黃智賢

黃智賢慨嘆娛圈工作有總好過冇 入行28年捱上男一!

黃智賢入行28年,近年終在劇集擔正,他大談一步步由兒童節目主持到晉身男一的經過,又表白如何認定太太及對抗誘惑等。

撰文:東方新地|圖片:東方新地、黃智賢微博

黃智賢點樣入娛樂圈?

可能不是很多人知道,原來黃智賢於入娛樂圈前曾入警校做學警。黃智賢指家中有9兄弟姊妹,自己排行第4,但家人依然對他有很高的期望,說到:「屋企對我嘅寄望係好想我快啲出嚟做嘢,可以快啲有家用畀屋企,因為屋企嗰時好窮,十五歲我讀警校,再去黃竹坑受訓。」。

黃智賢

黃智賢

「唔敢話畀佢哋聽其實我好鍾意做戲、想做演員,警校禮拜六畢業,禮拜一已經開始計人工,我唔知點話我唔做,到我警校畢業,受埋藍帽子 (機動部隊) 訓練,有個機會,我去考TVB青少年大使,收咗我,我就入咗TVB。」,他背後的理想原來是做演員。

他更大呻:「嗰時 TVB 同做警察唔係相差好遠,相差一千蚊,嗰陣時嘅一千蚊!我畀屋企嘅家用無變,我咪食少啲、 買少啲,去搵自己嘅理想,但唔好令到屋企多咗個負累,我由十五歲幾開始已經無問屋企攞錢,做嘢之後好快搬咗出嚟,自力更生。」,自覺不能成為家中負擔。

第一代《閃電傳真機》主持

黃智賢初出道是兒童節目《閃電傳真機》第一代主持,當年同佢同期的主持除咗有譚玉瑛姐姐,還有「麥包」麥長青、同黎芷珊,玩在四人都有不同成就,各自捱出頭。

黃智賢

黃智賢

《真情》彈起

黃智賢自1995年開始演出長壽處境劇《真情》「阿海」一角,與張慧儀飾演的兩個角色「彩瑤」同「阿貴」都有感情線,開始為觀眾所熟悉。

 

黃智賢

黃智賢

《真情》 中向海跟彩瑤、 雙雙的一段三角戀,曾 是當年觀眾們茶餘飯後的話題 ,「《 真情 》 特別之處,係一路拍一路出劇本,角色受歡迎,戲份會加重,後段佔戲重,可以話係前段賺番。」

北上擴闊眼界

曾經開過 TVB,黃智賢領略到做人做事不必睇得太重,淡言:「用咗十年喺一間公 司,喺香港呢個環境好似愈嚟愈喺個框框裡面。」

「當離開咗公司,返咗大陸拍劇無咗定型呢樣嘢,你覺得我似咩,畀啲咩我做囉。試咗楊六郎、鐵手,甚至喜劇、恐怖片,周圍去試,其中有套劇四地演 員一齊拍,台灣、內地,新加坡、香港,擴闊咗眼界同心胸。」,有了閱歷,人都變得比較看開點。

至於為何回港發展,他解釋:「因為香港是我家,我屋企人、當時女朋友又喺香港,我唔想飄揚過海喺大陸成年等機會,賺咗啲錢,嗰時差唔多結婚,就返咗嚟香港,又返 TVB 重新做過。」,始終離不開香港這個家。

11年憑《潛行狙擊》中辣薑一角獲萬千星輝頒獎典禮「最佳男配角」獎,其後的戲份及角色比重亦年年遞增。

台慶劇《是咁的,法官閣下》中擔正,跟王君馨、麥明詩有感情線。

入行至今有什麼體會?

對於入行至今有什麼體會,他說:「堅持無白費囉,我會覺得經過咗咁多年,唔同嘅歷練,由兒童節目到《 真情 》,離開咗 TVB,又再返嚟,重頭開始過,唔覺唔覺已經過咗十年,返咗嚟做到依家,我覺得時間過得好快,一路 成長、成熟。」。

他續指:「接觸嘅角色又多咗,用自己嘅監製又多咗,每樣嘢都喺度累積緊,喜愛你嘅人又多咗,呢啲都係好正面嘅回報,只不過命水嘅嘢,我控制唔到,我只係慶幸自己堅持、無放棄到,我又唔想刻意去比較,因為比嚟比去,會唔開心。搞到自己唔開心為乜啫,我寧願開心啲做人囉!」,其人生之道亦有其理。

