」其中一個,見到佢靚女又餘著起廚師制服有板有眼,相信好快人氣唔會差唔家姐!

2R Race&Rosanne

講到最後,唔知大家仲記唔記得那些年少女組合「2R」?來自星馬的家姐黃婉君(Rosanne) 及妹妹黃婉佩(Race),十多年前參加歌唱比賽後加入香港娛樂圈,組成「2R」在樂壇打滾。現時Rosanne及Race已淡出娛樂圈,各自結婚後專心相夫教子,但睇番啲近照,兩姊妹都keep得好好喎!