不少人會將他與其兩位好友郭晉安、鄭嘉穎的事業作比較,對此他坦言:「見到佢哋嘅成績我都好開心,有咩好比呢其實?每個人嘅際遇唔同。」,的確如是。

至於面對自己人生低潮,他直言:「我無得放棄,我無第二個興趣,無第二樣嘢令我開心。不過,都會變咗有破釜尋舟嘅心態留低!」,低潮變成人生動力。

台慶頒獎禮即將舉行,黃智賢直指:「嗌名咪行出去囉;夠膽嗌我,我夠膽行出去,我年年都做好呢個準備㗎嘞!我志在㗎,有都係好事嚟,我無話唔志在,唔係出席嚟做咩呀!」,很有決心!

婚姻、夫妻之道

與太太拍拖14年 結婚13年

黃智賢同任職OL嘅太太自細認識,之後拍拖14年、結婚13年,黃智賢一直都好保護老婆,太太早年被傳媒追訪時,佢曾經表示:「佢係圈外人,冇心理準備,我老婆好細膽又怕醜,過往好少同佢出席首映同飯局。我作為老公要保護老婆,佢係OL唔想引起太多話題,要搞就搞我!(點𠱁番老婆?)將佢嘅相影得靚啲,唔影都影咗,可以點?」

黃智賢黃智賢話自己同老婆自𡃁仔𡃁妹時代已認識,一路見證住對方嘅成長。

同太太指拖、結婚多年,被問到如何保鮮,黃智賢則直言:「大家由反叛青年嘅年紀識,到依家,真係一齊成長,初初仲會拗頸、鬥氣、嗌交,依家會學識咗同對方相處,真係用時間去磨合,一來婚姻係承諾,二來唔好忘記對方嘅優點,大家共同嘅宗教信仰都係有關係嘅。」,夫妻之道簡單易明。

有共識唔生B

黃智賢話同老婆結婚三年後已經傾過,諗好咗唔會生BB:「大家都知對方性格唔啱做爸爸媽媽,覺得責任好大,我哋冇呢個耐性,而且香港嘅教育制度或者社會,都令我冇安全感,唔覺得適合有小朋友,當然意外有咗又係另一樣嘢,個天畀你又唔同。我哋決定咗之後都冇再諗小朋友嘅嘢,反而會諗冇小朋友嘅好處,我覺得『無憾』就係唔好反反覆覆去後悔。」

黃智賢
黃智賢同老婆生活簡樸,不時拍住拖去街市買餸,一齊返屋企煮飯仔。
黃智賢
黃智賢買餸時都會精挑細選,睇嚟喺屋企煮開幾味,對食材都好有研究。

續言:「佢任性又好、刁蠻又好,偏偏覺得係好吸引你嘅地方,就好似 磁石同鐵,就係會吸埋。兩個人一齊,係咪同步、同一個價值觀、品味,先至可以長遠繼續行落去。難得地,我同佢愈嚟愈同步,愈嚟愈夾到。」。

另外,他更說出自己從不許身邊存有任何誘惑,說:「因為我父母嘅婚姻係我嘅一面鏡,好知道個破壞力係有 幾大,變咗我好謹慎去睇呢樣嘢,我唔會畀咁多誘惑埋到身,我好快意識到,就會講一啲嘢令到對方醒目啲。」。

智賢與太太早有共識不生小朋友,認為兩個人的生活可以過得比較瀟灑,加上考慮到教育問題,故沒有生小朋友的打算。

如何保持人緣?

至於如何保持人緣,黃智賢笑指:「我係幾夾到人嘅,我為咗呢樣嘢去讀九型人格,原來我嘅性格真係夾到人!我覺得我唔需要同你做好好嘅朋友,起點只要做好同事就夠,大家夾到咪做好朋友囉,夾唔到我哋都係好好嘅合作夥伴!」。

不時被網民笑他不穿衣皆因想騷身材,黃智賢則反指:「劇情上啫,唔知點解啲編劇成日要我剝衫,《 波士早晨 》有剝、《 四個女仔三個BAR 》都有,連《翻生武林》都要我剝衫練功,我又唔係咁介意嘅。」。

身為運動型男嘅黃智賢身形fit爆,去旅行都不忘晒肌。
黃智賢
黃智賢試過多次因打網球導致頸及腳背肌肉發炎,依然無損佢對網球嘅熱愛:「每次都想快啲好番,好番就可以再打過!」

關鍵詞
黃智賢